Barbie 公仔
出自維基百科，自由嘅百科全書
芭比公仔（Barbie）喺1959年推出、最好賣嘅時裝公仔，由美泰（Mattel）股份有限公司生產。由美國生意人 Ruth Handler（1916年 - 2002年）設計出嚟，設計靈感係由德國公仔 Bild Lilli 度嚟。
芭比有好多唔同款式嘅衫、裙、有時仲有手袋、飾物、私家車仔、寵物、同埋唔同行業嘅返工衫，表現出唔同 life style。最初芭比係得白人樣，之後出埋黑人同其他國嘅款式，好似印度芭比咁。佢個男朋友叫 Ken，之後散咗喇，喺2006年2月，佢哋有喺返埋一齊 [1] [2]。Ken 都同 Barbie 一樣有好多衫換。
近五十年嚟，芭比一直係時裝公仔市場嘅重要組成部分。不過，最近幾年，芭比面對越嚟越多嘅競爭。女性主義者批抨芭比公仔矮化、物化女性，好似佢個身形係唔現實[3]。亦一直有涉及抄芭比公仔同佢生活方式嘅訴訟[4]。
