點三八英寸特種彈

出自維基百科,自由嘅百科全書
跳去: 定向搵嘢

Template:Infobox Firearm Cartridge

裝配唔同彈頭嘅點三八特種彈(由左至右):全包甲彈(Full Metal Jacketed)、全鉛圓頭彈(Lead Round Nose)、全鉛「半切紙」彈(Lead Semi-wadcuter)、半包甲空尖彈(Semi-jacket Hollow Point)
一粒點三八特種子彈 - 包甲軟尖彈(Jacketed Soft Point)
一粒點三八特種子彈 - 全包甲彈
史密夫威爾信左輪手槍發射點三八特種子彈

點三八英寸特種彈(英文:.38 S&W Special,通稱.38 Special。一般會省略咗個小數點,讀作 Thirty-eight Special)係一種子彈。呢種子彈用「小型手槍中心底火」,彈瞉尾部有凸邊。雖然市面上有少數半自動手槍可以發射呢種子彈,但通常用喺左輪手槍度。1898年面世起計,已經超過一百一十年,到今日依然被大量生產。

[編輯]

1898年左右,美國菲律賓同當地嘅摩洛族戰士打仗期間,發現當時部隊用緊嘅.38長柯爾特子彈(.38 Long Colt)嘅威力唔夠。消息由戰場傳返美國之後,史密夫威爾信公司立即着手設計更有威力嘅子彈。佢哋將原本 1.031英寸(26.2毫米)嘅長柯爾特子彈拉長到 1.155英寸(29.3毫米),令到子彈可以入多一尐火藥[1]

由於美軍已經改用點四五英寸口徑嘅手槍,史密夫威爾信公司於是向警察部門同民間市場推銷呢一種子彈,結果大受歡迎。

原本點三八特種彈係一種用黑火藥發射彈頭嘅子彈。無煙火彈發明之後,由於點三八特種彈廣受歡迎,各子彈生產商推出裝填無煙火藥嘅點三八特種彈[2][3]

到咗1920年代,美國罪犯裝備加強咗,各個執法部門覺得佢哋嘅點三八特種彈唔夠威力,向子彈生產商要求設計更強力嘅子彈。各個子彈生產商推出咗唔同方案,設計出各種唔同嘅點三八特種彈同「點三八特種加強型子彈」(.38 Special +P),並且最終喺1935年設計咗點三五七密林彈(.357 Magnum)。同一時期,英國研究以史密夫威信喺1877年開發出嚟嘅點三八史密夫威爾信彈(.38 S&W)裝入200格令重量嘅彈頭,設計出38-200彈,並且一直用到1960年代(38-200 亦有人寫成 38/200,同樣都係指呢一種子彈)[4][5][6][7][8][9][10][11]

雖然美軍喺1911年已經採用咗柯爾特公司嘅1911型點四五半自動手槍,但依然保留咗一尐發射點三八特彈嘅左輪手槍。所以直到1960-70年代,軍方都斷斷續續咁研究同改進點三八特種彈[12][13]</ref>[14][15][16]

而美國聯邦調查局喺1970年代依然重研究緊點三八特種彈,並而認為作為警用子彈,點三八特種(加強)彈嘅火力加上158格令「半切紙」彈頭(Semi-wadcutter)係最理想嘅配合。俗稱「聯邦調查局配方」(F.B.I. load)[17][18][19]

特性[編輯]

雖然呢種子彈被稱為「點三八」,但實際上呢種子彈嘅彈頭直徑係大約零點三五七英寸(大約 9.068毫米),「點三八」其實係彈瞉嘅外徑尺寸。1850年代,當時嘅點三八子短柯爾特子彈(.38 Short Colt)採用一種「大頭」彈,彈頭露出嘅部份同彈殼同一尺寸。雖然之後已經唔再用「大頭」彈,但呢個口徑後嚟嘅子彈都依然照樣被稱為「點三八」,直到點三五七密林彈面世。亦都因為咁,所以點三八口子彈同點三五七密林彈其實係同一個口徑,只係彈殼長度唔同(.357 Magnum > .38 Special >.38 Long Colt > .38 S&W/ 38/200 > .38 Short Colt)。

點三八特種彈原本係一種裝填黑火藥嘅子彈,膛壓比較低。就算換咗裝填無煙火藥,膛壓都只有 17000 PSI 左右。

尺寸上,同點三八特種彈口徑差唔多嘅有點三五七密林彈(.357 Magnum)、點三八零柯爾特自動手槍彈(.380 ACP)、點三八超級彈(.38 Super)、九毫米(9 X19mm Parabellum)、馬卡洛夫彈(9 X18mm Makarov)、以及點三五七西格彈(.357 Sig)。但以上各種子彈嘅膛壓、初速、槍口動能等等都同點三八特種彈唔同。

