|
曹魏係三國時代嘅其中一方。公元220年曹丕篡漢，最後公元265年俾司馬氏取代咗，建立西晉。
曹丕阿爹曹操雖然冇稱帝，但曹丕稱帝之後追封佢魏太祖（廟號），又叫魏武帝（謚號），曹魏一朝有六個皇帝。魏係三國時期最強大，領土闊嘅國家。
東漢末年曹操挾天子以令諸侯，官渡之戰後控制中原大部分嘅地區，仲準備南下想統一全國。但係喺赤壁之戰後就番去北方。曹操死咗由兒子曹丕繼位， 曹丕就篡漢，曹魏就建立咗。
由於曹魏肯三國之中佔據住好大地區，盤躆中原一帶，而且人口又係最多；加埋有漢室禪讓，話係正統王朝。其間最重要嘅改革係陳群個九品中正制，對魏晉時代嘅政治有深遠嘅影響。
曹魏佔嘅地方有：西域都護府、涼州、雍州、司隸（或者司州）、荊州嘅北面（或者郢州）、揚州嘅北面、徐州、青州、豫州、兗州、并州、冀州、幽州。
|
吳（222年 - 280年）係中國三國時期由孫權建立嘅政權，同曹魏、蜀漢合稱為「三國」。東漢末年，孫策做低咗江東嘅薛禮、笮融、劉繇、嚴白虎、王朗同埋劉勳呢啲軍閥豪強，喺短短嘅四年之間平定咗吳越、江東一帶，佔領江東嘅丹楊、會稽、吳郡、廬江、豫章同埋廬陵呢六個郡。後尾孫策畀刺客整到重傷，臨死前將自己嘅位傳畀細佬孫權。孫權繼位之後做低咗有殺父之仇嘅江夏太守黃祖，並且喺赤壁做低咗諗住入侵江東嘅曹操。後尾孫權偷襲盟友劉備嘅荊州，將荊州守將關羽殺咗。呢件事激到劉備親自帶兵入侵江東，但喺劉備喺夷陵畀吳將陸遜做低，之後雙方握手言和，重新建立同盟關係。孫權喺229年自立做皇帝，改國號做吳，後人叫做東吳或者孫吳。
|
蜀漢為三國時期，西南方一個政權。221年由昭烈帝劉備稱帝開始，到263年俾曹魏滅咗，後主劉禪投降，一共經過43年。由劉備創國，霸佔個唔少地方（曾經霸佔荊州）。
蜀漢佔嘅地方有：益州。
|
