Talk:逆反票

點解會叫逆反？邊個提出嘅？如果有個人鍾意綠黨嘅理念，但平時多數投畀工黨；有一日佢兩大黨都唔鍾意，投返畀綠黨，咁都算「逆反」？思路打曬結。！* -- :-) Hillgentleman | 書 | 二零零七年十二月五號（星期三）格林尼治 17點59分55秒。

其實有種選舉策略，專登唔投自己來達到目的；呢度有半個例：前年選奧運城，最後剩低巴黎、馬德里同倫敦；馬德里首先出局，啲票多數轉咗去倫敦（大家預咗）；[1]如果有一兩票投巴黎嘅轉去畀馬德里，咁最後一輪巴黎嘅票會去曬嗰度，咁巴黎嘅傳統對頭就倫敦唔會出線。* -- :-) Hillgentleman | 書 | 二零零七年十二月五號（星期三）格林尼治 18點12分17秒。

逆反票翻譯係參考呢度：http://usinfo.org/PUBS/USElection2004/glossary.htm -Hardys

逆反票重點係我投一個人一票，唔係因為我支持呢個人，而係反對另一個候選人，例如今次港島區補選，好多人投陳太，如果佢原因唔係因為支持陳太，只係反對葉太，唔想葉太當選，於是投陳太，假設有咁嘅情況，就算係逆反票。 -Hardys 2007年12月6號 (四) 02:46 (UTC)

如果一個人鍾意綠黨嘅理念，咁點解佢又會投畀工黨咁奇怪？如果一個人佢唔鍾意綠黨又同時唔鍾意工黨，咁佢將一票投畀一個無乜人支持超冷門嘅第三黨，咁嘅情況就算逆反票 - Hardys

• 唔該。但睇佢啲參攷都係英文；譯文係唔係佢自己來嘅？「特登投畀個明知無得贏嗰個」包括埋我上面講嘅情況（投畀大冷門但有獨特意思嘅候選人），唔止為反對而投一種。

咁呢啲選舉理論都係鬼佬傳入，參考英文有乜奇？你講個情況係明明支持都唔投畀人，而且無抗議成份，呢種邊算逆反？至於明明支持都唔投畀人，呢種我唔知叫乜，就咁睇我只可以話係叫 "唔識投" 或者 "亂咁投" - Hardys 2007年12月7號 (五) 11:07 (UTC)

"咁呢啲選舉理論都係鬼佬傳入，參考英文有乜奇？"<--- 我講嘅係：佢嘅中譯唔作得準，因為無公信嘅根據。* -- :-) Hillgentleman | 書 | 二零零七年十二月七號（星期五）格林尼治 17點05分04秒。

"明明支持都唔投畀人，而且無抗議成份，呢種邊算逆反？" <--- 我唔知中文啲術語。唔識答你。* -- :-) Hillgentleman | 書 | 二零零七年十二月七號（星期五）格林尼治 17點22分45秒。

'就咁睇我只可以話係叫 "唔識投" 或者 "亂咁投" '<--投票畀唔係自己最支持但有希望贏嘅人來打低對手，係種普通嘅選舉策略。* -- :-) Hillgentleman | 書 | 二零零七年十二月七號（星期五）格林尼治 17點05分04秒。

• 答問：1. 綠黨係超級大冷門，幾乎最無可能當選；但佢有獨特嘅主見，有啲人會支持；但選情緊時好多人會投畀個佢受得落而有機會當選嘅。2. 你記唔記得當年 W 布殊影相「贏」Al Gore，就要多謝 Nader。當時甚至有人話「a vote for Nader is a vote for Bush」。* -- :-) Hillgentleman | 書 | 二零零七年十二月六號（星期四）格林尼治 03點57分03秒。

投畀大冷門但有獨特意思嘅候選人，我直接理解因為支持一個人而投票畀佢，只係一種好正常嘅投票意向，唔關逆反票事喎 - Hardys 2007年12月7號 (五) 11:07 (UTC)

