黃土高原

出自維基百科,自由嘅百科全書
跳去: 定向搵嘢
5902-Linxia-County-Xihe-township-canyon.jpg

黃土高原中國四大高原之一,響太行山以西,烏鞘嶺以東,秦嶺以北,長城以南,面積有40萬平方公里,海拔響1000至2000之間,跨越陝西山西寧夏甘肅內蒙等省區,係中國水土流失嚴重嘅地區。

黃土高原到處都係疏鬆嘅泥土,厚到50到801米,最厚嘅地方超過200米。由於歷代戰亂,當地民眾盲目開荒、放牧,宜家高原嘅植被破壞得好嚴重,搞到有嚴重嘅水土流失。

地質地貌[編輯]

黃土高原由西北向東南傾斜,好多地方都係厚層黃土覆蓋,由於流水長期嘅侵蝕,使到高原地區到處都係溝壑的特殊景象。

黃土高原主要嘅山脈有太行山呂梁山同埋六盤山等,呢啲山將黃土高原分成咗三個部分:山西高原陝甘黄土高原隴西高原

氣候同水文[編輯]

黃土高原地區嘅氣候比較乾旱,65%的降水都係響夏季,每次落雨強度都比較大,有時一次落雨就已經佔咗全年落雨量嘅30%上,呢個都係導致呢度水土流失嚴重嘅原因嚟嘅。

黃土高原河川係以黃河作為骨幹,響黃土高原發源的河川有200幾條,比較大的河流有:渭河汾河洮河等,呢啲河流嘅水量都唔大,受汛期影響大,往往係急起急落。

土壤同植被[編輯]

黄土高原上嘅土層富含元素,但係水土流失嚴重,土層嘅肥力不足,偏鹼性,因此植物好難生長。再加上長期嘅戰亂同埋砍伐、土地嘅唔合理使用,高原上植被覆蓋率好低,東南邊嘅情況好一啲,西北面嘅地區多數都係草原同埋荒漠。

水土流失[編輯]

黄土高原水土流失嚴重嘅面積有27萬平方公里以上,特別嚴重嘅地區有11萬平方公里。水土流失仲使到河床淤塞,水庫淤積,渠道不暢。