2013年定西地震

出自維基百科,自由嘅百科全書
跳去: 定向搵嘢
2013年7月22號定西地震烈度圖美國地質調查局7月22號發布)

2013年定西地震(粵讀:ji⁶ ling⁴ jat¹ saam¹ nin⁴ ding⁶ sai¹ dei⁶ zan³)發生喺2013年7月22號(星期一)北京時間(UTC+8)上晝7點45分嘅地震,震央位於中國甘肅省定西市岷縣漳縣交界,距離岷縣15公里,距離漳縣45公里,距離蘭州190公里。中國地震局測定呢次地震嘅面波震級係Ms6.6,震源深度20公里。

[1]中國科學院評估呢次地震嘅烈度係8(VIII)度,受災範圍約莫16,340平方公里(按地震烈度6度模擬區域計算),主要涉及岷縣、漳縣、禮縣宕昌縣臨潭縣卓尼縣等嘅區域;結合當地人口數據,地震影響範圍裏面,受災人口約90萬[2]

除咗定西市外,甘肅省其它地區同埋週邊嘅隴南市天水市蘭州震感明顯,西安有強烈震感,成都綿陽等地都有震感[3]

成因[編輯]

呢次地震發生喺臨潭-宕昌斷裂帶附近(距離細過14km)。1900年以來,震中附近100公里範圍入邊發生過8次5級以上地震,最大嘅地震係1961年10月1號岷縣5.7級。

有歷史記錄以嚟,震中附近200公里範圍之內一共發生5級以上地震25次。最早嘅地震係公元前193年甘肅臨洮6.5級地震,距當前地震104公里;時間最近嘅地震係1973年8月11號四川松潘東北6.5級地震,距當前地震178公里;距離最近嘅地震係1573年1月20號甘肅岷縣6.8級地震,距離21公里;震級最大嘅地震係1654年7月21號甘肅天水南8.0級地震,距當前地震121公里[4]

地震詳情[編輯]

震級[編輯]

根據中國地震局嘅數據,呢次地震嘅面波震級係Ms6.6,震源深度20公里。根據美國地質調查局嘅數據,呢次地震嘅矩震級係Mw5.9,震源深度9.8公里[5]。根據歐洲與地中海地震中心嘅數據,呢次地震嘅矩震級為Mw6.0,震源深度10公里[6]

餘震[編輯]

直至23號17點,共記錄到餘震569次。其中,3級以上嘅餘震有8次,3.0-3.9級餘震7次,4.0-4.9級餘震0次,5.0-5.9級餘震1次。


人員傷亡[編輯]

直至目前為止,地震災害經已造成定西、隴南、天水、白銀臨夏甘南等6市(自治州)29個縣(區)58.2萬人受災,95人死亡,1000幾人受傷,22.7萬人緊急轉移安置[8]

財產損失[編輯]

直至目前為止,12.7萬間房屋倒塌或嚴重損壞,16.5萬間一般損壞[8]

震後影響[編輯]

通訊[編輯]

岷縣中寨至小寨二級光纜中斷,固定電話同移動通信信號中斷[9]

地震造成52個移動通信基站斷站,固定網絡同流動網絡都出現擁塞。據三大電信運營商提供嘅消息,中國電信骨幹網冇發生中斷,C網3個基站因停電而斷站。中國移動15個基站因停電而退服。中國聯通34個基站斷站,移動核心網暫冇影響[10]

電力[編輯]

地震造成14066戶用戶停電[11]。東山區5個鄉鎮大面積停電[9]

交通[編輯]

鐵路[編輯]

受甘肅定西地震影響7月23號廣州開往蘭州嘅K226次列車停運、廣州開往烏魯木齊嘅T38次列車停運[12]

教育[編輯]

