T-ara
 |
| T-ara 티아라 | |
|---|---|
 | |
| 組合 | |
| 原文名 | 티아라 |
| 英文名 | T-ara, Tiara |
| 國籍 | 韓國 |
| 職業 | 歌手、舞者 |
| 音樂類 | K-pop、R&B、民謠 |
| 出道地 | 韓國；日本澀谷 |
| 出道日期 | 2009年7月29號（韓國） 2011年9月28號（日本） |
| 出道作品 | 《謊言》（韓國） 《Bo Peep Bo Peep》（日本） |
| 代表作品 | 〈Bo Peep Bo Peep〉2009年 〈為你瘋狂〉2010年 〈Roly-Poly〉2011年 〈Cry Cry〉2011年 〈Lovey Dovey〉2012年 〈Day By Day〉2012年 〈Sexy love〉2012年 |
| 活躍年代 | 2009年到依家 |
| 唱片公司 | Core Contents Media（韓國） EMI音樂（日本） |
| 經紀公司 | Core Contents Media（韓國） J-ROCK（日本） |
| 網站 | 韓國官方網站 日本官方網站 |
| 相關團體 | T-ara N4、QBS、超新星、SeeYa、SPEED、Davichi、男女共學、Gangkiz |
| 現任成員 | |
| 居麗、慇晶、孝敏、智妍 | |
| 前任成員 | |
| 智愛、知元、和榮、雅琳、寶藍、昭妍、Dani | |
T-ara（/tiˈɑːrə/；韓文：
初期嘅五個成員智妍、慇晶、孝敏、知元同智愛為韓國電視劇《男版灰姑娘》喺2009年出咗第一首歌曲好人（좋은 사람）。知元同智愛退出T-ara之後，寶藍、居麗同昭妍加入，到嗰年7月以6人女子組合出道[5]。
佢哋嘅出道專輯《Absolute First Album》喺2009年12月發行，又衍生出幾首熱門單曲，包括謊言（거짓말）、TTL (Time to Love)、TTL Listen 2、Bo Peep Bo Peep同一如當初。跟住推出嘅迷你專輯《Temptastic》(2010)收錄咗熱門單曲為什麼這樣同Yayaya。專輯《John Travolta Wannabe》(2011)入面嘅Roly-Poly喺Gaon年度排行榜排第一，又奪得多個獎項同提名。6個月之後發行嘅迷你專輯《Black Eyes》(2011)又產生咗3首第一單曲：Cry Cry、我哋唔係相愛過咩（우리 사랑했잖아）同Lovey-Dovey，分別喺告示牌韓國K-pop Hot 100排第一。
喺2011年，T-ara以$4.3億同日本嘅J-ROCK簽約，準備喺日本出道，係韓國所有女子組合入面最高價[6]。唱片公司確定為「EMI音樂 (日本)」[7]。第一首單曲係Bo Peep Bo Peep(2009)，佢﹐喺Oricon每週排行榜入面排第一，而且售出49712個拷貝[8]，係史上第一隊初出道而得榜首嘅韓國女子組合[9]。喺2012年T-ara發行日本專輯《Jewelry Box》，高峰時喺Oricon排行榜入面排第2。
出道之後T-ara加入咗3個成員：和榮(2010)、雅琳(2012)同Dani(2012年12月)，變成9人組合，不過和榮喺2012年7月退出。T-ara每年都會改變隊長[10]，2012年嘅隊長係昭妍。
T-ara嘅歌迷叫做「Queen's」，解「女王所有嘅」[11]。而應援顏色就係檸檬黃[11]。
簡史[編輯]
出道前[編輯]
韓國Mnet Media旗下原本嗰五個T-ara成員（智妍、慇晶、孝敏、知元同埋智愛）一齊訓練咗三年[12]。喺2009年4月，喺T-ara正式出道前為MBC水木連續劇《男版灰姑娘》出咗第一首歌好人（좋은 사람）。[12]同年5月，智妍同相關團體SeeYa同埋Davichi出咗首單曲女性時代（여성시대）[13]。
喺2009年7月，Mnet Media公佈話知元、智愛因唔同嘅音樂風格而喺正式出道前離隊。之後寶藍首先加入，居麗同前少女時代成員昭妍[14]喺T-ara出道前三個禮拜加入。7月頭，T-ara被移到Mnet Media嘅子公司Core Contents Media[15]，喺7月29日以六人組合正式出道。出道嗰陣嘅隊長係慇晶。
2009-10年：出道，出第一張專輯同迷你專輯嘅反嚮[編輯]
喺2009年7月29日，T-ara喺MBC嘅訪談節目《Radio Star》入面出道。7月30日喺Mnet嘅M! Countdown作第一次演出，唱咗謊言（거짓말）同要玩嗎？（놀아볼래? ）。對於呢次首演，網絡上有啲負評指成員咪嘴，同埋表演睇落似「小學」演出噉[16]﹐T-ara否認假唱[17]。9月，成員慇晶，昭妍，孝敏，智妍又同相關團體超新星（成員金光秀、宋智赫同朴健一）合作唱咗TTL (Time To Love)，又喺9月15日出，係T-ara第一首喺唔同網上排行榜都排第一嘅歌。之後兩隊成班成員[18]再次合作演唱續作TTL Listen 2，喺10月9日出。
2009年11月27日，T-ara推出第一張專輯《Absolute First Album》[19]。為咗決定專輯嘅主題曲，Core Contents Media向大眾舉行咗個調查——揀Bo Peep Bo Peep或者就像最初（처음처럼）。最後有9,000人投票，就像最初就以4,770票（53%）成為咗主題曲[20]。不過Bo Peep Bo Peep喺音樂節目入面推廣，又喺Gaon排行榜頂峰嗰陣排第4，而就像最初頂只係排第10[21]。喺12月4日，T-ara喺Music Bank舉行復出表演。喺第24屆金唱片獎入面，T-ara同另一個女子組合4minute攞到新人獎[22]。