點三八特種彈同其他子彈對比
子彈 彈頭重量
單位:格令 gr(1磅 =7000格令)
初速
單位:英尺/秒,f/s
槍口動能
單位:磅/英尺,ft•lbf(焦耳,J)
最大膛壓
單位:Copper Units of Pressure,CUP(黑火藥子彈)、
Pounds per Square Inch,PSI(無煙火藥子彈)
.38 Short Colt 135 gr(8.7克) 777 ft/s(約237米/秒) 181 ft•lbf (245 J) 7,500 CUP
.38 Long Colt 150 gr(9.7克) 777 ft/s(約237米/秒) 201 ft•lbf (273 J) 12,000 CUP
.38 S&W 158 gr(10.2克) 767 ft/s(約234米/秒) 206 ft•lbf (279 J) 14,500 PSI
.38 S&W Special 158 gr(10.2克) 940 ft/s(約290米/秒) 310 ft•lbf (420 J) 17,000 PSI
.38 Special +P 158 gr(10.2克) 1000 ft/s(約300米/秒) 351 ft•lbf (476 J) 20,000 PSI
.38 Special +P+ 110 gr(7.1克) 1100 ft/s(約340米/秒) 295 ft•lbf (400 J) >20,000 PSI
.380 ACP 100 gr(6.5克) 895 ft/s(約273米/秒) 178 ft•lbf (241 J) 21,500 PSI
9x19mm Parabellum 115 gr(7.5克) 1300 ft/s(約400米/秒) 420 ft•lbf (570 J) 39,200 PSI
9x19mm Parabellum 124 gr(8.0克) 1180 ft/s(約360米/秒) 383 ft•lbf (520 J) 39,200 PSI
9x18mm Makarov 95 gr(6.2克) 1050 ft/s(約320米/秒) 231 ft•lbf (313 J) 23,206 PSI
.38 Super 130 gr(8.4克) 1275 ft/s(約389米/秒) 468 ft•lbf (634 J) 36,500 PSI
.357 Magnum 158 gr(10.2克) 1349 ft/s(約411米/秒) 639 ft•lbf (866 J) 35,000 PSI
.357 SIG 125 gr(8.1克) 1350 ft/s(約410米/秒) 506 ft•lbf (686 J) 40,000 PSI

上面個表嘅數據,係基於所有子彈由一枝六英寸長嘅槍管發射嘅結果。用短槍管手槍發射嘅話,結果會同上面個表嘅數據差好遠。另外,由圖表可以見到,就算同一種子彈,彈頭重量對各項數據都有影響[20]

參考[編輯]

  1. Barnes, Frank C. Ken Warner, editor. Cartridges of the World, 6th Edition. Northbrook, Illinois: DBI Books, 1989. ISBN 978-0-87349-033-7. The failure of the .38 Long Colt as a service cartridge caused the U.S. Army to insist on a .45 chambering for the its 1907 pistol trials.
  2. Smith, Clint. Special specials: what, where and why?. American Handgunner. 2005. 喺2007-09-25搵到;. (原先內容喺2 October 2007歸檔). 
  3. Petty, Charles E. The .38 special: one of our favorite rounds. Guns Magazine. 2006. 喺2007-09-25搵到;. (原先內容喺13 September 2007歸檔). 
  4. Sharpe, Phil, The New Smith & Wesson Heavy Duty .38, The American Rifleman, November 1931
  5. Shideler, Dan, Is This the Greatest .38 Ever, Gun Digest, 4 August 2008
  6. Sharpe, Phil, The New Smith & Wesson Heavy Duty .38, The American Rifleman, November 1931: Chambered in .38 Special, the .38/44 was built on the old S&W .44-calibre Hand Ejector frame.
  7. Shideler, Dan, Is This the Greatest .38 Ever, Gun Digest, 4 August 2008: The new .38/44 load developed a maximum allowable pressure of Template:Convert/psi, producing a velocity of about Template:Convert/ft/s from a Template:Convert/in barrel with a Template:Convert/gr metal-tipped bullet.
  8. Ayoob, Massad. "The Colt Official Police: 61 years of production, 99 years of service", Guns magazine. BNET Web site – Find articles. Accessed 2 April 2011: Because of their heavy frames, these revolvers could withstand the higher-pressures generated by the new loadings.
  9. Sharpe, Phillip B. Complete Guide to Handloading. Funk & Wagnalls. 1937: 405–406. 
  10. Metcalf,, Dick. The 20th Century's Top Handgun Cartridges. Shooting Times. 2000.February. 
  11. Barnes, Frank C. In Skinner, Stan. Cartridges of the World 11th. Iola, Wisconsin: Gun Digest Books. 2006. 299 [1965]. ISBN 0-89689-297-2. 
  12. Brown Jr., Edwards, DCM Shopper's Guide, The American Rifleman, (April 1946), p. 18
  13. Scarlata, Paul, Smith & Wesson's Model 12 Airweight, Shooting Times . Retrieved 3 April 2011. Template:Wayback
  14. TM 43-0001-27, Army Ammunition Data Sheets - Small Caliber Ammunition, FSC 1305, Washington, D.C.: Dept. of the Army, 29 April 1994
  15. Military .38 Special Ammunition, The American Rifleman (March 1982), p. 68
  16. TM 9-1305-200. Small Arms Ammunition, Washington, D.C.: Departments of the Army and the Air Force (June 1961)
  17. Ayoob, Massad, "Why are We Still Using the .38 - It's Still A Good Cartridge", American Handgunner, San Diego: Publishers Development Corp., Vol. 6, No. 30, September/October 1981, p. 64
  18. Ayoob, Massad, The Gun Digest Book of Combat Handgunnery, Iola, Wisconsin: Gun Digest Books, ISBN 0896895254, ISBN 9780896895256 (2011), p. 98
  19. What is +P and +P+ ammunition?
  20. Ballistics By The Inch .38 special results.

連出去[編輯]