截至23號22點40分,甘肅岷、漳兩縣一共有102所學校(岷縣95所,漳縣7所)受災情況極為嚴重,有382個班級(岷縣344個,漳縣38個)1.61萬名學生(岷縣1.5萬人,漳縣1100人)因校舍損毀嚴重,將面臨秋季學期無辦法正常開課嘅嚴重困難。為保證呢班學生能夠正常開展教學活動,急需搭建板房8萬平方米(岷縣7萬平方米,漳縣1萬平方米),帳篷1662個(岷縣1642個,漳縣20個),急需資金2493萬元。岷縣、漳縣等30個鄉鎮唔同程度受災,受災學校360間,受損校舍29.54萬平方米,其中倒塌校舍2763平方米,嚴重受損11.61萬平方米,倒塌受損圍牆2.31萬米,倒塌受損校門13座,毀壞教學儀器2734件(套),課桌凳757套,經濟損失共約10.8億元 [13]

截止23號22點,死亡學生7人,教師受傷1人(都係喺屋企受災)。

救援[編輯]

政府[編輯]

2013年7月22號上晝9點起,中國國家減災委、中國民政部針對甘肅省岷縣、漳縣交界6.6級地震造成嘅損失緊急啟動「國家四級救災應急響應」,派出工作組趕赴災區查睇災情,指導開展救災工作。甘肅省民政廳已啟動二級響應,撥出資金500萬元,緊急調運500頂帳篷同2000床棉被,災區民政當局正全力組織災情核查、人員轉移同臨時安置等工作[14]

中國國家衞生計生委7月22號下晝繼續派出3批共26人醫護專家隊伍趕赴甘肅省岷縣地震災區。包括:北京市8人專家隊、陝西省14人專家隊同四川大學華西醫院4人專家隊。主要負責指導同協助當地衞生部門做好災後傷員救治、衞生防疫同心理援助等工作。中國國家衞生計生委應急辦1名負責同誌已於22號下晝隨中國地震局牽頭嘅工作組赴災區指導抗震救災工作。此外,甘肅省衞生廳除22號上午派出兩批95人嘅醫療防疫隊伍外,重緊急調派鄰縣醫療防疫隊伍去災區。蘭州軍區衞生部門亦派出60人嘅醫療防疫隊伍趕赴災區。青海省派出1支32人嘅醫療救援隊赴災區支援[15]

軍警[編輯]

中國蘭州軍區1000餘名官兵從唔同方向緊急趕赴災區。中國人民解放軍第21集團軍抽調工兵、防化等專業部隊,攜帶生命探測儀、液壓衝擊夯等搜救、偵測設備以及大型噴灑車等洗消裝備向災區馳援。蘭州軍區總醫院國家應急救援醫療隊第一梯隊45人,攜帶7輛車以及價值100餘萬元嘅醫療器械同藥品趕赴災區,醫院預留30張床位準備隨時接診後送傷員。解放軍第一醫院、蘭州軍區疾控中心抽組43人嘅衛生、防疫分隊亦已趕赴災區[9]

捐助[編輯]

中國大陸 中國大陸[編輯]

  • 中國紅十字會派出救災工作組趕赴災區,並從西安備災救災中心緊急調撥救災帳篷200頂,家庭包1000個,夾克衫2000件等救災物資,用於支持當地救災工作。甘肅省紅十字會派出嘅救災工作組亦已趕赴災區,災區紅十字會正積極配合政府開展救援救助工作[16]
  • 中共山東省委、山東省政府向甘肅定西地震災區捐款500萬元[17]
  • 中國中央財政緊急撥付應急救災綜合補助5億元,用於災區搶險救災、受災民眾轉移安置同生活救濟,地震受傷人員醫療救治,遇難人員家屬撫慰,以及公共服務設施應急搶修等方面[18]
  • 7月23號,全國婦聯向甘肅省婦聯發去慰問電,向受災群眾特別係婦女兒童表示誠摯嘅慰問,向戰斗喺抗震救災前線嘅廣大干部同群眾致以崇高嘅敬意同親切嘅問候 [19]
  • 全國婦聯通過中國兒童少年基金會、中國婦女發展基金會緊急籌集200萬元資金同物資,為幫助災區人民群眾特別係婦囡童抗災救災盡一份綿薄之力,並將繼續關注並儘力支持災區婦女群眾抗震救災,重建家園[19]