2010年1月1日，T-ara就憑Bo Peep Bo Peep喺Music Bank攞到第一個音樂節目嘅獎[23]。呢首歌總共攞咗5個獎，兩個喺Music Bank，3個喺SBS人氣歌謠。1月尾，T-ara再推廣單曲就像最初，但係因昭妍感染H1N1好快就停咗[24]。同一月，T-ara嘅成員喺電視劇《學習之神》嘅第七同八集入面客串，而智妍就做女主角[25]。
喺2010年2月23日，T-ara宣布重新發行第一張專輯，叫做《Breaking Heart》。兩首單曲為你瘋狂（너 때문에 미쳐）同我真的很痛（내가 너무 아파）喺2月23日數碼發佈，兩首歌分別喺Gaon排行榜頂峰嗰陣排第1同31[26]。同日T-ara喺M! Countdown舉行復出表演，憑為你瘋狂攞到連續兩個Mutizen SBS人氣歌謠[27]同M! Countdown第一名[28]。《Breaking Heart》喺3月3日喺市場發佈，頂峰嗰陣喺每週Gaon排行榜排第2，全年Gaon排行榜排第35，賣出咗40,695拷貝[29]。繼為你瘋狂嘅推廣完咗之後，T-ara喺4月頭開始演出我真的很痛。
7月，T-ara將喺佢哋間網店T-ara Dot Com度賣嘅世界杯商品嘅所有收益捐畀為非洲兒細路服務嘅慈善機構[30]。
10月，T-ara開始參加實境節目Hello Baby，照顧文梅森同埋佢兩個細佬[31]。
喺11月23日，T-ara出迷你專輯《Temptastic》主打歌曲為什麼這樣（왜 이러니）嘅數碼下載[32]。《Temptastic》喺12月1日同單曲Yayaya一齊數碼發佈。專輯原本喺11月初喺市場發佈，但係因延坪島炮擊事件拖到12月3日先出[33]。出嗰日T-ara喺Music Bank舉行復出表演，同時間介紹新成員和榮同新隊長寶藍，又以歌曲為什麼這樣同Yayaya喺M! Countdown得獎。
2011年:進軍日本，Roly-Poly同《Black Eyes》熱潮[編輯]
6月7日，T-ara通過官方主頁宣布已經同日本「J-ROCK」簽約，唱片公司確定係「EMI音樂」，而經紀同埋市場宣傳就由「J-ROCK」負責，喺七月正式開展日本活動。7月5日，T-ara喺東京澀谷SHIBUYA-AX會場舉辦第一次活動「T-ara First Show Case」。又預計會喺9月推出日本出道歌日版〈Bo Peep Bo Peep〉。喺出道前亦都喺東京一帶100笪地方整宣傳海報，又整咗出20架出道專輯廣告巴士。
6月29日﹐T-ara出第二張迷你專輯《John Travolta Wanna Be》，頂峰嗰陣喺Gaon排行榜排第3。專輯單曲Roly-Poly喺同一日出，頂峰嗰陣喺Gaon排行榜排第2，告示板韓國K-pop Hot 100排第4，重係2011年韓國最賣座同下載次數最多嘅歌[34]——帶嚟20萬收入[35]同4,680,253次下載[36]。Roly-Poly亦得到第三屆甜瓜音樂獎[37]同第一屆Gaon排行榜嘅Singer of the Year（七月），又被提名第13屆Mnet亞洲音樂大獎嘅年度歌曲同最佳女組合。
7月31日，T-ara嘅咖啡廳「Page One」喺狎鷗亭正式開張。
8月2日，T-ara推出限量版重新發行專輯《John Travolta Wanna Be》，叫《Roly-Poly in Copacabana》[38]。主題曲Roly-Poly in Copacabana係Roly-Poly嘅歐陸舞曲Remix版，歌名入面嘅「Copacabana」普及喺80年代嘅的士高俱樂部[38]，隻歌頂峰嗰陣喺Gaon排行榜排第40位，專輯排第3位，喺告示板韓國K-pop Hot 100入面Roly-Poly in Copacabana頂峰嗰陣排第45位。呢個Remix版本亦都有喺Music Bank演出。
2011年9月16日，T-ara做咗海關宣傳大使。
9月28日，T-ara喺日本正式出道，出咗日本出道單曲Bo Peep Bo Peep[39]，賣嗰日T-ara就喺川崎公演。喺嗰日7點亦都喺網上公開咗日版〈Bo Peep Bo Peep〉，公開之後喺Oricon單曲每週排行部分排第一，拍賣量比ORICON所預測多賣2萬幾張。無論係出道嗰日嘅第一位定係第一個禮拜嘅銷售量都會刷新咗一個新嘅歷史記錄。另外呢首歌頂峰嗰陣喺告示板日本Hot 100排第一[40]，RIAJ付費音樂下載榜入面嘅PC下載同手機全曲付費下載認證係「金」[41][42]。
11月11日，T-ara出第三張迷你專輯《Black Eyes》，喺Gaon排行榜排第2[43]。呢張專輯之前出咗嘅一首Cry cry，頂峰嗰陣喺告示板韓國K-pop Hot 100排第一，重喺M! Countdown連贏兩次第一。喺11月8日推出嘅Cry cry音樂影片係以100萬韓元製作嘅30分鐘戲劇故事情節[44]，而製作版、舞蹈版同民謠版分別喺同月13、17同20日推出。11月17日T-ara喺M! Countdown回歸，正式展開宣傳活動。為翻拍迷你專輯《Temptastic》，T-ara喺11月30日發佈第二首日本單曲Yayaya[45]，頂峰嗰陣喺Oricon排行榜入面排名第7，告示板日本Hot 100排第6。
