7月7號

7月7號係公曆年嘅第188日（閏年第189日），離年尾重有177日。

呢幾年嘅今日

大件事[編輯]

1937年：日軍話一個喺北平宛平城蘆溝橋附近演習嘅騎兵失蹤，要求入城搜查，但被中國駐軍拒絕，日軍隨即開炮攻城，發動「七七事變」，揭開歷時八年日本侵華戰爭嘅序幕。
1950年：美國第一次彩色電視節目廣播。
1971年：香港專上學生聯會喺維多利亞公園因釣魚台事件搞示威，警方拘捕學生。
1977年：中共空軍中隊長范園焱揸「米格十九型」戰鬥機飛抵台南空軍基地，投奔台灣。
1978年：南太平洋嘅英屬所羅門群島獨立。
1985年：啱啱十七歲嘅西德網球手碧加贏咗英國溫布頓網球公開賽，成為呢個比賽有史以來最年輕嘅男子單打冠軍。
2000年：香港大學民意研究計劃主任鍾庭耀聲稱行政長官董建華多次透過渠道，就佢對特區政府表現所做嘅民意調查表示不滿，佢擔心學術自由受到干擾。鍾庭耀向外界公開事件，透露向佢施壓嘅第三者係香港大學校長鄭耀宗。港大獨立調查委員會就事件進行聆訊，鄭耀宗響同年9月辭職。
2005年：英國倫敦地下鐵路同巴士遭七單爆炸，包埋襲擊者有五十二死，七百幾人傷。
2009年：香港政府規定喺鋪頭買嘢攞膠袋每個收五毫子，改變咗一向買嘢有免費膠袋派呢個習慣。

你可以維基同享呢類嘅媒體資源：7月7號