Flag of Macau.svg 澳門[編輯]

  • 澳門紅十字會急調500個總值15萬元人民幣嘅家庭包送往災區,並匯出20萬元人民幣往中國紅十字會總會支援救災工作,由甘肅省紅會喺當地自行採購包括大米、食油等急需物資[20]
  • 澳門特區行政長官崔世安7月22號致函中國中央政府,表示將全力支持甘肅地震嘅救災工作。並代表澳門特別行政區政府,對地震死難者表示沉痛哀悼,並向當地受災居民致以誠摯慰問。佢重話,國家各有關部門及當地政府已啟動全面嘅緊急救災工作,澳門特區政府將積極配合國家嘅各項救災工作需要,全力作出支持[21]

台灣 台灣[編輯]

  • 台灣旺旺集團捐咗3840箱該集團生產嘅食品同牛奶,價值50萬元人民幣;台灣統一同康師傅則各自捐贈咗價值10萬元嘅速食麵同飲用水,用於災區民眾生活所需[22]

參考[編輯]

  1. 甘肅省定西市岷縣、漳縣交界發生6.6級地震. 中國地震台網中心. 2013-07-22. 
  2. 中科院遙感評估顯示:定西地震影響範圍超16000平方公里. 新華網. 2013-07-22. 
  3. 甘肅定西6.6級地震,亞太日報,2013年7月22號
  4. [http ://www.cenc.ac.cn/manage/html/402881891275f6df011275f971990001/_content/13_07/22/1374460339150.html 2013年7月22號甘肅省定西市岷縣、漳縣交界6.6級地震情況通報(二)]. 中國地震台網中心. 2013-07-22. 
  5. [http: //comcat.cr.usgs.gov/earthquakes/eventpage/usb000ije3 M5.9 - 13km E of Chabu, China (BETA)]. USGS. 2013-07-22. 
  6. M 6.0 - GANSU, CHINA - 2013-07-21 23:45:57 UTC. EMSC. 2013-07-22. 
  7. 中國地震台網
  8. 8.0 8.1 甘肅岷縣漳縣地震失踪人員冚唪唥遇難死亡人數上升至95人. 人民網. 2013-07-23. 
  9. 9.0 9.1 9.2 甘肅定西地震已致47人死亡296人受傷. 鳳凰網. 2013-07-22. 
  10. 定西地震造成52個移動通信基站斷站. 中新網. 2013-07-22. 
  11. http://www.chinanews.com/gn/2013/07-22/5070547.shtml
  12. 受甘肅地震影響廣州至蘭州、烏魯木齊列車今停運. 人民網. 2013-07-23. 
  13. 甘肅岷縣漳縣地震7學生死亡學生秋季開課困難. 人民網. 2013-07-23. 
  14. 甘肅民政廳緊急調運帳篷棉被安置地震受災人員. 新華網. 2013-07-22. 
  15. 國家衛生計生委派出4批醫療專家組趕赴甘肅地震災區. 新華網. 2013-07-22. 
  16. 中國紅十字會總會緊急救助甘肅地震災區. 新華網. 2013-07-22. 
  17. 山東省委省政府向甘肅定西地震災區捐款500萬元. 新華網. 2013-07-23. 
  18. 中央財政緊急撥付甘肅抗震救災資金5億元. 新華網. 2013-07-23. 
  19. 19.0 19.1 全國婦聯籌集200萬元款物馳援定西震區. 人民網. 2013-07-24. 
  20. 澳紅會急調500家庭包援甘肅救災. 澳廣視. 2013-07-23. 
  21. 澳門行政長官崔世安關心甘肅地震災情. 中國新聞網. 2013-07-22. 
  22. 台灣企業捐助甘肅震區價值70萬元物資. 中新網. 2013-07-23. 

出面網頁[編輯]

Wikinews-logo.svg
維基新聞度有一單新聞係同呢篇文有關:
新聞專題
關聯微博