12月，Core Contents Media公佈昭妍做T-ara第4位隊長[46]，又首次喺日本舉行三日迷你演唱會，叫「X-mas Premium Live」，喺東京，名古屋同大阪舉行。根據Gallup 2011年韓國民意調查嘅排名，T-ara升到做韓國第2大女子組合[47]。12月13日，T-ara為咗代言化妝品牌Tony Moly第一次拜訪台灣，成員慇晶因為拍戲傷咗冇去。12月21日，T-ara又同Davichi數碼發佈出聖誕民謠我們不是相愛嗎（우리 사랑했잖아），又喺兩日之後發行[48]，歌曲其後喺T-ara嘅專輯《Funky Town》重新發佈。呢首歌頂峰嗰陣喺Gaon排行榜排第一，告示板韓國K-pop Hot 100排第2[49]，又有喺SBS人氣歌謠入面演出。
2012年: Lovey-Dovey, Day by Day, Sexy Love熱潮同首張日本專輯[編輯]
1月3日，T-ara發行《Black Eyes》嘅後續專輯《Funky Town》，又喺1月5日《M! Countdown》回歸，正式展開宣傳活動。《Funky Town》頂峰嗰陣喺Gaon每週排行榜排第一，每月排行榜排第2，又賣咗43,049個拷貝。Lovey-Dovey以呢個專輯嘅第二單曲發佈，殭屍版同東京版音樂影片分別喺1月11日同17日發佈，呢首單曲頂峰嗰陣喺Gaon排行榜同告示板韓國K-pop Hot 100排第一，淨係喺韓國已經賣咗300萬個數碼拷貝。
2月，Forbes Korea報告出年度「韓國首40強明星」入面T-ara排第17，令佢哋成為韓國第三強嘅女子組合同第七強女明星[50]。2月9日，T-ara推出App「T-ARA SHAKE」。2月29日，發售新專輯日文單曲日版《Roly-Poly》。
4月，T-ara嘅經紀公司公佈將會喺7月為T-ara增加兩名成員，變成9人組合[51]。喺3月30日，嗰時14歲嘅Dani被公佈將會喺12月加入，又主演Day by Day劇情版嘅音樂影片[52][53]。7月12日，Core Contents Media正式推出18歲嘅雅琳為另一個新成員[54]。
5月23日，發售新專輯日文單曲日版《Lovey-Dovey》。
6月3日，T-ara喺曼谷舉行首次售票演唱會。6月6日，T-ara發行首張日文專輯《Jewelry box》，喺Oricon每週專輯排行榜入面排第2，賣咗超過57,000個拷貝[55]。7月19日，佢哋喺名古屋展開咗第一次日本巡迴演唱會——Japan Tour 2012: Jewelry Box，當時估計觀眾將超過4萬人[56]。喺專輯發行前Bo Peep Bo Peep、Yayaya、Roly-Poly同Lovey-Dovey四首單曲率先發佈。
7月，T-ara發佈迷你專輯《Day by Day》，喺Gaon排行榜入面排第5。主題曲Day by Day喺同日以單曲發佈，頂峰嗰陣排第2。7月7日，喺《Music Core》舉行咗Day by Day嘅復出表演，當時雅琳加入，後台重有70人嘅管弦樂團。7月8日，T-ara推出Day By Day嘅舞蹈版音樂影片。
7月14日，Core Contents Media為T-ara開咗個官方後援會「Queen's Fan Club」，又同3,500個歌迷喺首爾慶熙大學和平殿堂舉辦創立儀式。
7月30日，Core Contents Media正式宣布和榮即時離隊嘅消息。Core Contents Media嘅執行總裁金光洙話：「基於順從T-ara嘅19個工作人員嘅申訴」，終止和榮嘅合同，又話唔係因為成員間欺凌而離開[57][58]。呢場爭議令Day By Day嘅宣傳期緊急縮短，T-ara嘅一切活動亦都暫時擱置，包括取消出席SBS「K-POP 麗水世博超級演唱會」、押後韓國第一場個別演唱會，押後推出新歌Sexy Love。而成員嘅個人活動仍然繼續[59]。和榮同其他成員都話欺凌問題嘅事實被網民扭曲。[60]。其後宣布T-ara即將舉行嘅復出唔會改變，不過代理話復出時間將會無限期押後。2012年7月31日，和榮解約退團風暴擴大，南韓歌迷設立咗向T-ara要求真相嘅網站「T真要」，成立一日就破20萬會員重係噉增加。
9月3日，T-ara推出迷你專輯《Mirage》。兩首單曲Sexy Love同日與夜（낮과 밤）喺同日發佈，Sexy Love頂峰嗰陣喺Gaon排行榜同告示板韓國K-pop Hot 100入面排第4同3，而日與夜係雅琳同Shannon同埋Gavy NJ嘅Gun-ji三人合唱嘅歌。
9月10日，宣布話T-ara會喺日本發布一個精選專輯，包括所有韓國單曲，嚟慶祝喺日本出道一週年[61]。最後專輯喺10月10日出[62]。9月25日，T-ara發佈出日文版Day by Day[63] 。10月，T-ara推出日文版Sexy Love，又去到日本推廣單曲[64] [65]。
2013年：《Bunny Style!》同子團T-ara N4[編輯]
1月28日，T-ara嘅第6張日本單曲專輯《Banistar》確認喺3月20日發佈[66]，專輯共有10個版本，7個收錄各成員嘅成員獨唱，另外3個就收錄咗23組子團嘅合唱[67]。發售嗰日賣咗40,705張拷貝，而且佔據Oricon每日同每週CD單曲排行榜嘅第二位[68][69][70]。為咗推廣新的嘅日語單曲，T-ara喺2月20日至3月9日期間喺日本各地舉行15個Showcase，旅程會喺官方[NICONICO動畫頻道度廣播[71]。
4月9日，Core Contents Media表示T-ara成員慇晶、孝敏、智妍同雅琳會喺5月1日以子團型式回歸[72]，又公佈團名叫「T-ara N4」[73]，出道歌曲《田園日記》（전원일기）喺4月29推出[74]。
4月24日，T-ara出席M!Countdown 你好-台灣，又同臺灣女子組合Dream Girls合作演代表曲〈Bo Peep Bo Peep〉[75]。
