6月7號

6月7號係公曆年嘅第158日（閏年第159日），離年尾重有207日。

呢幾年嘅今日

大件事 [編輯]

1494年：西班牙同葡萄牙簽約劃定國界，解決兩國多年嚟嘅領土糾紛。
1895年：日本軍隊根據《馬關條約》嘅規定佔領台灣。
1905年：挪威脫離瑞典聯盟獨立。
1965年：美國最高法院裁決「格里斯沃爾德對康涅狄格州」（Griswold v. Connecticut）令已婚夫婦使用避孕藥合法化。
1984年：香港總督尤德為東區走廊第一段主持開幕儀式。到咗第二日下晝兩點半，呢段東區走廊正式開放通車。第一段係由銅鑼灣至太古城，全長3.7公里。東區走廊通車之後，港島東區嘅交通大為改善。
1989年：旺角彌敦道一帶香港市民悼念六四事件嘅活動演變成騷亂，警方調派七百人到場，最後要發射催淚彈，先至將滋事者驅散。
1999年：最高人民法院舉行新聞發佈會，公布廣東湛江特大走私受賄案嘅香港主犯李深，以及香港同埋內地多名走私份子，喺廣東被執行死刑。案件涉及1996年初至到1998年中期間，香港走私份子賄賂收買湛江海關邊防等部門官員，進行走私偷逃關稅等活動，涉及金額十幾億人民幣。

呢篇6月7號係一篇關於日子嘅楔位文章。你可以編輯呢版充實內容。