298電腦特區係香港島灣仔區嘅電腦商場，出名賣電腦同IT電子消費產品嘅商場，嚮軒尼詩道298號，近住集成中心，即係廣生行大廈基層。
灣仔298電腦特區同附近灣仔電腦城一樣廣為人知，同埋係同一年代出現嘅，佢哋經營模式係學深水埗黃金商場，樓上鋪實用面積單位唔大，不過啲貨嘅種類唔少：砌機、周邊設備、電腦硬件、軟件、鹹片都有。
近年，灣仔298電腦特區更加入售賣電子零件，令商場更多元代。
298電腦特區
