龍之劍

龍之劍係一個中國民間自發嘅組織，針對中國國內扒手情況嚴重，而警方又似乎束手無策，於是有網民喺網上一個QQ社群組成一個叫「龍之劍」嘅反扒隊，對付日益嚴重嘅扒手情況。

簡史

龍之劍成員都係一啲普通市民，最初都係一班唔識嘅網民，通過一個叫 QQ 嘅互聯網通訊工具而認識，最初由網名叫股海神鷹嘅網民先提議，之後有一個叫馬克周嘅網民見到和應，因為大家都對竊賊猖獗嘅現象都睇唔過眼，就聚埋一齊諗計捉小偷，馬克周喺 QQ 建立咗一個叫「龍之劍」嘅反扒隊，之後有幾十個網友加入，傾傾吓就決定付諸行動，喺2005年11月21號開始咗第一次反扒行動，而且仲成功捉到個小偷。之後佢哋再喺好多次行動入面成功捉到小偷，仲將呢啲事蹟放上網，陸續開始有唔同背景嘅人加入「龍之劍」，就連深圳市公安局公交分局反扒大隊大隊長張鵬遙都對佢哋表示欣賞。