麋竺

出自維基百科,自由嘅百科全書

麋竺2世紀221年),字子仲,東海郡朐縣(家下江蘇連雲港)人,三國時期蜀漢官吏,係蜀漢待遇同地位最高嘅臣下。

一生[編輯]

徐州豪門,佢祖先係做墾殖業,好多僮僕,概近萬個食客,大把家產,之後徐州陶謙搵佢做別駕從事。

194年,陶謙病死之後,麋竺奉陶謙遺命接劉備入主徐州幫佢。冇耐呂布投靠劉備,但係呂布鴞劉備同袁術交戰嗰陣偷襲咗下邳,捉咗劉備老婆,劉備打敗仗之後逃去廣陵郡海西縣。麋竺特別將佢個妹嫁畀劉備,攞嗮家當同傭人送畀劉備。之後曹操諗住表麋竺任嬴郡太守,佢細佬麋芳做彭城相,但係兄弟兩人都決定咗服侍劉備就唔接受。

劉備敗畀曹操之後南投劉表,派麋竺同劉表見面,同簡雍孫乾任從事中郎。劉備入主益州之後,被拜安漢將軍,比軍師將軍諸葛亮嗰地位高,蜀漢眾臣嘅待遇係最高,因為佢喺劉備面對困難嗰陣資助劉備,呢嗰舉動畀所有蜀臣認為佢得到最高待遇係冇異議嘅。

樊城之戰嗰陣,佢細佬麋芳做咗二五仔,叛投孫權關羽敗死,麋竺為咗呢件事覺得論息,縛住自己去劉備嗰度,畀返劉備安慰,認為細佬個罪唔得牽連阿哥,仲係對佢咁好。雖然佢得到劉備原諒同冇畀佢為難,但係麋竺為咗呢件事憂到病,一年後病死,佢之前署名「安漢將軍麋竺」同群臣上奏,勸劉備稱帝。

特徵[編輯]

佢雍容大方,敦厚斯文,叻騎馬同射箭,而佢唔叻搞內政或者軍事等公務,所以佢一直做無實權嘅閒職。但係佢曾經重金資助過劉備且個性好,劉備對佢好禮敬,畀佢嘅賞賜好多。

軼事[編輯]

  • 《搜神記》話佢曾經遇過火神,並受佢指點之後逃過大火。

屋企[編輯]

兄弟姊妹[編輯]

後世[編輯]

  • 麋威,麋竺個仔,官至虎賁中郎將,叻騎馬同射箭。
    • 麋照,麋威個仔,官至虎騎監,叻騎馬同射箭。

評語[編輯]

三國志》評話:「麋竺、孫乾、簡雍、伊籍,皆雍容風議,見禮於世。」

曹操表麋竺:「泰山郡界廣遠,舊多輕悍,權時之宜,可分五縣為嬴郡,揀選清廉以為守將。偏將軍麋竺,素履忠貞,文武昭烈,請以領嬴郡太守,撫慰吏民。」

楊戲嘅《季漢輔臣贊》贊麋子仲:「安漢雍容,或婚或賓,見禮當時,是謂循臣。」

睇埋[編輯]