TTC

出自維基百科,自由嘅百科全書
TTC嘅標誌
多倫多公車局嘅總部

多倫多公車局[註 1]英文Toronto Transit Commission,簡稱 TTC,意思係 「多倫多公共交通常務委員會」),普通話又叫多倫多交通局,官方跟英文叫 TTC,係加拿大安大略省多倫多市負責公共交通政府機構,服務包括巴士街車地下鐵1921年成立,原稱 Toronto Transportation Commission(多倫多運輸委員會)[1]2021年 嘅總載客量達 386,443,400 人次,每日 1,397,800 人次。

粵語會講 「搭 TTC」,指乘搭任何 TTC 提供嘅交通工具。目前係劃一收費,即係無論搭幾遠,喺適用嘅轉車限制之下(規舉有兩套,邊套適用係睇你點畀錢),淨係畀一次錢,畀嘅錢亦係一樣。

TTC 請咗超過12,000名員工,營運北美洲第三最繁忙嘅市區公共交通運輸系統,排喺第一位嘅紐約市同第二位嘅墨西哥城之後。截至2022年TTC總共有4條地下鐵綫,合共75個。巴士同街車行走149條地面路線。

19271961年間,多倫多嘅渡輪服務亦係由 TTC 提供[2]

服務網[編輯]

巴士[編輯]

普通單層巴士
掛接巴士

TTC 嘅大部分嘅巴士都係統一收費,不過部分 TTC 巴士線會駛入萬錦市,搭呢啲車嘅時候約克區同多倫多市嘅車錢通常要分開畀,因為 TTC 只係同約克區公車局代收約克區嘅部份。巴士喺大街通常有24小時服務,但係夜晚可能要等要成個鐘先一班車。

TTC 用嘅全部都係單層巴士;大線如果預多人搭,會用掛接巴士

街車[編輯]

街車(有軌電車)

TTC 嘅輕鐵全部都係統一收費。因為約定俗成,舊綫全部統一叫街車streetcar;新起嘅艾靈頓跨城輕鐵綫芬治西輕鐵綫將會納入地下鐵系統),但係其實一直都係有叫輕鐵(LRT)[3];最初引入而今用緊嘅低地台車卡亦都係寫明佢係輕鐵車卡(LRV)[4][5]

喺粵語,士嘉堡區嘅3號線有時會被稱為士嘉堡輕鐵,但係佢其實係高架重鐵,係地鐵網嘅一部分,但係因為軌距唔同,所以唔能夠由2號綫直通去3號綫。

地下鐵[編輯]

1號綫同4號綫用嘅新列車

TTC 嘅地下鐵亦都係統一收費。1號線喺西面一段(舊稱 University Line)會開入約克區旺市,但係同巴士唔同,跨區搭地鐵係唔使畀兩程錢。地下鐵並唔係24小時服務。個別路段亦都會不定期喺服務時間關閉維修,喺服務時間關閉維修會提供接駁巴士服務。

復康專車[編輯]

復康專車

除咗普通嘅巴士同鐵路服務之外,TTC 亦都提供一個叫做復康專車[6](Wheel-Trans)嘅服務畀傷殘人士,佢其實係一種可以容納輪椅嘅一種類似的士嘅服務。[7]

路綫號碼[編輯]

多倫多公車局自2000年代初開始,原則上唔同服務都統一用同一套號碼,即係無論係巴士、地鐵定街車,都唔應該會撞號碼[8];因為唔會撞號碼,喺地下鐵系統出事或者要維修,要用接駁巴士嗰陣,就可以架巴士直接寫地鐵嘅路綫號碼,都唔會令人覺得混亂。

因為2020年代初會有幾條新嘅地下鐵或者輕鐵綫會開,所以本來用開細號碼嘅巴士綫變咗要轉號碼;例如,喺2021年,原本嘅5號綫就轉咗個新號碼,新號碼係13,因為唔可以撞號碼,但係原本用開嘅5號會變成艾靈頓跨城輕鐵綫嘅編號[9]

轉車[編輯]

多倫多公車局目前用緊兩種唔同嘅轉車制,視乎你係畀現錢定用 Presto 畀錢(包括用 Presto 卡、信用卡提款卡或者手機畀錢):

Presto 用嘅係兩小時內無限次轉車制,由第一次拍卡開始計,假定冇拍錯卡,兩個鐘頭之內轉幾次車都得,唔會理行車方向。

不過畀現錢嘅乘客仍然要用一套非常難明嘅舊制。喺舊制之下,乘客要喺畀錢嘅地方攞轉車證行程之內,向,喺轉車,可以用轉車證免費轉車。喺 TTC 喺網站寫明邊度可以轉車之前[10],其實舊制條款好多字睇都冇定義過,司機變相可以隨便要乘客畀兩次錢。

出面網頁[編輯]

[編輯]

  1. 喺多倫多,「公車局」 係粵語一直以來嘅叫法,粵語或者香港來嘅傳媒大多數情況亦都係用 「公車局」。

參考[編輯]

  1. "Setting the Scene". The TTC – 100 Years of Moving Toronto (加拿大英文). City of Toronto. 2021年6月29號. 喺2022-09-04搵到.
  2. "TTC Ferry Service to Toronto Island". The TTC – 100 Years of Moving Toronto (加拿大英文). City of Toronto. 2021年6月29號. 喺2023年6月25號搵到.
  3. "Harbourfront & Spadina Light Rapid Transit". The TTC – 100 Years of Moving Toronto (加拿大英文). City of Toronto. 2021年6月29號. 喺2022-09-04搵到.
  4. "TTC invites public to preview next generation streetcar". 喺2022-08-21搵到.
  5. "Toronto Meet Your New Ride". Toronto Transit Commission. 原著喺2012-01-25歸檔. 喺2022-08-21搵到.
  6. (PDF). Access: Newsletter of the Wheel-Trans Community (Summer 2021): 3. 2021. 原著 (PDF)喺2023-01-29歸檔. 喺2022-08-25搵到.
  7. "Wheel-Trans". Toronto Transit Commission. 喺2022-08-21搵到.
  8. "TTC routes in numerical order: All time listing". Transit Toronto (加拿大英文). 喺2023年7月19號搵到.
  9. "13 Avenue Road". Transit Toronto (加拿大英文). 2021年6月20號. 喺2023年7月19號搵到.
  10. "Transfers" (加拿大英文). Toronto Transit Commission. 喺2022年8月21號搵到.