5月17日，T-ara嘅日本經紀公司公佈由昭妍、寶藍、居麗組成嘅日本子團，叫「QBS」，出道歌《像風一樣》會喺6月26日發行[76]。
T-ara將會喺7月3日發行第7首日文單曲《Target》。7月中喺韓國回歸。7月12同13日去日本武道館演出，以慶祝第二張專輯將會喺7月31日發行[77][78]。喺9月4至到27日期間，T-ara會喺日本舉行總共9場嘅巡迴演唱會「T-ara Japan Tour 2013」[79]。
成員資料[編輯]
現有成員[編輯]
T-ara而家有4個成員。喺2012年4月，T-ara所屬公司Core Contents Media宣布將會增加兩個成員，分別係雅琳同埋Dani。雅琳喺7月3日所發行嘅《Day by Day》一齊進行宣傳活動，而Dani就要到12月。
| 現任成員 | ||||||||
|---|---|---|---|---|---|---|---|---|
| 藝名 | 原名[80] | 出生日期 | ||||||
| 藝名 | 諺文 | 日文 | 羅馬拼音 | |||||
| 居麗 | 큐리 | キュリ | Q-Ri | 李智賢 | 1986年12月12號 | |||
| 慇晶 | 은정 | ウンジョン | EunJung | 咸慇晶 | 1988年12月12號 | |||
| 孝敏 | 효민 | ヒョミン | HyoMin | 朴宣映 | 1989年5月30號 | |||
| 智妍 | 지연 | ジヨン | JiYeon | 朴智妍 | 1993年6月7號 | |||
退出成員[編輯]
| 退出咗嘅成員 | |||
|---|---|---|---|
| 原名 | 退隊日期 | ||
| 漢字 | 諺文 | 羅馬拼音 | |
| 李智愛 | 이지애 | Lee Ji-Ae | 2009年（T-ara正式出道之前） |
| 楊知元 | 양지원 | Yang Ji-Won | 2009年（T-ara正式出道之前） |
| 柳和榮 | 류화영 | Ryu Hwa-Young | 2012年7月30日（出道咗1年8個月） |
| 李雅琳 | 아름 | A-Reum | 2013年7月10日（宣佈單飛） |
| 全寶藍 | 보람 | BoRam | 2017年5月15日（約滿退團） |
| 朴昭妍 | 소연 | SoYeon | 2017年5月15日（約滿退團） |
時間線[編輯]
下面係T-ara成員加入嘅時間線，藍色係加入咗而未出道。
轉隊長[編輯]
2011年6月14日，T-ara所屬嘅Core Contents Media表示為咗畀成員培養責任心，所以每出新專輯就會轉隊長。2011年7月16日由寶藍做隊長係因為佢大個，而換做孝敏嘅理由係佢同慇晶留喺T-ara嘅時間最長，所以喺重要時期下由孝敏擔當隊長。又話之後重會畀未做過隊長嘅成員試吓做。由2012年1月1日開始，昭妍接替孝敏隊長一職。
T-ara歷任隊長[11]
| 擔任成員 | 上任日期 | 結束日期 | |
|---|---|---|---|
| 第一任 | 慇晶 | 2009年7月29日 | 2010年7月14日 |
| 第二任 | 寶藍 | 2010年7月15日 | 2011年6月14日 |
| 第三任 | 孝敏 | 2011年6月15日 | 2011年12月31日 |
| 第四任 | 昭妍 | 2012年1月1日 | 2013年7月12日 |
| 第五任 | 居麗 | 2013年7月12日 | 現任 |
子團[編輯]
T-ara N4[編輯]
T-ara N4係由成員慇晶、孝敏、智妍同埋雅琳組嘅的子團[72]，喺「T-ara Brand New 4」個縮寫。出道歌《田園日記》（전원일기）喺4月29推出。
日本子團[編輯]
QBS係由成員昭妍、寶藍、居麗組成嘅子團，會喺日本進行活動[81]。出道歌《像風一樣》會喺6月26日發行[76]。
出版刊物[編輯]
- 《Sparkle》（2012) 東京：幻冬舍（2012年4月12日)。ISBN 978-4344021594。山岸伸攝。
- 《T-ara Private Book》（2013） 東京：講談社（2013年2月28日)。ISBN 978-4062182201。
演唱會[編輯]
T-ARA X'mas Premium LIVE(Japan)
| 日期 | 站次 | 舉行地點 |
| 2011年12月20日 | 東京都 | Stellar Ball |
| 2011年12月21日 | 愛知縣 | Zepp Nagoya |
| 2011年12月22日 | 大阪府 | Zepp Osaka |
T-ARA JAPAN TOUR 2012～Jewelry box～
| 日期 | 站次 | 舉行地點 |
| 2012年6月19日 | 愛知県・名古屋 | 愛知県芸術劇場大ホール |
| 2012年6月20日 | 愛知県・名古屋 | 愛知県芸術劇場大ホール |
| 2012年6月22日 | 大阪府 | 国際会議場（グランキューブ）メインホール |
| 2012年6月23日 | 大阪府 | 国際会議場（グランキューブ）メインホール |
| 2012年6月24日 | 大阪府 | 国際会議場（グランキューブ）メインホール |
| 2012年6月25日 | 福岡県 | 福岡サンパレスホテル＆ホール |
| 2012年6月26日 | 福岡県 | 福岡サンパレスホテル＆ホール |
| 2012年6月28日 | 宮城県・仙台 | Zepp Sendai |
| 2012年6月30日 | 北海道・札幌 | Zepp Sapporo |
| 2012年7月25日 | 東京都 | 日本武道館 |
| 2012年7月26日 | 東京都 | 日本武道館 |
