apm

出自維基百科,自由嘅百科全書
跳去: 定向搵嘢


創紀之城五期,apm喺下低

創紀之城五期入面嘅apm商場係香港觀塘一間大型商場;位於觀塘道上面,隔離有觀塘站同埋裕民坊。佢嘅範圍除咗喺創紀之城五期之外,又包埋港貿中心大堂嗰一層。發展商係新鴻基地產,喺2004年12月試業,2005年7月17號正式開幕。

apm所在嘅創紀之城第五期同埋創紀之城一、二、三、六期,同埋計劃緊嘅七期,合稱新鴻基嘅觀塘道王國。apm入面,有一座七層高嘅商場,裏面有餐廳、酒樓、衫鋪、化妝品鋪,同埋一間戲院。地庫重有全港首間獨立經營嘅吉之島超級市場apm樓下亦有一個巴士總站同埋停車場,如果要搭過境巴士返內地,可以喺嗰度上車。

apm呢個名代表商場無論朝早(AM)定係下晝(PM)都歡迎顧客幫襯。而實際上,apm入面都有好多通宵開放嘅鋪頭。佢係區內最大嘅購物商場,延長嘅開放時間能夠切合當地人嘅需要,更不時有外國人同內地人士過嚟。普通鋪頭夜晚十二點收工,餐廳、酒樓就兩點收檔。有啲鋪頭就直程開通宵,年中無休。

連出去[編輯]