The Amazing Race深圳衛視版 (第4季)

出自維基百科,自由嘅百科全書

The Amazing Race深圳衛視版
幾時影2017年8月4號—10月6號
幾時拍2017年5月31號—8月21號
集數10
去過邊啲大洲2
去咗幾多個國家9
去過邊啲城市12
站數10
贏咗嘅隊伍賈靜雯 & 修杰楷
季度年表
← 
第3季

The Amazing Race深圳衛視版(第4季)係深圳衛視喺佢當地嘅The Amazing Race版節目嘅第四季比賽,有8個唔同關係嘅雙人隊比賽。2017年5月31號到2017年8月21號拍,真正播出時間係2017年8月4號到2017年10月6號。呢季由賈靜雯同修杰楷隊攞咗最後嘅總冠軍。

最後參賽成績[編輯]

下面嘅表係寫冚唪唥參賽隊嘅比賽結果(按先後嚟排)。其中每隊之間係按影緊節目嗰時嚟寫,兩隊之間關係按官方嚟寫。

隊伍 關係 分段比賽戰績 路障完成情況
1 2 3+ 4+ 5+ 6 7+ 8+ 9 10
賈靜雯 & 修杰楷 兩公婆 6th 6th 1st 1st 1st 3rd« 1st 3rd 1st 1 賈靜雯 5,修杰楷 6
鄭元暢 & 王麗坤 搭擋 3rd 1st 2nd 5thə9 5th12 1st» 2nd 4th~ 2nd 2nd 鄭元暢 6,王麗坤 5
吳敏霞 & 張效誠 兩公婆 2nd 5th56 4th 2nd 3rd 2nd» 3rd 2nd 3rd 3rd 吳敏霞 66,張效誠 5
史強 & 張星月 同事 4th4 2nd 7th 4th> 2nd 4th« 4th 1st 4th 史強 5,張星月 4
張繼科1 & 張傳銘1 父子 DNS1 8th8 6th~ 6th 4th 5th DSQ~13 張繼科 310,張傳銘 4
黃婷婷2 & 許楊玉琢
陸婷 & 許楊玉琢
撘擋 5th 4th 5th 3rd 6th~ 陸婷 3,許楊玉琢 2
范冰冰 & 謝依霖 老友 1st3 3rdε7 3rd 7th<911 范冰冰 2,謝依霖 2
鄧濱 & 王新宇 兩老表 7th 7th 8th 鄧濱 1,王新宇 2

註:

  • DNS:呢個賽段冇嚟參賽。
  • DSQ:呢個賽段直接放棄冚唪唥嘅比賽或半佬提出放棄比賽
  • DSQ :呢個賽段半佬因為嚴重違紀而俾賽會取消比賽資格
  • 紅字 : 玩完嗰個賽段就GAME OVER
  • 藍下劃線:玩完嗰個賽段之後,雖然話最後到終點,但下個賽段要玩多個緩衝脊。
  • 黑下劃線:玩完嗰個賽段之後冇做任何懲罰。
  • 綠ƒ:呢個隊攞咗快進方式。有綠ƒ嘅標記係嗰站有快進方式,但冇參賽隊用過。
  • 紫ε:呢個隊用咗直通車。桃紅ə:喺賽段入面攞咗直通車嘅隊用咗直通車。
  • 橙>:呢個隊用咗凍結權;而<係俾人搞咗凍結權嘅隊;而有<>係嗰站有凍結權但冇參賽隊用過。
  • 啡⊃青⋑呢個隊係兩隊入面其一俾人用「雙重U吞」嘅隊;係俾人U吞咗嘅隊,係嗰站有U吞,但冇參賽隊用過。
  • 靛»係投票話一定要U吞嘅隊;«係俾人投咗必須要U吞嘅隊。
  • 橙+:有對抗任務;~:對抗任務入面最後都衰嗮,任務結束後喺當地罰咗15分鐘。
  • 紫羅蘭γ:呢個賽段有隊俾人用咗免死金牌出返嚟而繼續比賽
  • 藍綠^橄欖綠θ:呢個賽段嘅一齊做任務入面,各個隊嘅分組情況。
  • 12nd3rd:呢季最後一站,參賽隊到嗮終點先至有。講嘅係最後嘅排名。
  • 註 1: 雖然張繼科喺2017年3月24號喺成都香格里拉大酒店舉辦嘅發佈會邀請咗張繼科參加比賽[1],但張繼科喺節目開拍期間打緊世界乒乓波錦標賽而申請延期到第二賽段參加[註 1]。所以喺呢站唔考慮佢嘅賽事結果係點。
  • 註 2: 本嚟第一賽段係由陸婷參加,但由於陸婷喺2017年6月3號喺北京要參加娛樂新聞發佈會嘅關係而嗌咗黃婷婷嚟參加第一站賽事[2]。從第二站開始,由於陸婷正式復出,加上第一站冇路障任務,所以唔考慮黃婷婷參加過幾多隻路障任務。
  • 註 3: 范冰冰 & 謝依霖隊喺玩完第二個路線任務時,唔見咗隻天星小輪模型,雖然唔見咗嗰隻俾史強 & 張星月隊執咗,但冇影響到呢站比賽嘅最後成績。
  • 註 4: 史強 & 張星月隊雖然係賽段第三隊到終點,但喺玩緊第二個路線任務時,試過違反規則(手掂到鋼線)而俾節目組同裁判發現,去到終點時罰咗30分鐘。期間俾鄭元暢 & 王麗坤隊反超而跌落到第四位。
  • 註 5: 本嚟第二賽段按照規矩,張效誠係有份參賽,但張效誠因為喺第二站比賽開始嗰日(2017年6月7號)先至攞到去丹麥嘅簽證,重要喺北京首都國際機場專程搭飛機到哥本哈根,但出發嗰日咁啱撞正航班延誤而冇嚟參加比賽[註 2]。所以呢站全程得吳敏霞一人參賽。
  • 註 6: 吳敏霞 & 張效誠嗰隊喺第二站任務受到張效誠因丹麥簽證及航班延誤影響(睇「註 5」)而俾賽會另外特批,嗰站兩個路障任務可以唔按線索提示,用返同一個人完成任務。同時吳敏霞亦成為The Amazing Race深圳衛視版開播有史以嚟,凈得一人完成同一賽段冚唪唥嘅任務。
  • 註 7: 范冰冰 & 謝依霖隊喺玩緊第二個路障任務時,本嚟唔想繼續參賽嘅,但揀咗范冰冰嚟堅持挑戰呢個任務(因為上一個路障任務俾謝依霖參加咗)。玩咗兩下就因為心理反應(有畏高癥)而唔玩,最後幾經考慮先至決定用直通車跳過呢個任務,但係搵裁判又用咗好長時間先至搵到。
  • 註 8: 張繼科 & 張傳銘隊因為放棄第二個路障任務,雖然去到終點時按道理要罰時兩個鐘,但由於第二站賽事佢去到終點時,其他隊都已經到嗮終點,所以冇罰到時。
  • 註 9: 鄭元暢 & 王麗坤隊雖然喺對抗任務輸咗畀張繼科 & 張傳銘隊,按遊戲規則係要等埋范冰冰 & 謝依霖隊到咗先至有得對抗,而且咁啱係最後一組對抗(邊組最後輸咗要喺原地罰15分鐘)。但鄭元暢 & 王麗坤隊直接用直通車而解除咗等下一隊過嚟嘅垃圾時間,所以賽會臨時改咗遊戲規則,留返范冰冰 & 謝依霖隊一個挑戰,而原先有嗰15分鐘罰時環節取消咗。
  • 註 10: 喺第四站正式嘅節目部分,開始路障揀人地方,電視節目冇播到呢個鏡頭。
  • 註 11: 雖然范冰冰 & 謝依霖隊喺第二個路線任務捐得最多錢(13瑞典克朗),按道理嚟講下站(合肥)會有神秘大獎,但由於呢站賽事咁啱係淘汰賽段,所以佢被直接淘汰出局而冇份攞呢份大獎。而份大獎直接轉到賈靜雯 & 修傑楷隊同吳敏霞 & 張效誠隊呢兩隊[註 3]
  • 註 12: 鄭元暢 & 王麗坤隊雖然係賽段第三隊到終點,但喺對抗任務入面因為違反遊戲規則[註 4]而俾主持罰咗15分鐘。期間先後俾吳敏霞 & 張效誠隊同埋張繼科 & 張傳銘隊反超而跌落到第五。
  • 註 13: 張繼科 & 張傳銘隊喺玩近分岔路任務時,佢最先揀咗「喜氣洋洋」路線嚟完成比賽,但做完一輪之後畀裁判話半隻都唔掂之後,佢考慮到「含情脈脈」路線凈啱一男一女嘅配偶任務,加上第六站玩完之後,其一成員出現受傷,另一隊員舊傷復發,令佢哋決定放棄成個分岔路任務。按照深圳衛視版THE AMAZING RACE遊戲規則,放棄分岔路任務要罰時2個鐘。若果再繼續第三個路線任務再放棄,將會喺任務所在地或終點繼續追加一個鐘罰時。張繼科 & 張傳銘隊因為考慮到呢站最後一個出發兼做多個緩衝脊任務,加上對抗任務亦係最後輸嗮,而且放棄埋分岔路任務。受到咁多不利因素嘅影響而揀咗退賽。

