Bristol Commercial Vehicles
Bristol Commercial Vehicles係英國Bristol一間巴士及貨車製造廠。
史[編輯]
Bristol Commercial Vehicles嘅歷史可以追溯到1908年，當年Bristol Tramways & Carriage Company巴士公司出第一架巴士。喺第一次世界大戰期間Bristol巴士停產，間廠曾經改出軍用飛機。一次大戰之後，Bristol出埋貨車底盤，亦出過幾架無軌電車。
1931年，Bristol俾巴士集團Tilling Group收購。第二次世界大戰期間，Bristol間廠又再改出軍用飛機，不過去到1944年，Bristol獲英國政府批准出K型雙層巴士，巴士生產喺戰後逐步回復正常。
1948年，Bristol被國有化，之後佢嘅銷售對象就局限喺國營公司。1955年Bristol Tramways & Carriage Company巴士生產業務分拆為Bristol Commercial Vehicles公司。
1965年10月，Bristol嘅四分之一股權賣咗畀利蘭，自此佢嘅銷售對象再冇限制。1969年，利蘭（當時已改叫英國利蘭汽車公司）喺Bristol嘅持股量增至一半，另一半就由國營嘅National Bus Company持有。1982年英國利蘭買晒Bristol全部股權。
1983年初利蘭決定執咗Bristol間廠。廠房喺同年10月執笠，原有嘅利蘭奧林比安巴士生產搬咗去利蘭位於Workington嘅廠房。