Orz

出自維基百科,自由嘅百科全書

Orz(失意體前屈)係一種源自日本嘅表情符號,心情圖示。

造型[編輯]

失意體前屈,原本指嘅係網上流行嘅 _| ̄|○,睇起來似一個人跪喺地下,拓低頭。初期冇名,「失意體前屈」係之後先出現。據講係某間餐廳嘅座墊上繡咗呢五個字,至於之前係邊個諗到嘅,目前重未釐清真相。

後來,用簡單三個英文字亦可以表現呢個動作。於是 Orz 開始流行。之後,重有 Orz 嘅 blog 軟件、日誌網站相繼出現。2004年之後,喺日本、台灣、中國大陸以及香港儼然已經成為一種新興嘅網絡文化。

其他造形有 Orz、Oro、Or2、On_、OTZ、OTL、sto、Jto、○| ̄|_等,以「Orz」最常用;重有混合型,好似表示無可奈何嘅「囧rz」。

讀音[編輯]

Orz嘅讀音,冇統一講法,有人話係同英文嘅ores同音(IPA:/ɔɹz/;通勝英文式嘅讀法似「屙屎」),有人亦只係將三個字母串出嚟咁讀(即係OH-AR-ZED(IPA:/əʊ ɑː zɛd/)或者OH-AR-ZEE(IPA:/oʊ ɑɹ ziː/),通勝英文式嘅讀法係「噢鴉勞易錫」)。