6月5號

6月5號係公曆年嘅第156日（閏年第157日），離年尾重有209日。

呢幾年嘅今日

大件事 [編輯]

1644年：多爾袞入北京，滿清入主中原。
1849年：丹麥建君主立憲制。
1941年：日軍轟炸中華民國陪都重慶，市民响防空洞入面發生混亂，導致二千幾人死，史稱重慶隧道慘案。
1947年：美國國務卿馬歇爾（George Catlett Marshall）喺哈佛大學發表演講，提出馬歇爾計劃。
1959年：新加坡第一任自治政府宣誓就職。
1967年：以色列戰機突襲埃及各主要機場、飛彈基地同埋軍火庫，開始咗中東「六日戰爭」。呢次空襲可以話係近代戰爭史上最成功嘅一次。由於以色列戰機行動迅速，埃及部隊根本冇機會還擊。喺空襲之後，以色列裝甲部隊輕易取得蘇彝士運河嘅控制權。而喺東面戰線方面，以色列軍亦勢如破竹，迅速佔領聖城耶路撒冷。
1968年：美國總統候選人羅拔甘迺迪（美國前總統約翰甘迺迪嘅細佬）遇刺。
1991年：香港立法局三讀通過人權法，保障市民有言論、思想、結社、和平集會等自由，任何人都應該得到法庭公開公正嘅審訊。人權法喺6月8號生效之後，有六條法例由於司能抵觸人權法要凍結一年修訂。但係中方指呢套人權法，係凌駕於基本法，並且保留喺1997年回歸之後再進行審查嘅權利。