Laughing哥
梁笑棠，花名Laughing哥、Laughing Sir係學警系列入面嘅虛構人物由謝天華扮演，最早喺無綫電視電視劇《學警狙擊》入面出現，角色係黑社會大佬。Laughing哥個名走紅，成為謝天華新形象[1]。
梁笑棠其實係香港警察臥底表面做進興社團話事人個人囂張沙塵，野心大，貪威貪功，要面又要威，口舌招尤，挑釁警權。其實心思幼細，深得龍頭大佬信任，而Laughing哥暗戀程若芯，嚮《學警狙擊》第22集俾李柏翹槍殺。
Laughing哥嚮黑道9年，負責大耳窿同埋Disco生意，兼賣丸仔，收入係不法社團嘅主要經濟來源。雖然梁笑棠有意幫手製毒。〔呢句嘢唔似粵語，唔該改咗佢〕
 |
嚮戲裏面，Laughing哥做嘅係目標為本，重視團隊精神，做事有使命感，照顧新人，甚至命都唔要。所以唔係公務員嗰種我會做好呢份工咁簡單，而係「偉人」。[2] [3] [4]
2009年3月27號，《學警狙擊》兩個鐘大結局，好多人都信Laughing哥會翻生[5]。當晚10點半，無綫徇眾要求而補拍嘅片段喺香港翡翠台、高清翡翠台播出，而馬來西亞Astro On Demand亦率先喺同一日夜晚10點播出，片段唔夠一分鐘，顯示「Laughing哥」着住差人制服，然後講咗一句：「記住我個名，Laughing Sir呀！」[6][7]。
臥底履歷[編輯]
- 香港警察（最初係由正興派去警隊做臥底，電影《Laughing Gor之变節》）
- 正興（後來由警隊派返去正興做臥底，電影《Laughing Gor之变節》）
- 進興（電視劇《學警狙擊》）
- 東莞羅勝犯罪集團（電視劇《潛行狙擊》）
- 義豐（電視劇《潛行狙擊》）
佢自稱係警隊入面做臥底次數最多嗰個[8]。
感情線[編輯]
- 蕭凱倫 Karen（陳法拉飾，電影《Laughing Gor之变節》）結果：女方被殺
- 趙雲迪 Wendy（陳茵媺飾，電視劇《學警狙擊》）結果：女方意外身亡
- 程若芯（周海媚飾，電視劇《學警狙擊》）結果：女方被殺
- 周望晴 Jodie (1980-2011)（陳法拉飾，電視劇《潛行狙擊》）結果：女方跌死
金句[編輯]
- 「電腦化？我最叻嗰條靚淨係識用電腦上鹹網同賭波咋喎。」
- 「上帝要你滅亡，必先令你瘋狂！」
- 「臭新仔，過咗戒奶期未？記住我個名，Laughing哥。」
- 「你唔記得我教過你乜嘢呀？無論對住乜嘢人，必要時你都要開槍。」
- 「個天畀你行你先好行，個天唔畀你行，你郁都唔好郁呀！」
- 「唔係我條底線set得低，而係我做人根本冇底線。」
- 「吹水又唔使畀錢。」
- 「一日大佬一世大佬。」
- 「打生打死得個桔，舒舒服服有金執。」 （電視劇《學警狙擊》第二集）
- 「我唔打你我就唔叫Laughing，我叫Crying。」
- 「人人得而鋸之。」
- 「只要對我有利，我話知你係我老竇老母。」
- 「係！我同你都係做緊同一樣嘢，咪就係蠱惑仔囉。」
- 「無論Laughing係生係死，Laughing都會喺度，一日警察，一世警察。著得起呢套制服，咁多伙記撐，驚乜呀？記住我個名，Laughing Sir呀！」
參攷[編輯]
- ↑ TVB：學警狙擊
- ↑ Laughing哥殉職成熱話 互聯網檔案館嘅歸檔，歸檔日期2009年3月27號，.，商業電台，2009年[[3月19號]
- ↑ 謝天華古惑仔角色受熱捧 劇中死去網友悼念 互聯網檔案館嘅歸檔，歸檔日期2020-05-16.，鳳凰衛視，2009年3月19號
- ↑ 「Laughing哥」紅遍討論區 編劇剖析熱潮 「社會需要英雄」 港人面對困局欲得救 角色實現理想受崇拜 互聯網檔案館嘅歸檔，歸檔日期2009年3月30號，.，明報，2009年3月25號
- ↑ 陳鍵鋒證Laughing哥已翻生 互聯網檔案館嘅歸檔，歸檔日期2009年3月29號，.，大公報，2009年3月26號
- ↑ Laughing翻生網民喊爛 互聯網檔案館嘅歸檔，歸檔日期2009年5月6號，.，東方日報，2009年3月28號
- ↑ Laughing一閃即逝 網民呻笨 互聯網檔案館嘅歸檔，歸檔日期2009年5月5號，.，明報，2009年3月28號
- ↑ 電視劇《潛行狙擊》第29集