PERSONA4

出自維基百科,自由嘅百科全書
跳去: 定向搵嘢

PERSONA4》(Shin Megami Tensei: Persona 4,略稱P4)係ATLUS2008年7月10日發售嘅PlayStation 2遊戲。係PERSONA系列嘅第四集[1]。主題顏色係「黃色」。

概要[編輯]

喺一個鄉間小鎮中發生咗奇怪嘅連續殺人事件,主角為咗解決事件,亦為咗自己嘅未來,開始展開戰鬥。前作採用手槍型召喚器召喚Persona,而本作就放棄手槍召喚器,而係打碎畫有自己Persona嘅卡召喚Persona。發售前有傳聞眼鏡係Persona嘅召喚器,但實際係喺電視世界入面,只要帶咗眼鏡就可以睇清楚充滿濃霧嘅環境。

故事[編輯]

2011年4月。因為雙親要飛去外地出差,剩番主角一個人留喺日本,於是以一年為期限住喺舅父嘅屋企到。喺佢轉校到嘅八十神高中入面,有一個深夜電視嘅傳聞,「喺落雨嘅夜晚,午夜0時望住部開著嘅電視上自己個樣,就會出現另一個人嘅映像」。為咗確認深夜電視嘅傳聞,主角去咗異空間。喺嗰到被被稱為陰影嘅怪物襲擊,而主角嘅Persona亦隨即醒覺。得到咗特殊嘅力量嘅主角班人,決定解決喺城市發生嘅連續殺人事件。

登場人物[編輯]