站位獎[編輯]

呢季入面有10個站位獎,每站終點凈得第一嗰位到咗先至有獎。以下寫嘅係第四季有乜獎:

站數 乜獎
1 一年嘅免費飲用果汁、豪華套房一晚
2 一年嘅免費飲用果汁、兩部單車紀念品
3 一隻木馬紀念品、 一年嘅免費飲用果汁
4 一年嘅免費飲用果汁
5 一年嘅免費飲用果汁
6 一年嘅免費飲用果汁
7 一年嘅免費飲用果汁
8 一年嘅免費飲用果汁
9 一年嘅免費飲用果汁
10 一年嘅免費飲用果汁

去過邊度[編輯]

指定交通 空路   軌道   水路   巴士   馬車   單車
線索標記 路障   分岔路   快進方式   凍結權   U吞   緩衝脊   一齊做   崖广障礙  賽段終點
能量供應 食品供應站   飲品供應站

第1站:香港[編輯]

金紫荊廣場,第四季賽程起點。
蓮花宮,第三個線索任務所在地。
第一站冚唪唥任務做嗮得出最後嘅線索,話要串埋模型上面寫啲字,得出嘅終點線索係尖沙嘴鐘樓呢個地方。

---( ↑ 起點 )---

  • 香港(中環十號碼頭飲品供應站
  • 香港(迪士尼樂園迪士尼探索家度假酒店)[部分直通車,限一隊攞兩隻[註 5]
    任務:喺酒店大堂入面嗰四位探索家嘅大箱入面,搵同以前《The Amazing Race》有關啲元素再將答案話畀迪士尼老友知。
    答啱:有下個線索。
    答錯:返去重新揀過。
    直通車有部分直通車收埋咗喺線索入面,關鍵睇選手好唔好彩。不過要答啱咗個答案先至有得揀。
  • 香港(迪士尼樂園迪欣湖活動中心
    任務:搞場力量同平衡嘅較量。每組參賽隊必須要喺水上嗰50m長嘅繩索上邊推木板,重要保持平衡將嚿木板向前推,喺10分鐘之內推到湖對面嚿撈稿旗為止就有下個線索同天星小輪模型。若果出現以下情況屬挑戰失敗:
    1. 兩隊從起點出發之後未到終點之前,是旦一隻手捉到鋼綫。
    2. 兩隊喺10分鐘內未將木板推到繩索嘅紅線位(中間CHECK POINT路段)
    3. 參賽隊有選手跌咗落水嘅
  • 香港(蓮花宮飲品供應站
    任務:兩隊夾手一齊,喺15分鐘內用300支香整出火龍珠,等大頭話掂,重要繼續搞掂場醒火龍表演先至有得打開互動箱攞下個線索同天星小輪模型。
  • 分岔路 香港(何蘭正酒吧 ←→ 摩羅上街)
    飲品供應站「本草綱目」任務:嚟呢度玩嘅參賽隊要喺中環嘅何蘭正酒吧入面,試下六種中藥手工啤酒係咩味同時,重要搵返每款對應嘅藥材組合。若果:
    搵啱藥材:有下個線索同天星小輪模型。
    搵錯藥材:重新揀過兩杯飲過,再喺藥房重新搵返對應嘅藥材。
    飲品供應站「九章算術」任務:嚟呢度玩嘅參賽隊要喺上環摩羅上街入面,搵賣紅膠豬仔嘅錢甇個地攤清點有幾多隻銀重要換算成港紙。若果:
    數字啱咗:有下個線索同天星小輪模型。
    數字錯咗:重新數過再換算,直到啱為止。
  • 香港(尖沙嘴鐘樓

