黃毓民
出自維基百科，自由嘅百科全書
黃毓民（1951年10月1號—）係香港時事政治評論員、亦係社會民主連線創黨主席，主持節目言論火爆所以俾人叫「癲狗」，香港立法會議員。佢曾經嚮2008年曾蔭權讀施政報告嗰時，因為生果金件事唔滿意而喺立法會掟蕉。
目錄 |
屋企[編輯]
黃毓民係廣東陸豐人。屋企有一個老婆三個仔，係旺角開咗一間台灣牛肉麵鋪頭[1]
事業[編輯]
1993年喺亞洲電視主持《龍門陣》節目而出名，又喺香港商業電台主持過《毓民七鐘敘》、《政事有心人》等烽煙節目。2006年中開始組織政黨「社會民主連線」，又做埋社民連發言人。黃毓民對台港事務同中國文化歷史都好有研究[1]。
黃毓民主持節目，言論火爆兼青筋暴現，所以畀人安個花名叫「癲狗」[2]，佢都唔介意呢個稱呼，重出過份《癲狗日報》同《癲狗週刊》，後來做唔住摺埋。佢又喺珠海書院新聞系同傳播系教過，最大做到系主任，所以又有人叫佢做「流氓教授」[3]。
「五區總辭」[編輯]
2010年1月，黃毓民同埋其他四個議員，包括陳淑莊、梁家傑、陳偉業、梁國雄，唔撈立法會議員。不過，佢哋之後參加補選，話借補選畀市民搞「變相公投」，為日後香港政制改革表態[4]。結果，毓民喺補選攞到六萬幾票，成功重返立法會[5]。
著作[編輯]
- 《歷史幾串都有》[2]
參考[編輯]
- ↑ 黃毓民洛城演講會
- ↑ 癫狗黄毓民踩場喊打
- ↑ 黃毓民被邊緣化暴跳如雷。 大公網。
- ↑ 公社兩黨歧見中啟動「公投」
- ↑ 立法會補選九龍西黃毓民當選
|
|||||||||||||||||||||||||||
|
||||||||||||||||||||
|
||||||||||||||||||||
