響應式網頁設計

出自維基百科,自由嘅百科全書
(由Responsive Web Design跳轉過嚟)

響應式網頁設計英文responsive web design,通常縮寫做RWD)係一種網頁設計嘅方法,主要係畀啲使用者喺唔同嘅電子產品度睇得更清楚,以前啲網頁設計師為咗方便啲平板電腦同埋智能電話使用者可以喺畫面度睇得清楚啲,佢哋就會將電腦網頁嘅畫面縮細喺中間,又或者縮咗喺左邊,所以自從平板電腦同埋智能電話面世之後,好多網站都縮細咗,嘥咗畫面嘅空間,響應式網頁設計係網頁設計界嘅革命,佢可以令啲網頁喺唔同嘅裝置自動轉換大細,唔使改尺寸。

用響應式網頁設計嘅佈局排位可以喺唔同嘅環境度睇,因為佢哋用咗液態技術以比例式網格做佢根基,彈性影像處理,佢哋唔再定死咗尺寸而用百份比,字體又可以根據畫面放大縮細,主要因為佢哋用咗最新嘅CSS3層叠樣式表 media 同埋 @media 媒體資詢擴展技術。

液態網格概念用嘅係相對式單位例如百份比來取代以前嘅絶對尺寸單位如pixels 或者points等,彈性影像都係用相對式單位等佢哋縮細時唔使定死咗大過啲裝住佢哋嘅邊距,標籤或者元素 @media 媒體資詢技術使到啲網頁喺唔同嘅裝置度就用唔同嘅CSS層叠樣式表,而最普遍嘅就係瀏覽器寛度。

伺服器端嘅元件(RESS)同埋客戶端嘅元件例如(media queries)媒體資詢擴展可以令到啲網頁喺智能電話度下載得更快,電話發放嘅功能更强大,唔使靠晒啲電話裏面嘅軟件運作。

出面網頁[編輯]

[1]