第2站:香港→哥本哈根[編輯]

哥本哈根市政廳,第二站攞第一任務嘅所在地。
冰鼻祖蛋糕鋪。第二站嘅分岔路任務入面,「急轉彎」支線嘅所在地。
第二站最後一個任務得出最後嘅終點線索位,話要串埋喺橋樑位見到啲英文字,得出嘅終點線索係新港呢個地方。
  • 航班: 香港(赤鱲角機場)→ 丹麥哥本哈根哥本哈根機場
  • 哥本哈根(哥本哈根市政廳[丹麥文Københavns Rådhus
    任務:要用當地嘅家庭單車(christiania bikes)再按車入面嘅地圖標記,去到人民劇院(標記A)搵下個線索。
  • 單車:哥本哈根(哥本哈根人民劇院)路障飲品供應站
    任務:隊伍要揀位成員,按安徒生寫過嘅《醜小鴨》童話,同哥本哈根當地啲芭蕾舞蹈家,一齊表演場芭蕾舞劇——《天鵝湖》。若果參賽隊喺音樂間奏入面,成功換嗮身上啲衫褲,從原先鴨仔嘅角色轉成白天鵝而且表演俾舞蹈老師話OK,先至有下個線索。但半佬出現換裝肥佬或舞蹈出錯、表演唔到位(包括選手發聲同衝出舞臺範圍、道具跌咗落地呢啲論盡行為)情況必須要重新嚟過。
  • 分岔路 哥本哈根(國王花園丹麥文Kongens Have ←→ 冰鼻祖蛋糕鋪丹麥文La Glace
    「直線衝」任務:參賽隊繼續按車入面嘅地圖標記,去國王花園(標記B1)入面揀兩隻兔仔參加障礙賽跑比賽,重要兔仔喺1分鐘內從起點到終點嘅全程比賽入面,唔畀掂到任何障礙或出現傷害兔仔行為就有下個線索。
    因為每隻兔仔喺強制跑完有5分鐘間歇期,所以要必須謹慎,若果出現以下行為是旦一個都算比賽失敗:
    1. 兔仔出現受傷
    2. 兔仔掂到或踢冧障礙物
    3. 未能夠喺1分鐘內完成比賽任務
    若果冇嗮兔仔揀嘅話,必須要罰1個鐘頭先至有得繼續比賽。
    「急轉彎」任務:參賽隊繼續按車入面嘅地圖標記,去冰鼻祖蛋糕鋪(標記B2),整隻喺丹麥獨有嘅花輪蛋糕丹麥文Kransekake裝飾,等老細話掂之後重要將蛋糕按金字塔形式搭埋同插丹麥旗,搞掂嗮先至有下個線索。
  • 哥本哈根(城市遊俠探險基地[英文URBAN RANGER CAMP])路障飲品供應站
    任務:隊伍要揀上一個路障任務冇參賽嘅成員去參加呢場行距離地面50m高嘅獨木橋。必須要從起點開始,成功行到對面敲唥鐘再行返轉頭到起點為止先至叫完成任務。若果出現以下行為嘅必須要喺起點重新嚟過:
    1. 用手掂或揸住安全繩索(包括掹到安全繩)
    2. 踹空跌出獨木橋範圍外(唔理係唔小心定專登跌落)
  • 哥本哈根(GoBoat碼頭英文GoBoat飲品供應站
    任務:坐太陽能船穿過哥本哈根運河,喺路程半佬發現經過嘅英文字線索,最後破譯出嚟就係搵呢站嘅終點線索,之後直接揸船去到終點。
  • 輪渡:哥本哈根(新港丹麥文Nyhavn

第3站:哥本哈根→斯德哥爾摩[編輯]

第三站第二個路線任務要整嘅仲夏夜樹塔個樣係噉
糧倉田園,第三站嘅分岔路、緩衝脊任務嘅拍攝所在地。
北歐博物館,第三站嘅地圖提示終點位。
  • 航班: 哥本哈根(哥本哈根機場)→ 瑞典斯德哥爾摩(牛棚膜斯德哥爾摩-阿蘭達機場
  • 斯德哥爾摩(冰吧酒店[英文ICE BAR STOCKHOLM HOTEL])
    任務:喺冰室入面嗰啲杯嚿冰入面搵線索同嚿爛咗忽嘅寶藏地圖。
    地圖入面有寫邊度係呢站終點。每次搞掂個任務就有個路線提示,一搞掂嗮冚唪唥嘅任務重收齊路線提示之後,要整出個啱條路線先至去到終點。
    1. 參賽隊唔可以將地圖整唔見或洗爛,唔係嘅話會永遠搞掂唔到個賽事。
    2. 亂咁撞啱地圖路線而去到終點嘅,主持人會直接嗌佢哋返轉頭做任務或直接等其他隊到嗮終點之後馬上宣佈淘汰出局。
  • 斯德哥爾摩(第六之雷餐廳[瑞典文Sjätte Tunnan])【對抗】
    任務:各位參賽隊要派一人挑戰維京人嘅傳統食品。開始嗰時先喺啲碟度限1分鐘內揀食品同飲品,揀定之後到天平稱,邊隊最重嘅,必須要揀另一隊員喺5分鐘內食嗮啱求先稱啲食品,最輕嗰隊麻煩坐喺場邊,睇挑戰隊嘅戰果。
條件 挑戰隊 睇戰隊 判決
喺限時內食嗮 勝利 失敗 挑戰隊有下個線索同賽段第一嚿爛咗忽嘅寶藏地圖
睇戰隊同下組對手繼續對抗挑戰
戰鬥超時 失敗 勝利 睇戰隊有下個線索同賽段第一嚿爛咗忽嘅寶藏地圖
挑戰隊同下組對手繼續對抗挑戰
最後輸嗮 唔適用 唔適用 原地罰15分鐘
罰時用嗮之後先至有下個線索同賽段第一嚿爛咗忽嘅寶藏地圖
  • 斯德哥爾摩(糧倉田園瑞典文Gärdet飲品供應站
    任務:各位參賽隊必須要按照瑞典當地傳統習俗,再按樣品裝扮返樖有節日氣氛嘅仲夏樹塔。等班狂歡隊話掂就有下個線索同賽段第二嚿爛咗忽嘅寶藏地圖。
  • 緩衝脊 斯德哥爾摩(糧倉田園瑞典文Gärdet
    任務:整卅粒瑞典肉丸,等裁判話掂先至有得繼續任務。
  • 分岔路 斯德哥爾摩(糧倉田園瑞典文Gärdet
    「維京戰士」任務:參賽隊必須要搞鋸木同掟戰斧嘅挑戰。去入面先將粗幼唔同嘅原木鋸斷整成,再將戰斧掟到個靶度。若果:
    每個隊員手頭上嚿戰斧都成功掟到入靶——有下個線索同賽段第三嚿爛咗忽嘅寶藏地圖。
    戰斧掟唔中個靶——再掟過,直到掟入個靶為止。
    戰斧雖然掟中個靶但跌返出嚟——再掟過,直到掟入個靶為止。
    「維京學士」任務:參賽隊必須要先睇住重用腦記低啲盧恩字母,再喺限定挑戰嗰4畝地範圍內收集帶盧恩字母啲石頭,最後串出條出名嘅瑞典古老諺語,等教官話掂就有下個線索同賽段第三嚿爛咗忽嘅寶藏地圖。
    注意:每人最多凈可以攞2嚿石。
  • 斯德哥爾摩(厄架園普通U吞飲品供應站
    提醒:凡係俾人U吞咗嗰隊雖然係必須要參加另一分岔路任務,但第三嚿爛咗忽嘅寶藏地圖係唔使重複再攞多次。
  • 斯德哥爾摩(厄架園附近條河邊)路障飲品供應站
    任務:隊伍要揀位成員喺河邊搵位維京人戰士做對手,跟住坐戰船喺河面鬥打。若果:
    成功將維京人戰士推咗落水——完成任務,有下個線索同嚿爛咗忽嘅寶藏地圖(已經係最後一嚿)。
    參賽隊員跌咗落水——任務失敗,返去重新挑戰。
  • 斯德哥爾摩[附加任務]
    任務:必須要破譯寶藏入邊嘅地圖,再按圖入面嘅線索提示去到終點。
  • 步行:斯德哥爾摩(北歐博物館瑞典文Nordiska museet

