龔如心

出自維基百科,自由嘅百科全書

龔如心1937年9月29號2007年4月3號)生前係香港最有錢嘅女人,又俾福布斯雜誌評為亞洲頭號女富豪,資產超過300港紙。龔如心響中國上海出世,之後成家搬到香港住,最後變咗做香港企業家,後生嗰時同佢老公王德輝一齊搞華懋集團。由於成日以兩條嘅造型露面,因此有「小甜甜」嘅稱號。

娘家[編輯]

龔如心阿爸係龔雲龍,係英國漆廠ICI公司嘅職員,不過喺1949年死咗,淨返阿媽。二妹係叫龔中心,三弟叫龔仁心(原名龔咸心),係醫生,四妹龔因心,響華懋做。

生平[編輯]

龔如心1937年響上海出世,香港瑪利諾修院學校中五畢業。

華懋集團前身嘅華懋公司,就係佢老爺王廷歆1940年代響上海開嘅。因為華懋公司係做塑膠原料、飼料、漂染、西藥生意,所以王廷歆同龔雲龍兩家喺上海有生意來往。而龔如心、王德輝就由細玩到大。

1945年二戰結束,華懋公司搬來香港,而王德輝1947年來香港讀書,而龔如心就1955年中到香港,住響王家。1955年9月29號龔如心十八歲生日,佢就嫁畀王德輝,入佢家公華懋有限公司幫手,1960年兩仔爺開華懋置業,做地產生意,最後變成家下華懋集團。1967年暴動,兩夫婦就趁平賣入唔少地,發大達。1968年,夫婦不和,大家都有外遇,最後都有和解。王德輝係不育嘅,所以兩夫婦無仔女。

1970年代華懋係香港數一數二嘅華資地產商。

1983年王德輝俾人綁架,龔如心畀咗 8,580 萬贖金先放人。1990年王德輝又俾人綁架,龔如心畀咗 4.68 億元贖金後,王德輝都係連影都無。龔如心透過攤薄王德輝嘅參明有限公司股份,接管華懋集團主席。1997年獲選美國《福布斯》世界超級富豪榜之中,華人女性排第一。

王德輝遺產爭奪戰[編輯]

1999年王廷歆入稟高等法院,宣布失蹤多年嘅王德輝死亡,王廷歆同龔如心爭遺產,對簿公堂。2001年翁媳世紀爭產案開審,審咗172日。2002年高等法院裁定龔如心所持1990年遺囑係偽造,王廷歆跟1968年遺囑,係遺產唯一受益人。警方商業罪案調查科重拉咗龔如心,話佢偽造文件,不過准佢自簽保釋金5500萬蚊。2004年上訴庭駁回龔如心上訴,維持原判。2005年終審庭宣布龔如心上訴得直,係王德輝遺產唯一受益人,保住逾300億元身家。2006年10月終審庭判龔如心贏訴訟費,估計可獲2.85億元。

病死[編輯]

龔如心喺2004年被診斷患卵巢癌,需接受化療控制病情。2007年4月3號,龔如心響養和醫院病死。

其後商人陳振聰宣稱有龔如心2006年遺囑,話自己可以攞晒龔如心所有遺產。陳振聰同埋華懋慈善基金因而對簿公堂,引發龔如心遺產爭奪戰

資料來源[編輯]