IT'S T-ARA TIME
| 日期 | 站次 | 舉行地點 |
| 2013年8月10日 | 香港 | 亞洲國際博覽館 |
和榮退團事件[編輯]
2012年7月，爭議發生喺T-ara嘅日本武道館演唱會之後，T-ara成員被指喺Twitter上欺凌和榮。嗰排和榮因為喺音樂節目表演傷咗隻腳，要坐輪椅，有成員開始喺Twitter更新有關「意志」嘅推文，被假定話係諷刺緊和榮「缺乏意志」 [82][83]。和榮話佢覺得唔開心又需要其他人支持[84]。呢啲推文出咗之後惹嚟大量回響。一個自稱係T-ara前伴舞嘅匿名互聯網用戶詳細描述智妍摑和榮一巴[85]。不過Core Contents Media回應話係假嘅，又喺7月31日朝早5點半同佢嘅律師討論過後正式要求首爾江南警署嘅網絡犯罪搜索隊搵番嗰個自稱T-ara前伴舞嘅網民[86]。警方作出調查之後嗰個匿名用戶因為喺網上發佈未經證實、惡意同破壞性嘅陳述喺12月28日被控誹謗，又拘留佢喺江南警署。
一啲「欺凌」成員件事嘅片喺網上流傳，但係網民後來發現影片係唔同表演片段剪接出嚟，有斷章取義之嫌。另外Twitter又流傳話其他T-ara成員其實一直歡迎同對待和榮友善。有成員又話雖然佢較遲加入組合，但事實上係隊入面一個重要嘅成員。
喺7月30日，Core Contents Media宣布和榮會離隊「係聽取T-ara 19個工作人員嘅意見」[57] 。其後又宣佈咗另一個解釋[87]。7月31日，和榮喺Twitter上道歉，又希望歌迷停止一切言論[88]。喺推文發佈之前，有人見到佢同家姐一起到Core Contents Media公司，公司透露和榮想親自同金光洙道歉[89]。
8月1日，法新社表示T-ara嘅官方fan club報稱喺爭議過後冇咗6000個成員[90][91]。T-ara又失去咗代言合同，演唱會被迫取消，fan cafe被關閉[92]。Core Contents Media又話「即將舉行嘅第一個國內演唱會會延期」，代表補充話「成員認為喺噉嘅情況下唔可以喺舞台上向歌迷表現出開心、開朗、充滿活力嘅樣。」又要求推遲演唱會[93][94]。據報導，和榮同佢嘅家人收到死亡同強姦威脅，有網市民話要炸Core Contents Media嘅辦公室，又有「T真要」（韓國網路上成立嘅一個要「向 T-ara 要求真相」嘅網站[95]）嘅成員到辦公室外投擲雞蛋[96]。
8月29日，T-ara喺佢嘅官方網站上面出咗個書面道歉信。雖然冇明確講欺凌和榮嘅事，但確實承認團隊入面出現分歧，哩啲都係佢哋唔成熟嘅表現（尤其係令內部矛盾公開）令和榮被開除。佢哋以對家人、和榮、歌迷等人嘅道歉作結[97]。
韓國各界名人同行內專業人士都對事件表示關切，好似演員申鉉濬同歌手E.via。喺國外﹐日本流行音樂歌手Kyary Pamyu Pamyu同國際間嘅歌迷亦有關注哩件事[98][99][100]。
參考[編輯]
- ↑ 《T-ara 成員的手寫正名》 (臺灣中文). 韓娛最前線. 2012-08-18. 原著喺2012-08-21歸檔. 喺2012-08-18搵到.
- ↑ 《20120107《T-ara 的花美男們》第3集：和榮講番自己啱嘅中文名》 (SBS) (臺灣中文). T-ara 嘅花美男們. 2012-01-07. 喺2012-08-03搵到.
- ↑ 〈티아라-티맥스, 이름의 뜻은? "가요계 여왕+최고 되겠다"〉. Newseb. September 27, 2012. 喺September 1, 2012搵到.
- ↑ （韓文） 걸그룹 이름 뜻, 네티즌 “온 몸이 오글거리는 속 뜻” 互聯網檔案館嘅歸檔，歸檔日期2013年11月5號，.. Star FN News. April 15, 2012. Retrieved September 1, 2012.
- ↑ （韓文） 전영록 딸 전보람, 티아라 새 멤버 합류! ‘가수 3대 집안’ (T-ara gets a new member) Newsen. June 3, 2009.
- ↑ （韓文） 티아라, 50억 근접 역대 최고가 전속계약..일본 J-ROCK과 47억 Newsen. September 7, 2011.
- ↑ （韓文） 티아라, 日 홍보 및 매니지먼트사 J-ROCK으로 정정 Nate. September 21, 2011.
- ↑ （韓文） 티아라 '오리콘 1위 여세 몰아, 화려한 컴백 예고' (인터뷰) Naver. October 6, 2011.
- ↑ （韓文） 티아라, 오리콘 데뷔싱글 주간1위..해외女 '최초' Nate. October 4, 2011.
- ↑ （韓文） "유닛공백 보완효과"...티아라, 7인조 시대 연 까닭? (Why T-ara Added New Member & Boram as Leader) 互聯網檔案館嘅歸檔，歸檔日期2013年10月21號，. Sports Seoul. July 16, 2010.
- ↑ 11.0 11.1 11.2 BELLA (2010-10-07). "T-ara" (臺灣中文). 台灣: kpopn.com.com. 原著喺2013-03-21歸檔. 喺2013-04-01搵到.
- ↑ 12.0 12.1 〈화제의 그룹 `티아라`, 26일 얼굴 공개〉. Hankyung. 2009年4月26日. 喺2012年9月2日搵到.
- ↑ 〈[포토엔]깜찍 발랄 티아라 지연, 상큼한 브이~〉. Newsen. 2009年4月27日. 喺2012年9月2日搵到.