第4站:斯德哥爾摩[編輯]

諾貝爾博物館,分岔路任務(「多人揀」支線)嘅所在地。
國王花園,呢季THE AMAZING RACE第一次出現凍結權嘅所在地。
路障任務必須要整嘅水晶球品種
  • 斯德哥爾摩(喜來登酒店)
  • 分岔路 斯德哥爾摩(波卡糖果舖[瑞典文POLKAGRIS KOKERI] ←→ 諾貝爾博物館)
    「單人揀」任務:參賽隊必須要喺波卡糖果舖入面,喺指定嘅紅黃相間旗條紋個貨架位耖帶有「THE AMAZING RACE」貼紙標記嘅糖果。若果糖果包裝紙入面耖到:
    有「THE AMAZING RACE」貼紙標記:交畀老細睇,一陣就有下一線索同袋水晶原石。
    冇「THE AMAZING RACE」貼紙標記:必須要將自己啱啱揀嘅糖果食嗮先至有得繼續挑戰,直到耖到有「THE AMAZING RACE」貼紙標記為止。
    糖果既可以自己親自食咗佢,又可以畀路人食都得。但唔畀做違反THE AMAZING RACE遊戲規則嘅行為。
    「多人揀」任務:參賽隊必須要喺諾貝爾博物館入面,先抽張答題卡,再按卡入面寫嗰四位諾貝爾獎得主個名去搵諾貝爾獎得主親筆簽名嘅櫈,搵到之後喺答題卡入面寫低個座冧,等裁判話掂就有下一線索同袋水晶原石。
    注意:每條分岔路任務最多限4組同時挑戰,遲到嘅隊必須要排隊。
  • 鐵路:斯德哥爾摩(國王花園站瑞典文T-Centralen
  • 斯德哥爾摩(國王花園瑞典文Kungsträdgården凍結權飲品供應站
  • 鐵路:斯德哥爾摩(斯德哥爾摩人民廣場
    任務:各位參賽隊必須要喺路途收集帶有「PANT 1KR」字樣嘅廢舊膠樽,再坐地鐵去到Björns花園嘅COOP超市入面,丼入回收桶就有下一線索同袋水晶原石。
    提醒:捐贈得最多錢嗰組喺下一賽段就有神秘大獎。
  • 斯德哥爾摩(瑞典電影學院飲品供應站 【對抗】
    任務:各位參賽隊要派一人挑戰智力推箱。要先喺觀眾臺睇下個箱擺法,再指揮場上隊友推箱。若果對陣兩隊當中,其中一隊最先推出條可以通去中間嘅圓形凹位道路出嚟就算贏。贏咗嗰隊就有部手機(有寫下一線索)同袋水晶原石;輸咗嗰隊要等下一隊嚟繼續挑戰。若果邊隊最後輸嗮嘅,要喺原地罰15分鐘,罰時用嗮之後先至有部手機(有寫下一線索)同袋水晶原石[註 6]。注意:
    1. 唔畀將個箱攞去自己左手或右手邊。
    2. 若果有隊伍出現咗疑似NO MORE MOVES嘅局面,可以要求重設關卡。
  • 斯德哥爾摩(思間慎公園,羅斯達拉水晶屋[瑞典文Rosdala GLASBRUK])路障飲品供應站
    任務:隊伍要揀位成員去學整水晶工藝。必須要喺之前嗰三個任務收集返嚟嗰啲水晶原石原料,跟住再整出同樣品差唔多樣嘅水晶球。若果波士話掂就有下個線索兼要帶走個水晶球。
    注意:任務最多限2組同時挑戰,遲到嘅隊必須要排隊。
  • 斯德哥爾摩(白則里公園瑞典文Berzelii park

第5站:斯德哥爾摩→合肥[編輯]

