蠟青

出自維基百科,自由嘅百科全書
(由Asphalt跳轉過嚟)

蠟青,亦叫瀝青,係黏度好高嘅有機液體,黑色,會溶喺二硫化碳裏面。佢形態以柏油或者焦油為主。

柏油形態嘅蠟青,係將原油分餾法提煉嘅。佢喺原油裏面,沸點最高,同埋原油裏便,最重嘅成份,所以會喺分餾塔最底度搵到。而焦油形態嘅蠟青,就係將有機物質(煤炭為主),經過乾餾法處理而取得。

蠟青多數用喺建築上,好似鋪馬路噉。

蠟青英文有分asphalt同bitumen,但唔同地方有唔同解釋,有時會混用。Bitumen主係講自然形態嘅蠟青,而asphalt係石油提煉嘅副產品。不過實際上好多時各處鄉村各處例,各有各解。有時又會指係蠟青同石屎混合物,鋪路用。