- ↑ 〈티아라 소연 "소녀시대는 과거일뿐, 선의의 경쟁 펼칠터"(단독 인터뷰)〉. Newsen. 2009年7月5日. 喺2012年9月2日搵到.
- ↑ Jeon, Hyung-hwa (2009年7月9日). 〈티아라, 코어컨텐츠로 소속사 이전..양파와 한솥밥〉. StarNews (Korean). 喺2012年9月1日搵到.
{{cite news}}: CS1 maint: unrecognized language (link) - ↑ （韓文） '립싱크야? 더빙이야?' 티아라 데뷔무대 '혹평' (Is it Lipsynched? Is it Dubbing?" T-ara's Debut Receives "Harsh Criticism")
- ↑ （韓文） Lee, Jae-hwan. 티아라 “더이상 립싱크는 없다” 뮤뱅부터 라이브 무대 (T-ara: "No More Lipsynching"; Live from Music Bank Onwards) 互聯網檔案館嘅歸檔，歸檔日期2019年9月2號，.. Joins.com/Newsen. 2009年8月1日. 喺2009年8月3日檢素.
- ↑ （韓文） 티아라-초신성 TTL 두번째 버전 9일 전격공개 (TTL Listen 2 announced). Newsen. 2009年10月9日.
- ↑ 〈티아라 'Bo Peep Bo Peep' 뮤비, 정지아 파격 노출 "클럽녀"로 활약!〉. JKSTARS.COM. 2009年9月27日. 喺2012年9月10日搵到.
- ↑ 〈티아라, 타이틀곡은 '처음처럼' 활동은 '보핍보핍'〉. Sports Chosun. 2010年12月2日. 喺2012年9月10日搵到.
- ↑ 〈:: 가온차트와 함께하세요 ::〉. Gaon. Korea Music Content Industry Association. pp. 2010年, 2009年12月27日至2010年1月2日. 喺2012年9月10日搵到.
- ↑ Jin, Hyang-hui (2009年12月10日). 〈[골드디스크] 포미닛-티아라, 신인상 수상...걸그룹 열풍 입증〉. MK News. 原著喺2013年2月18日歸檔. 喺2012年9月9日搵到.
- ↑ 〈티아라, 새해 첫 '뮤직뱅크' 1위..눈물 펑펑〉. StarNews. 2010年1月1日. 喺2012年9月1日搵到.
- ↑ 티아라 소연 ‘공신’ 촬영 중 실신 응급실行 ‘신종플루 의심판정’ - 손에 잡히는 뉴스 눈에 보이는 뉴스 - 뉴스엔
- ↑ 〈티아라 불량소녀 변신 '공부의 신' 특별 출연〉. Newsen. 2010年1月10日. 喺2012年9月10日搵到.
- ↑ 〈티아라 '너 때문에 미쳐' 실시간차트1위〉. kyeongin.com. 2010年2月23日. 喺2012年9月1日搵到.
- ↑ 〈티아라 '너때문에 미쳐' 엠카·인기가요 '2관왕'〉. Newsen. 2010年3月31日. 喺2012年9月1日搵到.
- ↑ Go, Yeong-bong (2010年3月18日). 〈티아라 '너때문에 미쳐', '엠카운트다운' 1위..'눈물바다'〉. Gwangnam. 喺2012年9月1日搵到.
{{cite news}}: CS1 maint: url-status (link) - ↑ 〈:: 가온차트와 함께하세요 ::〉. Gaon. Korea Music Content Industry Association. 喺2012年9月1日搵到.
- ↑ 〈티아라, 온라인 쇼핑몰 월 매출 6억 돌파 '대박'〉 (韓文). 아시아경제. 2010-06-05. 喺2013-05-03搵到.
- ↑ heartfacee (2010-11-11 9:01). "T-ara to take care of Moon Mason for "Hello Baby"" (英文). 美國: Allkpop. 喺2013-04-15搵到.
{{cite web}}: Check date values in:|date=(help) - ↑ 〈7인조 컴백 티아라, 문구류도 '대박났네' - 연예 - 스포츠서울닷컴〉. Sports Seoul. 2010年9月24日. 原著喺2013年1月23日歸檔. 喺2012年7月8日搵到.
- ↑ "T-ara album release date delayed to December 3". 喺2010年12月14日搵到.
- ↑ 〈티아라 '롤리폴리' 음원매출 20억 올 1위 등극, 아이유 '좋은날' 제쳐 : 네이트 뉴스〉. News.nate.com. 喺2012-04-10搵到.
- ↑ （韓文） 〈티아라 '롤리폴리' 음원매출 20억 올 1위 등극, 아이유 '좋은날' 제쳐〉. Nate. August 26, 2011.
- ↑ （韓文） 〈올해 가장 많이 팔린 음원은? 티아라 '롤리폴리'〉. Naver. December 14, 2011.
- ↑ "2011 MelOn MUSIC AWARDS". Melon.
{{cite web}}: Italic or bold markup not allowed in:|publisher=(help) - ↑ 38.0 38.1 〈티아라의 '롤리폴리' 새 버전 '코파카바나'란?〉. Nate. August 1, 2011. 喺September 10, 2012搵到.
- ↑ 〈Ｔ－ＡＲＡのCDシングルランキング、Ｔ－ＡＲＡのプロフィールならオリコン芸能人事典-ORICON STYLE〉. Oricon Style. Oricon Inc. 喺September 10, 2012搵到.
- ↑ （日文） "Billboard Japan Hot 100". Billboard. 喺2011-10-14搵到.
- ↑ 〈一般社団法人 日本レコード協会｜各種統計〉. RIAJ.
{{cite web}}: Unknown parameter|trans_title=ignored (|trans-title=suggested) (help) - ↑ 〈一般社団法人 日本レコード協会｜各種統計〉. RIAJ. RIAJ. 喺20 May 2012搵到.
