6月20號

6月20號係公曆年嘅第171日（閏年第172日），離年尾重有194日。

呢幾年嘅今日

大件事 [編輯]

1409年：明十三陵開始起。
1605年：俄國沙皇費奧多爾二世喺宮廷政變之中被殺。
1696年：世界上最早嘅晚報《新聞通訊信箱》報喺英國倫敦創刊。
1782年：美國國會通過同埋正式採用美國國徽圖章。
1789年：法國大革命前夕，法國國王路易十六因反對將三級會議改做國民會議，封埋會場。第三等級代表即時喺會場附近嘅網球場宣誓：喺憲法未制定之前，唔會離散，史稱「網球廳宣誓」。
1837年：英國維多利亞女王登基。
1863年：西維珍尼亞州成為美國第35州。
1960年：馬里同塞內加爾獨立。
1964年：台灣一架民航機由台中飛去台北途中失事墜毀，機上46個乘客同埋11個機員全部罹難。乘客大部份係港台電影界名人，包括電懋影業公司董事長陸運濤夫婦。呢批電影界人士，當年係去台灣參加亞太影展。
1966年：法國總統戴高樂訪問蘇聯。喺十二日嘅訪問中，法國同蘇聯簽署聯合公報，呼籲外國停止介入越南內政。喺莫斯科訪問嘅時候，正係度落緊大雨，好多民眾仍然喺街上夾道歡呼。
1991年：德國議會決定將首都由波恩搬到柏林。
2002年：中國黑龍江省雞西礦務局城子河煤礦氣體爆炸，115人死。事發原因係停電令氣體積住，機器喺重開嘅時候爆炸。事前礦場多次唔理當局嘅停產通知。
2003年：維基媒體基金會成立。

呢篇6月20號係一篇關於日子嘅楔位文章。你可以編輯呢版充實內容。