Gag

出自維基百科,自由嘅百科全書
跳去: 定向搵嘢

Gag 係一個演講術語,即係話喺演講入面,加一啲令人印象深刻嘅嘢入去,例如係一個笑話咁,等啲人聽嘢聽得過癮啲,即係廣東話所謂搞 GAG,就係呢樣嘢。

台灣人將 GAG 跟音譯做「」,有所謂「鋪哏」,即係喺一個演講入面安排嘅合乎演講內容,又聽得生鬼過癮嘅元素。普通話嘅「」亦有類似意思。

藝能界亦有用 GAG,喺一啲電影或者電視綜藝節目入面會利用 GAG 去制造效果,有啲 GAG 完全無效果會叫做「爛 gag」,台灣叫「爛哏」,或者一啲用到冇人用嘅舊 GAG 就叫做「老哏」。

爛gag[編輯]

爛 gag泛指一啲唔好笑嘅笑話。通常有人搞爛gag後一般聽眾嘅反應係O嘴、dead air(冷場,亦叫死空氣,即係要送啲空氣去急症室喇),更甚嘅話搞gag者有可能被鄙視、俾人話「好煩」或者「好爛」。如果一個人搞爛gag太多亦有可能被封為「gag王」或「gag后」(「gag后」個拍擋就當然係「gag前」啦)。「爛 gag」又可以叫做「yuy」,因為當「gag」無咗上半部,亦即係爛咗嘅時候就變成「yuy」喇。呢個本身亦係一個爛gag。

Gag有好多唔同既種類,例如食字(即係利用字嘅諧音嚟搞gag,例如:A:你蝦人嘅… B:我無蝦人呀,我炒蛋之嘛-「蝦仁」係「蝦人」嘅諧音,因而產生「蝦仁炒蛋」呢個爛gag),又或者可以食情景。

搞gag需要豐富嘅想像力,聯想力同勇氣,腦嘅轉數亦要夠快先可以喺短時間內食字。現時係廣泛嘅即興活動之一,喺年輕一輩中特別流行。

Universal gag[編輯]

Universal gag係指一啲非常普遍、大部分人都聽過、而且經常被重覆,聽到已經唔再識笑嘅gag。例子包括:

  • 我的普通話很普通(用普通話讀出,經常喺同大陸人初次見面中用到)

Running gag[編輯]

Running gag 係指一個場境裏面發生咗好多次嘅笑話。例如有兩個小偷去打劫,打咗好多次都因為唔同gag而失敗,產生咗喺同一個場境裏面發生多次而唔同嘅gag。

Song gag[編輯]

Song gag可以分兩種:一種係一首歌俾人改咗啲好笑歌詞;一種係歌詞唔變,但係將MV改拍,變咗gag。亦都可以兩種一齊做,只要曲唔變就得喇。

參考[編輯]