- ↑ 〈:: 가온차트와 함께하세요 ::〉. Gaon. Korea Music Content Industry Association. pp. 2011 년, 2011.11.13~2011.11.19.
- ↑ 〈차승원 "티아라 멤버들 연기력은 모두 평균 이상" 극찬〉. Nate. October 20, 2011. 原著喺2016年1月28號歸檔. 喺September 10, 2012搵到.
- ↑ （日文） 遅くなりましたが・・・
- ↑ （韓文） 티아라, 효민에서 소연으로 갑적스런 리더 교체 왜. Nate. December 7, 2011.
- ↑ 〈소녀시대, 전 연령대 1위..3년 연속 '올해 최고 가수'〉. View.heraldm.com. 喺2012-08-13搵到.
- ↑ 〈티아라+다비치, 뭉쳤다..X마스이브 '협창 발라드'〉. Sports Chosun. December 20, 2011. 喺September 10, 2012搵到.
- ↑ "Korea K-Pop Hot 100 Music Chart | Billboard.com". Billboard. 原著喺2014-10-09歸檔. 喺September 10, 2012搵到.
- ↑ 〈韓유명인 40명에 재계인사'0'…1위는 소녀시대 :: 네이버 뉴스〉 (韓文). News.naver.com. 2012-02-25. 喺2012-08-13搵到.
- ↑ 〈티아라 새 멤버 2명 합류, "기존 멤버들은 불만 없을까?" : 네이트 뉴스〉. Nate. 2012-04-05. 原著喺2016-01-28歸檔. 喺2012-06-07搵到.
- ↑ By Vitalsign (2012-05-29). "T-ara unveils new member, Dani". Allkpop.com. 喺2012-08-13搵到.
- ↑ 〈티아라, '올리비아 핫세' 닮은 9번째 멤버 다니 얼굴 전격 공개 :: 네이버 뉴스〉. TV Report. Naver. 喺8 June 2012搵到.
- ↑ 〈[단독]티아라, 8번째 멤버는 '아름'..얼굴최초공개 '깜찍' : 네이트 뉴스〉. News.nate.com. 喺2012-08-13搵到.
- ↑ "Oricon Style". Oricon.co.jp. 喺2012-08-13搵到.
- ↑ 〈티아라, 오는 6월 日에 1집 앨범 발매...'일본 투어도' :: 네이버 뉴스〉. Osen. Naver. 喺8 June 2012搵到.
- ↑ 57.0 57.1 "[BREAKING] CCM announces Hwayoung will leave T-ara".
- ↑ 〈티아라 소속사 "화영, 자유계약 가수 신분으로 계약 해지"〉. 原著喺2014年2月14號歸檔. 喺July 30, 2012搵到.
- ↑ "The T-ara Incident Isn't Over Yet: Three Points Yet to be Addressed". 喺August 2, 2012 Yahoo搵到.
{{cite web}}: Check date values in:|accessdate=(help) - ↑ carolicity (2012-08-28). "[BREAKING] Hwayoung speaks on the controversy surrounding herself and T-ara" (英文). Allkpop.com. 喺2013-01-10搵到.
- ↑ 〈日本デビュー1周年を記念し、T-ARA 世界初の韓国語曲BEST ALBUM リリース決定！〉. T-ARA Official Blog (Japanese). September 10, 2012. 喺September 12, 2012搵到.
{{cite web}}: Italic or bold markup not allowed in:|publisher=(help) - ↑ 〈T-ARA（ティアラ）公式ウェブサイト ｜ トピック〉. T-ara. 原著喺2012年10月14號歸檔. 喺October 10, 2012搵到.
- ↑ "T-ara's full PV for "Day by Day" revealed". Allkpop.com. 喺2 December 2012搵到.
- ↑ "T-ara's Japanese "Sexy Love" PV revealed". Allkpop.com. 喺2 December 2012搵到.
- ↑ "T-ara departs for Japan to promote "Sexy Love"". Allkpop.com. 喺2 December 2012搵到.
- ↑ "T-ara will release their Japanese singles on the 20th of March!". T-araworld.net. 原著喺2016-03-21歸檔. 喺2013-1-28搵到.
{{cite web}}: Check date values in:|accessdate=(help) - ↑ 〈T-ARA ｜ 「バニスタ！」予約ポイントダービー〉 (日文). 日本: EMI Music Japan Inc. 原著喺2013-03-02歸檔. 喺2013-04-01搵到.
- ↑ 〈2013年03月19日のCDシングルデイリーランキング〉 (日文). 日本: Oricon Inc. 2013-03-19. 喺2013-04-01搵到.
{{cite web}}: CS1 maint: url-status (link) - ↑ 길혜성 (13-03-20 20:47). 〈티아라, 日오리콘 2위 '4만장'..소시·아이유도 톱10〉 (韓文). 韓國: Starnews. 喺2013-03-21搵到.
{{cite web}}: Check date values in:|date=(help) - ↑ 길혜성 (13-04-03 10:49). 〈티아라, 日새싱글 오리콘 주간차트 2위..5만6천장〉 (韓文). 韓國: Starnews. 喺2013-04-03搵到.
{{cite web}}: Check date values in:|date=(help) - ↑ 〈T-ARAチャンネル - ニコニコチャンネル ：音楽〉 (日文). Niwango, Inc. 原著喺2013-04-30歸檔. 喺2013-4-7搵到.
{{cite web}}: Check date values in:|accessdate=(help) - ↑ 72.0 72.1 〈티아라 유닛, 은정·지연·효민·아름으로 5월 1일 출격〉 (韓文). 韓國: mydaily. 13-04-09 14:36. 喺2013-04-09搵到.
{{cite web}}: Check date values in:|date=(help) - ↑ carolicity (2013.04.12). "Hyomin's teaser poster released for debut of subunit 'T-ara N4′" (英文). 美國: Allkpop. 喺2013-04-12搵到.
