PL教團

出自維基百科,自由嘅百科全書
跳去: 定向搵嘢
大平和祈念塔

PL教團係一個日本新興宗教,亦係新興宗教之中,信徒最多、影響最大,又最特別嘅一個。

PL教團前身係「人之道教團」,由御木德一御木德近開創,1946年發表「PL宣言」,PL 意思係完美自由(Perfect Liberty),1952年大阪開咗總部之後,經過三十年發展,而家已經有醫院學校,佢哋又起咗個高180米嘅大平和祈念塔,成為佢哋嘅象徵。由於財雄勢大,有啲人仲叫佢哋做 「PL 王國」,而創教人之一御木德近1951年新日本宗教團體連合會創立時仲做咗第一任理事長,一做就做咗14年,可見佢江湖地位。

PL教團特式係以現代風格包裝宗教。信仰方面,以教主作為最高象徵,因為教主係永劫相繼、天人合一,所以可以作為人同神之間嘅中介。佢哋認為係所有嘢嘅絕對,所以又叫「大元靈」,以大海同一滴水去形容人同神之間關係,通過「神悟」去達到天人合一境界。

PL教團以日本西部作為活動基地,有203萬信徒,425間教會,現任教主係第三代御木貴日止

[編輯]