巢湖,對抗任務嘅拍攝所在地。
合肥天鵝湖,包公寫出第五站嘅終點線索就係呢個地方。
  • 航班: 斯德哥爾摩(斯德哥爾摩-阿蘭達機場)→ 中華人民共和國合肥合肥國際機場
  • 合肥(江淮汽車總部大樓)
    任務:各位參賽隊必須要攞車架冧同收集寶物嘅錦盒,必須要集齊四樣寶物先至畀去賽段終點。
  • 合肥(江淮汽車總部大樓出面嘅停車場)路障飲品供應站
    任務:隊伍要揀位成員搭車或自己揸車到江淮汽車技術中心(地址:安徽合肥蜀山區紫雲路99號),重要用車入面嘅360°全景錄像功能,喺5分鐘之內通過特別設定嘅「S7」字樣賽道。注意:
    1. 到任務點之後雖然有得自由揀車,但任何車嘅三個反射鏡都俾紙遮住嗮。
    2. 路途半佬有障礙物出嚟搞搞震,要部車全程唔畀掂到障礙物。
    3. 路線順序:單邊橋→S字形倒車→雙邊橋→7字形賽道
    4. 任務最多限兩組參賽隊同時挑戰,遲到嘅隊要排隊等。
    參賽隊出現以下情況:
參賽隊情況 判決
唔按指定路線倒車 重新嚟過
倒車時超出路線範圍
掂到或撞跌障礙物
車呔喺單邊橋或雙邊橋障礙半佬出軌
偷工減料過單邊橋或雙邊橋障礙[註 7]
任務超時
參賽員將頭或手伸出車外
全程路線行嗮且未掂到任何障礙 有下個線索同第一寶物——筆
半佬放棄任務 雖然有下個線索同第一寶物——筆
但係要原地罰時一個鐘先至有
  • 合肥(巢湖)【對抗】飲品供應站
    任務:各位參賽隊必須要揀兩位合肥當地啲後生仔女(要整成兩男兩女組合),之後喺水上擂臺搞場水上拔河對抗賽,邊個隊成功將對方四位成員扯嗮落水先至有下個線索同第二寶物——墨。衰咗嗰隊必須要喺原地留低繼續等下隊嚟繼續對抗,直到贏咗為止。若果邊隊最後輸嗮,必須喺原地罰時15分鐘先至有下個線索同第二寶物——墨。
    若果對抗雙方其中一隊出現犯規,都會按輸咗處理。
  • 分岔路 合肥(濱湖國家森林公園宣紙工坊 ←→ 濱湖國家森林公園釣龍蝦仔區)
    飲品供應站「一紙千金」任務:參賽隊必須要去濱湖國家森林公園嘅宜紙工坊,整3張宣紙,等裁判話掂先至有下個線索同第三寶物——紙。
    「願者上鉤」任務:參賽隊必須要去濱湖國家森林公園嘅釣龍蝦仔區,要成功釣到卅隻龍蝦仔先至有下個線索同第三寶物——紙。
  • 合肥(黃梅戲傳承教學基地)路障飲品供應站
    任務:隊伍要揀位成員學唱首黃梅戲曲,跟住同埋班拍檔一齊做場騷,等表演藝術家話掂先至有下個線索同第四寶物——硯(最後一個寶物)。
    注意:參加過上一路障任務嘅選手,呢場唔畀參賽。
  • 合肥(徽園黃山園)
    任務:要將之前嗰4個任務收集返嚟嗰啲寶物(筆墨紙硯)畀嗮包公,就有呢站嘅終點線索。
  • 合肥(天鵝湖

第6站:合肥→星加坡[編輯]

裕華園,第一個路線任務嘅所在地。
老巴刹,分岔路任務——「紅噹噹」支綫嘅任務所在地。
iFLY Singapore,路障任務嘅拍攝所在地。
  • 航班: 合肥合肥國際機場) → 星加坡星加坡樟宜機場
  • 星加坡(麗嘉登美年大酒店飲品供應站
  • 星加坡(裕華園飲品供應站
    任務:喺儒家書生啲口頭聽到孔子語錄之後再用毛筆寫佢出嚟,若果:
    隻隻字都啱嗮兼冇多冇漏:喺教書先生手頭攞下個線索同嚿積木。
    寫漏或寫多或寫錯半隻字(包括調轉咗幾隻啱嘅字):重新返去聽清楚再寫過。
    寫嗰條語錄咁啱係之前搞掂咗任務嘅其一參賽隊寫過嘅:任務唔算數,重新返去寫過或聽過第條。
  • 分岔路 星加坡(實龍崗路中文实龙岗路 ←→ 老巴刹淡米爾文லா பா சாட்
    「金光閃閃」任務:參賽隊必須要去實龍崗路中文实龙岗路印度仔金飾舖搞場戴黃金飾品任務,要兩人先着印度嘅傳統服裝再稱體重,跟住去金飾舖揀兼戴上黃金首飾,戴好之後返去再稱體重。若果:
    金飾夾埋總重(m1)[5≤m1≤5.1]:有下個線索同嚿積木。
    金飾夾埋總重(m1)[(m1<5)∪(m1>5.1)]:返去繼續揀兼戴上黃金首飾,直到總重=5kg為止。
    「紅噹噹」任務:參賽隊必須要去老巴刹淡米爾文லா பா சாட்嘅節日商場搞場剝蟹肉任務,要兩人敲爛蟹殼拎蟹肉出嚟。若果:
    純蟹肉夾埋總重(m2)[m2≥500g]:有下個線索同嚿積木。
    純蟹肉夾埋總重(m2)[m2<500g]:返去繼續拎純蟹肉,直到總重≥500g為止。
  • 星加坡(牛車水投票U吞 飲品供應站
  • 星加坡(康樂會館)飲品供應站
    任務:各參賽隊必須要學成套醒獅動作,跟住喺鼓樂隊演奏情況下做騷,要搞掂嗮五個動作之後先至有下個線索同嚿積木。
    注意:半佬是旦一個動作出錯嘅,要全程重新做過。
  • 星加坡(金珠文物館
    任務:按手機畀嗰三張相,跟住搵出三張同手機入面畀嗰三張相一樣花紋嘅衫褲重要戴喺其一選手嘅身,等裁判話掂先至有下個線索同嚿積木。
  • 星加坡(聖淘沙中文圣淘沙,iFLY Singapore)路障飲品供應站
    任務:隊伍要揀位成員入去風窿,經過培訓後一個人喺半空搞掂左右轉、前喐後褪、上昇下降呢三個動作,就有下個線索同嚿積木(最後一嚿)。
  • 星加坡[附加任務]
    任務:必須要將之前任務收集返嚟嗰5嚿積木拼埋一齊,再按底部嘅線索提示去到終點。
  • 星加坡(魚尾獅公園中文鱼尾狮公园

第7站:星加坡→胡志明市[編輯]