{{cite web}}: Check date values in:|date=(help) - ↑ 〈티아라엔포, '전원일기' 음원·뮤비 29일 동시 공개〉 (韓文). 韓國: mydaily. 13-04-18 11:07. 喺2013-04-18搵到.
{{cite web}}: Check date values in:|date=(help) - ↑ 〈티아라 '보핍보핍' 대만 걸그룹 드림걸스와 스페셜 퍼포먼스〉 (韓文). 韓國: Newsen.com. 2013-04-24 10:39:16. 喺2013-04-25搵到.
{{cite web}}: Check date values in:|date=(help) - ↑ 76.0 76.1 〈T-ARAから新ユニット"QBS"誕生、日本で活動スタート！〉 (jo). 日本: EMI RECORD JAPAN. 2013-05-17. 喺2013-05-17搵到.
{{cite web}}: Unknown parameter|trans_title=ignored (|trans-title=suggested) (help)CS1 maint: unrecognized language (link) CS1 maint: url-status (link) - ↑ 〈티아라 4명 美 활동 vs 티아라 3명 日 활동…7월 완전체 컴백〉 (韓文). TVREPORT. 2013-05-23. 原著喺2019-02-18歸檔. 喺2013-05-31搵到.
- ↑ 〈T-ARA 待望の2nd Albumリリース＆プレミアム先行ライブ決定！！〉 (日文). 日本: T-ARA. 2013-04-05. 原著喺2012-04-10歸檔. 喺2013-04-07搵到.
- ↑ 〈まいにちT-ARA "QBS"編 後半〉 (日文). NICONICO動畫. 2013-06-01. 原著喺2013-10-08歸檔. 喺2013-06-02搵到.
- ↑ Mnet "티아라의 Dream Girls" 8회 이력서 참고
- ↑ 〈티아라, '소연-보람-큐리'로 3인조 유닛 '또 결성'〉 (韓文). 韓國: SK Communications. 2013-04-22 14:00. 原著喺2016-01-28歸檔. 喺2013-04-22搵到.
{{cite web}}: Check date values in:|date=(help) - ↑ "T-ara members' tweets following Budokan concert receive some criticism".
- ↑ IRIS (2012-07-28). 〈♚T-ara 新闻♚ 花英受伤，T-ara组合惊爆"内讧事件"！〉 (中國中文). T-ARA中文首站. 原著喺2012-08-05歸檔. 喺2013-01-10搵到.
- ↑ VITALSIGN (2012-07-28). "T-ara's Hwayoung leaves an ambiguous tweet" (英文). AllKpop. 喺2013-02-18搵到.
- ↑ 〈티아라 백댄서 증언 '화영 왕따설 뒷받침..사실일까?〉 (韓文). 韓國: Citydaily. 2012-07-31. 原著喺2012-08-02歸檔. 喺2013-02-18搵到.
- ↑ 〈강남署 "티아라 백댄서 거짓글, 사이버수사대 배정"〉 (韓文). nate. 2010-07-31. 喺2013-01-10搵到.
- ↑ 〈"화영, 대기실 밖에서 혼자 울고 있었다" 소속사 반박 증언 나와〉 (韓文). nate. 2010-06-10. 喺2013-01-10搵到.
- ↑ D☺W (2010-07-31). 〈花英在推特上道歉〉 (臺灣中文). kpopn.com. 原著喺2012-11-02歸檔. 喺2013-01-10搵到.
- ↑ "T-ara's Hwayoung apologizes for causing trouble amid bullying controversy" (英文). The Korea Herald. 2012-08-01. 喺2013-01-10搵到.
- ↑ "S. Korea girl band stirs controversy over sacking" (英文). Agence France-Presse. 2012-08-01. 喺2013-01-10搵到.
{{cite web}}: CS1 maint: url-status (link) - ↑ D☺W (2012-08-01). 〈T-ara 大量歌迷退出 Cafe〉 (臺灣中文). kpopn.com. 原著喺2012-11-04歸檔. 喺2013-01-10搵到.
- ↑ [OP-ED Guilty until proven innocent: The lynch mob against T-ara and who’s really to blame], Allkpop.com, Aug. 2, 2012.
- ↑ T-ara’s first domestic concert to be postponed, Allkpop.com, Aug. 2, 2012.
- ↑ NELLY (2012-08-01). 〈T-ara 演唱會決定延期〉 (臺灣中文). kpopn.com. 原著喺2012-10-07歸檔. 喺2013-01-10搵到.
- ↑ NELLY (2012-08-02). 〈「T 真要」將舉行示威〉 (臺灣中文). 台灣: kpopn.com. 原著喺2013-04-26歸檔. 喺2013-02-19搵到.
- ↑ Aysohmay (2012-08-04). "Furious Fans Throw Eggs At CCM Building Due To T-ara Scandal" (英文). JpopAsia. 原著喺2013-04-09歸檔. 喺2013-02-19搵到.
- ↑ NELLY (2012-08-29). "T-ARA Finally Opens Up, 'Foolish Behavior...Deep Reflection'" (英文). 喺2013-01-10搵到.
- ↑ "Japan's Kyaryy Pamyu Pamyu Tweets Then Deletes About T-ara". 7 August 2012. CJ E&M enewsWorld, Stewart Ho. 原著喺2012年8月9號歸檔. 喺5 September 2012搵到.
- ↑ 〈신현준 '왕따' 일침, 티아라 화영 계약 해지 관련? '논란'〉. 31 August 2012. CityDaily. 原著喺2012年8月4號歸檔. 喺5 September 2012搵到.
- ↑ 〈이비아, 티진요 비난 "마녀사냥 그만"〉. TV Report. 31 August 2012. 喺5 September 2012搵到.
出面網頁[編輯]
- T-ARA韓國官方網站 （韓文）
- T-ARA韓國官方Cafe （韓文）
- T-ARA日本官方網站 （日文）
- T-ARA日本官方Blog （日文）