黃現璠
| 生 |  1899年11月13號廣西省新寧州六都渠思村 |
|---|---|
| 死 |  1982年1月18號廣西壯族自治區桂林市 |
| 職 | 中國人民對外文化協會嘅理事、全國人大代表、全國人大民族委員會嘅委員、中央對外文化聯絡委員會嘅委員 、全國政協委員、漓江業余大學校長 |
黃現璠（粵語拼音：wong⁴ yin⁶ faan⁴，1899年11月13號—1982年1月18號），原名甘錦英，係壯族人，廣西扶綏縣出世，係個歷史學、人類學、民族學家同埋教育家。
目錄 |
[編輯] 底細
佢屋企無乜錢，細紋仔時讀渠黎小學，中學就讀廣西省立第三師範，然後考入北京師範大學史學系嘅預科，兩年後，入北京師範大學史學系本科，1932年攞到學士學位，入北京師範大學嘅研究院深造三年。冇耐，渠過日本，考入日本東京帝國大學嘅研究院，同日本東洋史家和田清同埋加藤繁讀東洋史。七七事變後，佢返返中國。前後做過廣西大學、中山大學、國立桂林師範學院、廣西師範學院（現廣西師範大學）等校嘅史學教授，任過廣西教育研究所研究員、廣西大學訓導長、中文系主任、圖書館館長、廣西師範學院圖書館館長等職，組織過「黔南邊民考察團」，任團長，多次深入黔桂兩省少數民族地區展開廣泛學術嘅調查活動，渠係中國壯族第一位大學教授同埋現代少數民族田野調查嘅先驅之一[1]。
喺1949年到1957年間，佢曾經俾人選做第一屆中國人民對外文化協會嘅理事、全國人大代表、全國人大民族委員會嘅委員、中央對外文化聯絡委員會嘅委員、桂西僮族自治區人民政府嘅委員、廣西省人民委員會嘅委員。
1958年2月1號，響第一屆全國人民代表大會第五次會議作出咗決議：「罷免費孝通、黃現璠同埋歐百川嘅全國人民代表大會民族委員會委員嘅職務」。渠係冇運行，唔單只錯劃為中國歷史學界同埋壯族嘅頭號大右派。重被整成二十年[2]。
1979年嗰陣，佢嘅右派冤案卒之被平反。之後，渠重做返教授。相繼俾人選咗做第一屆嘅中國民族學學會顧問、中國西南民族研究學會顧問、第一屆中國西南民族研究學會顧問、百越民族史研究會副會長。重做埋《中國大百科全書·民族》編輯委員會委員，同埋第五屆嘅全國政協委員。喺擔任全國政協委員期間，為協助政府嘅平反冤假錯案做咗好多嘢。響晚年佢曾創辦漓江業餘大學，做埋校長，開咗中國當代民辦高等教育嘅先河，貢獻咗唔少中國現代學術同埋民族文化教育事業。
1999年11月，喺廣西師範大學隆重舉辦「黃現璠教授誕辰一百年紀念座談會」，會後編印咗《黃現璠教授誕辰百年紀念文集》同埋出版《古書解讀初探-黃現璠學術論文選》。而家廣西師範大學同桂林中學重有「黃現璠少數民族獎學金」同「黃現璠獎學金」[3]。
[編輯] 出名著述
- 《中國通史綱要》，上、中兩冊係黃現璠教授獨立完成，下冊係劉鏞完成，商務印書館，1932-1934
- 《唐代社會概略》，商務印書館，1936年3月初版，1937年2月再版，1936
- 《宋代太學生之救國運動》，商務印書館，1936年10月初版，臺灣臺北文星書店，1956年1月、1965年5月再版
- 《廣西僮族簡史》，廣西人民出版社，1957年6月
- 《儂智高》，廣西人民出版社，1983年10月
- 《壯族通史》，廣西民族出版社，1988年11月
- 《古書解讀初探-黃現璠學術論文選》，廣西師範大學出版社，2004年7月
- 《試論“中國生活學”的構建》，《廣西社會科學》，［特稿］2007年第3期
- 《中國歷史沒有奴隸社會》，廣西師範學院油印，1981年10月
[編輯] 註
[編輯] 參考
- 《當代中國少數民族名人錄》華文出版社，1992年12月
- 《中國少數民族文化大辭典》中南、東南地區卷，第143-144頁，民族出版社，1999年6月。
- 《廣西古今教育人物》第270頁，廣西壯族自治區教育廳編印，2001年10月第1版
- 桂林市地方誌編纂委員會辦公室編《桂林之最》第90頁，漓江出版社，2001年7月第1版。
- 黃現璠著：《古書解讀初探-黃現璠學術論文選》“羅章龍唁電墨跡”、“韋純束序一”、“冢田誠之序二”、“馬克·本德爾序三”。
- 黃派
