Maru Maru Mori Mori!

出自維基百科,自由嘅百科全書
跳去: 定向搵嘢

Maru Maru Mori Mori!》(日文マル・マル・モリ・モリ!)係日本富士電視台2011年人氣電視劇《契爸唔易做》(マルモのおきて)嘅主題曲,由劇中演員蘆田愛菜同埋鈴木福組成組合「薰同友樹,間中重有木吉」演唱。

組合[編輯]

薰同友樹,間中重有木吉」係由《契爸唔易做》劇入面兩個6歲嘅童星組成,「薰同友樹」係指劇中嘅龍鳳胎姐弟——笹倉薰(蘆田愛菜 飾)同埋笹倉友樹(鈴木福 飾);至於「木吉」就係劇入面高木家養嘅一隻嘅名。

簡介[編輯]

《Maru Maru Mori Mori!》得到出乎意料嘅高人氣,帶起咗「Maru Mori熱潮」。開放網絡下載以嚟,長期喺各大主要音樂銷售網站嘅排行榜上佔據前列位置。喺2011年5月27號得到RIAJ收費音樂下載榜週間冠軍[1]。6月1號同時得到RecoChoku嘅週間手機全曲下載、手機片段下載雙料冠軍,重有2011年5月度手機全曲下載、手機片段下載嘅雙料冠軍,成為史上最細嗰就得到RecoChoku雙料月間冠軍嘅音樂人[2]。喺2011年5月31號,更係歷史性喺RecoChoku同時獲得六大下載排行榜嘅冠軍,又稱為史上最年輕六冠制霸嘅音樂人[3]

喺實體唱片方面,Oricon統計發行首週銷量達3.5萬張,排行第3位,係Oricon史上進入單曲榜前十位最年輕嘅音樂人[4]

歌曲嘅音樂錄影帶附有蘆田愛菜同埋鈴木福兩人舞蹈動作,CD內頁重有舞蹈嘅簡易教學說明,呢種舞蹈被稱為「Maru Mori舞」,受到大眾廣泛嘅歡迎。好多人都學同埋模仿呢種簡單而可愛嘅舞蹈動作,重有人將自拍模仿片段擺上YouTube等視頻網站上分享[5]

收錄曲目[編輯]

  1. Maru Maru Mori Mori!(完整版)
  2. Maru Maru Mori Mori!(電視版)
  3. Maru Maru Mori Mori!~阿薰唱版本!
  4. Maru Maru Mori Mori!~友樹唱版本!
  5. Maru Maru Mori Mori!(完整版卡拉OK)
  6. Maru Maru Mori Mori!(電視版卡拉OK)

參考[編輯]

出面網頁[編輯]