平貴度假村,第一個路線任務嘅所在地。
胡志明市委大廳,緩衝脊任務嘅所在地。
  • 航班: 星加坡樟宜機場) → 越南胡志明市新山一國際機場
  • 胡志明市(平貴度假村英文Bình Quới Tourist Village越南文Làng Du Lịch Bình Quới])飲品供應站
    任務:將100隻蝦籠按樣板車噉裝喺自己部單車上面,等漁夫話掂字號重成功運到終點,將會有下個線索。
  • 胡志明市(胡志明市人民委員會大廳越南文Trụ sở Ủy ban nhân dân Thành phố Hồ Chí Minh
    任務:搵出指定郵局嘅工作人員就有下個線索嘅位置(喺相背面有寫清楚邊度)
  • 緩衝脊 胡志明市(胡志明市人民委員會大廳越南文Trụ sở Ủy ban nhân dân Thành phố Hồ Chí Minh
    任務:必須要喺郵局嗰1500張明信片入面,搵到自己參賽隊嗰張先至有得繼續跟住落嚟嘅任務。
  • 胡志明市(西貢𩚵𦉗[越南文Cơm Niêu Sài Gòn]) 【對抗】
    任務:各位參賽隊必須要接受當地啲飛米拋物任務,要求要互相拋接10個飛米,重要各自食嗮一份先至為止贏。贏咗嗰隊嘅有下個線索,輸咗嗰隊必須要等下隊嚟繼續對抗,直到贏咗為止。邊隊最後輸嗮嘅,必須要喺原地罰15分鐘先至有下個線索。
  • 分岔路 胡志明市(胡志明市動植物園 ←→ 印瑰手工舖[越南文IN KHÔI])
    「含情脈脈」任務:參賽隊必須要去胡志明市動植物園入面,先按線索相嚟着越南最傳統嘅婚紗裝,再搵街邊啲人幫手影婚紗相。若果拍出嗰4張相都符合線索(唔單止動作要一樣之外,背景都要相同)相要求嘅,就有下個線索。
    「喜氣洋洋」任務:參賽隊必須要去印瑰手工舖,按線索相嚟整6個手工婚禮喜帖。若果嗰六張嘅手工細節同樣品幾乎完全一樣個樣,就有下個線索。
  • 胡志明市(國王KTV[越南文Kingdom Karaoke])飲品供應站
    任務:必須要學首越南文歌,學好之後重要喺表演臺唱出,要既有表現情感同埋冚唪唥發音都啱嗮先至有下個線索。
  • 胡志明市(胡志明市廳廣場)

第8站:胡志明市→珠海/澳門[編輯]

長隆海洋王國嘅鯨鯊館,第三個線索任務嘅所在地。
  • 航班: 胡志明市新山一國際機場) → 中華人民共和國珠海珠海金灣機場
  • 珠海(長隆海洋王國
    任務:喺入口嗰12張隨機翻開嘅路線任務卡入面搵出下一線索位(帶有「下一任務地點」呢6個字嘅線索)。
    注意:任務線索位凈得一個係啱嘅。
  • 珠海(長隆海洋王國,企鵝館)飲品供應站
    任務:各位參賽隊必須要體驗場企鵝飼養員嘅工作,要幫10隻唔同企鵝稱體重(要記低企鵝嘅顏色標記同體重),等裁判話掂先至有下個線索。
    注意:每個參賽隊凈得限時10分鐘嘅挑戰,若果超時嘅,麻煩請出去排隊返嚟繼續稱。
  • 珠海(長隆海洋王國,鯨鯊館)飲品供應站
    任務:各位參賽隊必須要揀位隊員着潛水衫落去十幾米深水底,要用相機影。另一隊員負責喺水族箱出面畀張指定要影嘅海洋動物相,跟住氼落水嘅人用相機先影求先另一隊員喺水族箱出面畀嗰5種指定海洋動物相,再交畀氼水教練,等氼水教練話掂先至有下個線索同埋一隻精靈仔(一定要帶到賽段終點)。
澳門威尼斯人度假村酒店購物廣場入面條大運河,第八站澳門段嘅最後一個任務拍攝所在地。
  • 澳門澳門(英記餅家)
    任務:必須要整廿隻合格嘅杏仁餅先至有下個線索。
  • 澳門(金度高爾夫球場)【對抗】飲品供應站
    任務:各位參賽隊必須要做紅黃對抗賽,邊隊第一個到嘅有得最先揀邊隻色。揀好對抗色之後開始對抗,邊隊最先將6嚿半圓形積木反轉成為自己色嘅隊先至算贏。贏咗嗰隊就有下個線索,輸咗嗰隊嘅請等下隊到咗之後先至有得對抗。若果邊隊最後輸嗮嘅,要喺原地罰15分鐘先至有下個線索。
  • 澳門(澳門威尼斯人度假村酒店聖馬可廣場
    任務:各位參賽隊必須要兩人喺部船上學唱首意大利文歌,重要喺船上嗰一輪運轉時間內(起點出發之後到終點上岸之前)成功唱出,船夫先至有下個線索同隻玫瑰花。
  • 澳門(金沙城花園

第9站:澳門→吉隆坡[編輯]

