Talk:腸粉

豬腸粉同腸粉係兩樣唔同嘅食物，參見中文維基。 Redbomblhk 2008年1月27號 (日) 21:10 (UTC)Redbomblhk[回覆]

我懷疑係咪真確。HenryLi 2008年1月28號 (一) 00:53 (UTC)[回覆]

完全同意中維嘅講法。--William915（傾偈） 2014年1月15號 (三) 08:46 (UTC)[回覆]

食過都知係兩咪嘢啦，就我所接觸嘅語言習慣，腸粉=拉腸≠豬腸粉，豬腸粉又嗌珍珠腸。我都係睇粵維先知原來有人將豬腸粉嗌做腸粉，既然係噉，我建議「腸粉」做搞清楚，分開「豬腸粉」同「拉腸（粉）」，再喺豬腸粉度加箇「唔係拉腸」噉處理。S7w4j9 (傾偈) 2014年1月15號 (三) 10:21 (UTC)[回覆]

聽都未聽過「拉腸粉」，有餡一般會叫「腸粉」，有帶子叫「帶子腸」，豬腸粉又叫「齋腸粉」或「齋腸」，因為冇餡。如果間舖係食白粥油炸鬼嘅傳統鋪頭，腸粉 = 豬腸粉；如果間舖係酒樓／茶餐廳，齋腸粉 = 豬腸粉。兩個講法，英美加港澳都咁用嘅啦。--WikiCantona (傾偈) 2014年1月15號 (三) 17:23 (UTC)[回覆]

噉就塞滯喇，呢箇可能又係一處穗港之別喇。就廣州呢度嘅講法：

「腸粉」係有餡嘅，亦可以無餡，無餡嘅叫「齋腸」，「齋」意味住無肉（特別啲，羅漢齋腸，有餡，但食齋，無肉）。製法上將攪好嘅米漿鋪落鋼板（又有一種用布墊，叫布拉腸，正因如此又叫「拉腸」），蒸熟結凝之後，用鏟鏟成一嚿裝碟，落啲豉油食得，所謂「齋腸」就係得嚿米漿整出嘅腸。
「豬腸粉」永遠只會叫「豬腸粉」，最多有啲地方嗌「珍珠粉」，製法上將蒸熟嘅米漿捲成一碌，再斷開一截截。我未見過有粥粉舖現場整豬腸粉，豬腸粉都係買返來，人客點時落鑊熠。

所以各位諗住點樣定名？S7w4j9 (傾偈) 2014年1月16號 (四) 06:46 (UTC)[回覆]

唔係話，「豬腸粉」同「有餡腸粉」係一樣，用白布放米漿，「豬腸粉」只係冇落嘢，「有餡腸粉」就落嘢先捲。--WikiCantona (傾偈) 2014年1月16號 (四) 10:07 (UTC)[回覆]

就廣州用法來講，就算係乜嘢都唔加嘅真正（白）齋腸，都同豬腸粉唔係一回事。齋腸係扁平而闊嘅。豬腸粉係一碌碌噉嘅，橫截面可以睇到好似蝸牛壳噉嘅螺旋。--William915（傾偈） 2014年1月16號 (四) 07:47 (UTC)[回覆]

「齋」喺廣東話有「淨係」之意。「齋睇免費電事」，。--WikiCantona (傾偈) 2014年1月16號 (四) 10:07 (UTC)[回覆]

睇嚟又係地區差別，我諗叫「腸粉」都可以。豬腸粉係一種腸粉，有餡，廣州叫法「拉腸粉」，都係「腸粉」一種，文中講清楚佢。--WikiCantona (傾偈) 2014年1月16號 (四) 10:07 (UTC)[回覆]

有兩種做法，一係篇文搬去「腸粉」，然後分開兩個小節講兩樣嘢，並且喺第一段講明香港唔區分爾兩樣嘅嘅叫法；一係好似前面講噉，「腸粉」做搞清楚版，然後分別開拉腸同珍珠腸兩篇文，「豬腸粉」因為兩地含義唔同，亦用做搞清楚版。--William915（傾偈） 2014年1月16號 (四) 10:16 (UTC)[回覆]

第一種做法好啲。因為「拉腸」，「珍珠腸」都唔係講粵語道道都咁用，不過，只要夠內容拉腸同珍珠腸可以獨立成文。--WikiCantona (傾偈) 2014年1月16號 (四) 10:51 (UTC)[回覆]

對外連結有變 (2019年2月)[編輯]

各位編輯仝人：

我啱啱救返腸粉上面嘅 2 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年2月20號 (三) 18:40 (UTC)[回覆]

對外連結有變 (2020年3月)[編輯]

各位編輯仝人：

我啱啱救返腸粉上面嘅 2 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2020年3月28號 (六) 05:30 (UTC)[回覆]