主角(冇預設嘅名)/初期Persona:伊邪那岐配音員浪川大輔
唔知咩原因夢見自己未來嘅少年。
因為父母要飛去外地,而住喺媽咪嘅細佬屋企到,係一個離開市中心叫'稻羽市'八十稻羽(やとういなば呢個鄉間小鎮。
暫時由堂島家照顧。轉校到八十神高中嘅高中二年生。
冇同自己嘅影戰鬥就令Persona醒覺,擁有特殊嘅力量,可以控制多個Persona。
花村陽介(はなむら ようすけ)/專用Persona:自來也(配音員:森久保祥太郎
主角嘅同學,係市內嘅「朱尼斯八十神店」店長嘅仔。同主角一樣係喺城市長大。半年前因為老竇調職所以一家搬到稻羽市,亦因為咁樣佢喺稻羽市係個相當有知名度嘅名人。
正義感相當強,亦好有義氣嘅開朗少年。雖然講嘢口衰衰,但好照顧同幫其他人,喺小熊出現喺現實世界嘅時候,都係佢負責照顧小熊嘅起居。為咗已經嚴重毀壞嘅心愛單車換做電單車而積極咁蓄錢,但一直都冇進展。喺頸上面成日掛住耳機就係佢嘅特徵。戰鬥嗰陣時會用兩把刀仔嘅雙刀流,而屬性為「風」嘅加魯系。
後期嘅Persona係素盞。
里中千枝(さとなか ちえ)/專用Persona:巴(配音員:堀江由衣
坐喺主角旁邊嘅同學,活潑健談而且充滿精神嘅女仔,亦係講畀主角聽電視傳聞嘅人。
好鍾意功夫電影,所以喺日成日入面成日修行,擅長用輕巧嘅身體連續使出足技。戰鬥結束嗰陣時嘅口頭禪係出自某演員。因為開朗活潑嘅性格,所以無論男女佢都好受歡迎。亦因為咁樣,成日啲人都唔當佢係一般女人嘅看待。成日着住綠色運動衫。同雪子一樣唔擅長料理。屬性為「水」嘅布夫系。
後期嘅Persona為鈴鹿御前
天城 雪子(あましろ ゆきこ)/專用Persona:木花咲耶(配音員:小清水亞美
主角嘅同學,亦係千枝嘅好朋友。老舖高級旅館嘅獨生女,被認定係下一任老闆娘。因為文靜嘅性格,喺學校入面好受男同學歡迎。可能因為佢嘅性格天然,喺自己諗野嗰陣時完全聽唔到共他人講嘅嘢。喺能夠信賴嘅人面前,有一個狂笑嘅壞習慣。特徵係長長嘅黑髮同紅色嘅髮箍,同埋紅色嘅羊毛衫。同千枝一樣唔擅長料理。戰鬥嗰陣時會用扇,而屬性係「火」嘅亞基系。
後期嘅Persona為天照
巽完二(たつみ かんじ)/專用Persona:建御雷神(配音員:關智一
八十神高中1年級生。喺初中嗰陣時代有「一個搞掂成個暴風族」嘅傳聞而出晒名嘅不良少年。
因為屋企係做染布坊,由細受到影響所以擅長縫紉。性格硬朗同埋嗰個傳聞令到其他人好驚佢,但其實佢係個和藹可親,尊敬長輩嘅人。鍾意可愛嘅嘢,對呢種細路仔嘢有對抗意識,所以表內非常不一。被人笑嗰陣時講嘢會變得激動,不過多數要來遮羞。好想摸一摸小熊,但成日被佢拒絕。頭腦唔係好好,對自己興趣以外嘅事唔會理。因為自己嘅影話佢憎女仔鍾意男仔(即係),所以好想主角佢哋快啲唔記得。寬額頭同米白色短髮,着住骷髏頭圖案嘅衛衣同埋披學服。戰鬥嗰陣時會用凳之類嘅鈍器,而屬性係「雷」嘅資奧系。
後期嘅Persona為六天魔王
小熊(クマ)/專用Persona:金時童子(配音員:山口勝平
喺電視世界入面嘅生物(唔確定係唔係生物),能將進入咗電視世界嘅人送返現實世界。
球型一樣嘅身體,而且頭重可以剝落來(入面空心嘅)。稱呼主角做「師傅」,第一人稱稱呼自己「KUMA(クマ 熊)」,喺句尾亦會加「KUMA」。得到Persona之前負責作戰嗰陣時嘅支援。喺得到Persona後將支援交給理世而自己就加入戰鬥,重可以入埋現實世界,而佢空心嘅身體亦有咗變化,變成一個金髮藍眼嘅靚仔,令到同伴好驚訝。呢個型態只用喺現實世界,喺電視世界重係着住公仔衫(?)。戰鬥嗰陣時用利爪,屬性係「水」嘅布夫系。
久慈川理世(くじかわ りせ)/專用Persona:卑彌呼(配音員:釘宮理恵
高中1年級生,作為高中生偶像以同埋准名星而出名嘅人。唔知咩理由返來八十稻羽。父母屋企係喺稻羽市嘅商店街做豆腐舖。而家暫停偶像嘅工作,喺豆腐舖入面幫嫲嫲手。可能因為係個偶像,性格非常任性重好鍾意指揮同伴,其實佢本性係好和藹可親天真爛漫。纖細身型嘅美少女,留住雙馬尾嘅髮型。擁有信息支援嘅探索系能力嘅Persona,所以唔會參加戰鬥,而承繼小熊喺戰鬥負責支援。
後期嘅Persona係觀世音
白鐘直斗(しろがね なおと)/專用Persona:少彦名(配音員:朴璐美
主角嘅後輩(1年級生),被稱為偵探王子,為咗調查連續殺人事件而到八十稻羽。
後期嘅Persona係大和武。

其他登場人物[編輯]

伊哥(イゴール)(配音員:田之中勇
長鼻白髪嘅老人。喺夢同現實嘅世界之間天鵝絨室嘅主人。
瑪格麗特(マーガレット)(配音員:大原さやか
同伊哥同樣係天鵝絨室嘅居民。
主角夢見自己未來嘅嗰陣時講「想請你幫手解讀你嘅未來」嘅女性。
堂島遼太郎(どうじま りょうたろう)(配音員:石塚運昇
主角母系嘅舅父,喺姐姐兩夫婦去海外出差嗰陣時,主角一年為期限以兒甥住喺自己嘅家中。老婆好早就死咗,剩低個囡菜菜子兩個人生活,性格遲鈍,因為唔能夠同囡個好好溝通所以成日都好苦惱。職業係刑警,喺稻羽署入面工作,而家追查連續殺人事件。
堂島菜菜子(どうじま ななこ)(配音員:神田朱未
遼太郎個囡,亦係主角嘅表妹。小學1年級生,細個嗰陣時媽咪由於交通意外去世。因為要照顧遲鈍嘅老竇,比年齡來看更加堅強,負責一切嘅家務。
狐狸(キツネ
住喺商店街入面辰姬神社嘅狐狸。唔能夠使用Persona,但跟住主角入電視世界。非常聰明重能夠理解人嘅講嘢而做出唔同嘅反應。負責用藥草恢復班主角嘅體力,不過費用好鬼貴,對錢睇得好鬼重。主要出現喺入口廣場同迷宮途中。只要摸一摸佢個頭,可能會畀你回復嘅道具。