  • 航班: 澳門澳門國際機場) → 馬來西亞吉隆坡吉隆坡國際機場
  • 吉隆坡(?)
  • 吉隆坡(梳邦空客直升機場[英文AIRBUS HELICOPTERS])路障
    任務:隊伍要揀位成員出去完成空中挑戰。各個參賽隊員必須要搞掂體檢安檢手續之後,兩人一起搭直升機飛上1,000呎(914尺,305米)嘅空中。揀做任務嗰位同機長先學咗基本駕駛技術之後,再喺機長嘅安全陪同之下,自己一個人全程控制直升機。喺一輪限時廿分鐘飛行時間內搞掂到飛行加減速、盤旋360°、上升下降呢三個動作就有下個線索同嚿巴迪蠟染布。
    注意:呢個任務凈得兩部直升機可以同時挑戰,遲到嗰隊必須要排隊等。
  • 緩衝脊吉隆坡(塔曼公園
    任務:上賽段包尾嗰隊必須要剝開隻榴蓮,重要將果肉按樣品盒裝,裝完之後重要食嗮佢先至有得繼續跟住落嚟嘅任務。
  • 吉隆坡(塔曼公園印尼文DUSUN TAMAN WARISAN PERTANIAN])飲品供應站
    任務:每個隊員同當地嘅土著居民學吹箭,重要喺10箭以內射中3隻菠蘿先至有下個線索同嚿巴迪蠟染布。
    注意:每兩輪選手必須要射中至少一個菠蘿先至畀過關。
  • 吉隆坡(塔曼植物園路障飲品供應站
    任務:隊伍要揀位成員爬上10米(33呎,30尺)棕櫚,通過綁喺3樖棕櫚之間條繩鋼絲橋搵THE AMAZING RACE啲碎片,搵齊嗮重要將地碎片拼埋一齊,就有下個線索同嚿巴迪蠟染布。注意:
    1. 參加過上一路障任務嘅選手,呢場唔畀參賽。
    2. 搵碎片嘅限時得5分鐘。若果超時按任務失敗處理。
    3. 若果執到啲碎片半佬喺半空跌咗落地下,都按任務失敗處理。
  • 吉隆坡(圖帕依會館飲品供應站
    任務:各位參賽隊必須要加入毛律族嘅傳統慶典,先要跳毛律族啲傳統舞蹈,等裁判話舞蹈合格之後,再喺彈床上邊一次性成功摱到隻旗落嚟,就有下個線索同嚿巴迪蠟染布(最後一嚿)。但出現以下情形必須要由頭重新嚟過:
    1. 參賽隊跳嘅毛律族傳統舞蹈動作唔啱或俾裁判睇唔過眼(例如走拍或搶拍)。
    2. 喺彈床上邊摱唔到隻旗落嚟(彈床同旗嘅高度根據玩家嘅身高而定)
    3. 隊伍凈得其一隊員摱咗隻旗落嚟
  • 吉隆坡(巴迪蠟染布工坊
    任務:各個參賽隊必須要根據喺呢站收集返嚟啲巴迪蠟染布冚唪唥復刻張同樣花色嘅手工蠟染布。先搵出隊員相應嘅印章,再同蠟染布工坊啲師傅學印染,最後自己親自將蠟染布整出嚟,等師傅話掂就有去呢站嘅終點線索。
  • 吉隆坡(時代廣場停機坪)

第10站(終局):吉隆坡→上海[編輯]

2010上海世博會中國館,最後一站第二個線索任務嘅拍攝所在地。
上海虹橋站,呢站嘅智能電話所提示嘅滴滴快車軟件當中,要搭車到呢邊轉搭高鐵到滁州站。
  • 航班: 吉隆坡→ 中華人民共和國上海上海浦東國際機場
  • 上海(上海電影製片廠
  • 上海(大上海舞廳飲品供應站
    任務:各個參賽隊要睇場舊嘅百樂門爵士舞表演,睇緊嗰陣一定要分出兼記得嗰10位舞蹈演員嘅特徵同鞋底啲中文字,睇完之後喺門口個墻布位寫出呢啲演員個名。要11位冚唪唥寫啱嗮先至有下個線索。注意:
    1. 舞臺每隔5分鐘先至有次表演
    2. 若果寫錯、寫漏、寫多、調轉咗幾隻演員個名,要返去舞廳重新睇過,直到100%準確無誤為止。
  • 上海(中國2010年上海世界博覽會中國館中文中国2010年上海世界博览会中国馆飲品供應站
    任務:各位參賽隊必須要先睇間建築嘅參考相,再兩位一齊搭座斗形拱橋,等裁判話掂先至有下個線索同件斗拱。但以下情況必須要重新嚟過:
    1. 斗形拱橋嘅物品擺設同建築嘅參考相個樣差咗好遠。
    2. 搭出座「建築」唔穩陣而成座冧嗮
  • 上海(小南國花園酒店路障
    任務:各位參賽隊必須要揀位隊員用聲控設備挑戰建築外牆,喺爬緊樓嗰時睇下兩邊有冇紅黃相間嘅旗(總共10隻),要冚唪唥搣嗮落嚟先至有下個線索同件斗拱。
  • 上海(江蘇路114弄18~20號嘅老別墅)路障飲品供應站
    任務:各位參賽隊必須要揀位隊員挑戰上海最地道嘅點心同飲料。首先分別同四位上海當地住嘅老太傾商城入面畀啲嘢,再攞老太畀出嘅指定點心同飲料。若果冚唪唥嘅點心同飲料都畀啱咗,就有下個線索同部智能電話
    注意:嗰啲老太凈識用吳語上海話講出自己要啲乜。
  • 上海(虹橋火車站)→ 鐵路:中華人民共和國安徽滁州滁州站
  • 滁州(南方黑芝麻食品有限公司)
    任務:各位參賽隊必須要根據回憶,一齊答返呢季THE AMAZING RACE嗰10條題。必須要先翻開嗰10張按冧巴順序嘅卡片,再喺黑黑乳生產車間嗰150隻線索箱入面搵齊10個賽段啲相,就有呢期賽段嘅最後一個線索(終點線索)。注意:
    1. 兩人必須要拍檔做任務,唔畀分頭行動。
    2. 一次最多凈可以翻開一隻箱。
    3. 問題一定要按順序做,要拎到嚿版着綠燈為止。

---( ↓ 終點 )---

  • 滁州(蘇滁現代產業園)

[編輯]

解謎正確答案[編輯]

以下係呢季The Amazing Race深圳衛視版入面,需要解謎嘅正確答案。

第一站[編輯]

分岔路任務[編輯]
本草綱目任務

正確順序:大棗/花椒  肉桂/陳皮  黑梅/山楂  黃芪/當歸  黨參/甘草  黃蓮/生薑[註 8]

九章算術任務
天星小輪模型[編輯]

呢站嘅比賽係總共要收集四隻天星小輪模型,跟住做完分岔路任務之後睇線索。最後喺嗰啲模型搵到兼寫住「九」、「龍」、「鐵路」、「鐘樓」呢啲字樣,串埋就係「九龍鐵路鐘樓」呢六個字,得出嘅線索地方係尖沙嘴鐘樓

第二站[編輯]

最後一個路線任務:發現到字母係H、A、V、Y、N、N呢六個字母,再搵地圖可以睇到有「Nyhavn」嘅地名(因為有兩個字母係重複),得出嘅線索地方係新港丹麥文Nyhavn

第三站[編輯]

分岔路任務(維京學士路線)
  • 英文原句寫法:There is no bad weather only bad clothing.
  • 中古世紀盧恩文字寫法:ᛐᚼᛂᚱᛂ ᛁᛋ ᚿᚮ ᛒᛆᛑ ᚢᛂᛆᛐᚼᛂᚱ ᚮᚿᛚᛦ ᛒᛆᛑ ᛍᛚᚮᛐᚼᛁᚿᚵ
破譯地圖