我講清楚我嘅問題：係唔係呢種做法「明明支持甲都唔投，投畀乙，來打低丙。」先至係逆反票？* -- :-) Hillgentleman | 書 | 二零零七年十二月七號（星期五）格林尼治 17點08分54秒。

另外再修正返，I.P.維基友提點，原來仲有種叫抗議票，我都無諗過原來分得咁仔細，上面陳太同葉太個例子應該係抗議票而唔係逆反票，不過用返陳太同葉太個例子，假設有人同時不滿陳太同葉太呢兩個大熱門，於是佢將一票投畀個超冷門嘅第三候選人，即係其他幾個唔出名，咁可以算逆反票。- Hardys 2007年12月7號 (五) 11:07 (UTC)

想問，類似上面講過嘅：喺多輪投票，可以喺開頭時專登投畀弱啲嘅對手來淘汰勁敵，呢樣又叫乜？* -- :-) Hillgentleman | 書 | 二零零七年十二月七號（星期五）格林尼治 23點27分45秒。

關於protest vote翻譯

• 呢度譯逆反票( 呢篇文畀人原文轉載過去好多地方, 邊個 site 先係原文唔知 lu )

http://usinfo.org/PUBS/USElection2004/glossary.htm

• 呢度譯抗議票

http://big5.southcn.com/gate/big5/edu.southcn.com/english/200604200641.htm

• 區議員陶君行亦譯做抗議票

http://www.dphk.org/database/outspoken/42-p09-11.htm

• 呢度譯賭爛票

http://www.cybertranslator.idv.tw/politic.htm

• 用中文 search 抗議票同賭爛票搵到比較多，賭爛票最多喺台灣網頁，可能帶有地方色彩，逆反票來來去去都係同一篇文，可能要改抗議票做主標題，逆反票應該一樣係 protest vote ，不過可能唔係咁常用- Hardys 2007年12月7號 (五) 11:30 (UTC)

搞清楚先

一種票係抗議所有熱門候選人，特登投畀個明知無得贏嗰個（例如港島補選中投俾李永健），即係逆反票篇文講嘅嘢；一種票係抗議一位熱門候選人，特登投畀另一位熱門候選人（例如港島補選中為唔俾葉太當選投俾陳太），即係抗議票篇文講嘅嘢。兩個好明顯係唔同概念，所以而家最大問題係搞清楚佢哋個正確名稱。 -- 路人甲 2007年12月7號 (五) 12:21 (UTC)

所以而家我搞到頭都大晒- Hardys 2007年12月7號 (五) 16:21 (UTC)

「兩個好明顯係唔同概念」<-- 我睇唔出點樣好明顯唔同。兩樣都係為咗反對 一種候選人 A 而投畀 B；兩樣嘢差個形容詞「全部熱門」；而點算熱門，就無一定嘅標準。而兩種做法只差熱門同人數兩個「量」，點算明顯唔同嘅概念？呢啲術語我唔熟。請指教。* -- :-) Hillgentleman | 書 | 二零零七年十二月七號（星期五）格林尼治 17點42分20秒。

有分別，用返陳太葉太個例，一個係為咗唔令葉太當選，而谷晒啲票去陳太度，另一個係因為同時不滿陳太葉太兩個人，於是投票畀一個無可能選到嘅大冷門李永健，熱門冷門係有標準，例如背後支持政黨有幾大勢力，可以動員嘅鐵票數目，而一個毫無知名度，又完全無政績嘅候選人，係好難吸到票，熱門冷門係可以分析到出嚟- Hardys 2007年12月7號 (五) 17:50 (UTC)

至於邊種係逆反邊種係抗議，一樣定唔一樣，我而家仲大頭緊，呢啲係術語，有時唔可以跟字面解，真係要慢慢再查吓 - Hardys 2007年12月7號 (五) 17:57 (UTC)

一齊留意下啦。* -- :-) Hillgentleman | 書 | 二零零七年十二月七號（星期五）格林尼治 23點28分59秒。