社群[編輯]

同同伴或者他他遇見嘅人物交流嘅羈絆,只要滿足條件社群就會出生,經過各種活動來提高等級。等級分為1~MAX(10)等10個等級,等級越高喺Persona合體嗰陣時嘅獎勵經驗值會越多。

而同伴嘅等級上升嗰陣時,會學到「代替主角受致命一擊」、「追擊」同埋「令到敵人倒地」等行動。如果同伴嘅等級到達MAX嗰陣時,同伴嘅Persona就會進化。

00「愚者
「自稱特別搜查隊」嘅社群。
01「魔術師
同花村陽介嘅社群。
02「女教皇
同天城雪子嘅社群。
03「女帝
同瑪格麗特嘅社群。
04「皇帝
同巽完二嘅社群。
05「法王
同堂島遼太郎嘅社群。
06「戀愛
同久慈川りせ嘅社群。
07「戰車
同里中千枝と嘅社群。
08「正義
同堂島菜菜子嘅社群。
09「隱者
同住喺神社嘅狐狸嘅社群。
10「運命
同白鐘直斗嘅社群。
11「剛毅
同運動部嘅同級生、長瀬大輔(足球部)同埋一条康(籃球部)嘅社群,選擇籃球部或足球部會有唔同嘅對手。
12「刑死者
同第二受害者小西早紀嘅弟弟,小西尚紀嘅社群。
13「死神
同喺河原遇見嘅老婦黑田久乃嘅社群。
14「節制
同學童保育嘅兼職入面認識嘅媽咪南繪里嘅社群。
15「惡魔
同喺稻羽市立醫院工作嘅護士上原小夜子嘅社群。
16「
同家庭教師嘅兼職入面認識嘅學生中島秀嘅社群。
17「
同小熊嘅社群。
18「
同運動部經理人海老原藍嘅社群。
19「太陽
同文化部嘅同級生、小澤結美(戲劇部)或松永綾音(管樂部)嘅社群。選擇戲劇部或管樂部會有唔同嘅對手。
20「審判
同追求真實嘅同伴嘅社群。

用語說明[編輯]

Persona
任何人都擁有,喺心入面隱藏住嘅另一個自己,喺觸到自己心底嘅嗰陣時出現嘅人格。有神或魔嘅形態,能夠令人嘅力量醒覺。亦係打倒陰影嘅唯一手段。
自己嘅「影」
喺成為同伴之前,各人埋藏喺內心入面嘅感情會喺電視出現。當否定你(影)唔係我(本人)嗰陣時,就會得到陰影嘅力量,而喺那嗰陣時承認嘅話,就會變成Persona成為力量。
深夜電視
喺稻羽市傳出嘅傳聞。喺午夜0時嗰陣時落雨嘅夜晚,望住部開著嘅電視上自己個樣,就會出現另一個人嘅映像,而畫面上嘅影像就係佢嘅命運。主角賞試呢個傳聞,而聽到自己Persona嘅聲。喺深夜電視入面浮現嘅人,喺濃霧出現嘅嗰陣時就會成為受害者。
陰影
居住喺異空間嘅物種。專門食人類嘅心靈。
天鵝絨室
主角夢中夢同現實,意識同無意識中間嘅世界。PERSONA系列慣例會登場,可以喺呢度將Persona合體。

製作人員[編輯]

主題曲[編輯]

OP主題曲「Pursuing My True Self」 主唱:平田志穗子

注解[編輯]

  1. PERSONA2係由《罪》同《罰》兩部構成,而PERSONA3則由《Episode Yourself》(3)同《Episode Aegis》(FES)兩款作品,所以正確係系列嘅第六作。

出面綱頁[編輯]

官方