根據嗰四嚿爛咗忽嘅寶藏地圖拼埋一齊,可以得到從路障任務開始位,一直跟住河邊行而去到厄架園入面嘅北歐博物館做終點。

第四站[編輯]

分岔路任务(多人揀路線)[註 13]
得獎性質 櫈冧
2000 生理學或醫學 39
1992 和平 46
2005 生理學或醫學 34
1997 物理學 16

第六站[編輯]

第六站嘅附加任務所拼出嘅雕像係個魚尾獅雕像

附加任務:喺三個路線、一個分岔路、一個路障任務都搞掂嗮之後收集返嚟啲積木,係從上到下排列,拼出嚟嘅最後終點線索係要見到魚尾獅雕像。

第八站[編輯]

  • 第一個線索任務:嗰啲隨機翻出嘅線索卡入面,其中寫嘅係「下一任務地點」嗰張指明嘅係去珠海長隆海洋王國嘅企鵝館。
  • 第二個線索任務:各個參賽隊揀出要影嘅海洋生物分別係鯨鯊海龜蘇眉魔鬼魚,及錘頭鯊

第十站(最後一站)[編輯]

  • 第一個線索任務嘅正確演員同順序
黛西 雪琴 依萍 文佩 金花 小曼
秋心 婉君 珍珍 蝴蝶
  • 第二個路障任務當中,老太講嘅上海話分別要嘅係呢啲物品:
方位 所要啲嘢
鹽汽水、橘紅糕
鹹豆漿、吊頭糕
荔枝水、蟹殼黃
麥乳精、鮮奶小方
註:按入門口之後向前望嘅方位
  • 最後一個線索任務:
  1. 同舟之情→香港→路線(維多利亞港)
  2. 童話蛻變→哥本哈根→路障(哥本哈根人民劇院)
  3. 鐵鋸戰斧→斯德哥爾摩→分岔路(厄架園附近條河邊)
  4. WELCOME TO SWEDEN→斯德哥爾摩→終點(白則里公園)
  5. 樹上雀成對嚟→合肥→路障(黃梅戲傳承教學基地)
  6. 南獅采青→星加坡→路線(康樂會館)
  7. 100→胡志明市→路線(平貴度假村)
  8. 貢多拉船歌→澳門→路線(澳門威尼斯人度假村酒店入面嘅聖馬可廣場)
  9. 離天空最近→吉隆坡→路障(梳邦空客直升機場)
  10. 匠心匠人→上海→路線(中國2010年上海世界博覽會中國館)

點解賈靜雯 & 修傑楷隊同埋史強 & 張星月隊喺第6站俾人集體U吞咗佢?[編輯]

The Amazing Race深圳衛視版同以色列版第2季、澳洲版第2季一樣,都係出投票U吞。票數最多嗰位要返轉頭做另一個分岔路任務。

投票隊 揼咗畀邊位
賈靜雯 & 修傑楷 史強 & 張星月
史強 & 張星月 賈靜雯 & 修杰楷
吳敏霞 & 張效誠 賈靜雯 & 修杰楷
張繼科 & 張傳銘 吳敏霞 & 張效誠
鄭元暢 & 王麗坤 史強 & 張星月

通過上面個表先知,賈靜雯 & 修傑楷同埋史強 & 張星月兩隊被集體投票U吞咗。

其它[編輯]

  • 第一站賽事入面,黃婷婷 & 許楊玉琢嗰隊坐部的士嘅車身廣告係Minute Maid;而史強(強子) & 張星月隊嗰隊坐部的士嘅車身廣告係西藏胃聖嘅藥品廣告。因為嗰啲廣告廠商未贊助過呢部節目,加上2012年4月1號中國大陸實施咗規定,話節目拍攝鏡頭出現其它非節目贊助商廣告都按插播廣告處理。
  • 第二站賽事嘅第一個路障任務入面,王新宇右邊膊頭俾節目方整咗噴霧上去,遮住佢啲紋身。喺中國大陸雖然冇對明星身體嘅紋身作出規定,但好多綜藝節目費事俾觀眾方投訴而用噴霧。
  • 第三站賽事嘅第一個線索完咗之後,喺范冰冰 & 謝依霖隊搵緊的士時有部車牌寫住「NDH 971」部麵包車同部分的士個商標又俾節目方整咗噴霧落去。其實佢嘅車正式牌子係Benz。
  • 第三站賽事嘅對抗任務,電視台畫面出現咗些少播出事故(第三站視頻嘅第14分21~22秒及22分44~46秒之間,倒數數字出現些少出錯現象)。
  • 第五站第二個路障任務入面有三首黃梅戲畀參賽隊揀,分別係《對花》、《天仙配》同埋《牛郎織女》。呢站任務有2隊人揀咗《對花》;3隊人揀咗《天仙配》;得1隊人揀咗《牛郎織女》。
  • 第六站各參賽隊聽到嘅孔子語錄情況:
參賽隊 語錄
賈靜雯 & 修杰楷 君子坦蕩蕩,小人長戚戚。
吳敏霞 & 張效誠 三人行,必有我師焉。擇其善者而從之,其不善者而改之。
史強 & 張星月 性相近,習相遠也。
鄭元暢 & 王麗坤 工欲善其事,必先利其器。
張繼科 & 張傳銘 學而不思則罔,思而不學則殆。
  • 第七站第二線索任務嘅信封寫嘅線索提示都係清一色嘅「Cơm Niêu Sài Gòn」嘅地方。
  • 第七站第三個線索任務當中,各個隊需要唱嘅歌分組情況[註 14]
參賽隊 歌曲 原唱 轉譯自
鄭元暢 & 王麗坤 Một Kiếp Phong Ba
歾劫鋒鈀
Bảo Hân
寶欣
《瀟灑走一回》
葉蒨文
賈靜雯 & 修杰楷 Thằng tàu lai
繩艚來
Jimmii Nguyễn
阮青勇
《對面的女孩看過來》
任賢齊
史強 & 張星月 Bến Thượng Hải
𡔖上海
Đàm Vĩnh Hưng & Hoài Linh
譚永興 & 淮玲
《上海灘》
葉麗儀
吳敏霞 & 張效誠 Một Kiếp Phong Ba
歾劫鋒鈀
Bảo Hân
寶欣
《瀟灑走一回》
葉蒨文
唔適用[註 14] Người Đến Từ Triều Châu
𠊛𦤾自潮州
Trường Vũ
長宇
《愛拼才會贏》
葉啟田
  • 第七站賽事嘅第三個路線任務,電視台畫面亦出現咗播出事故(第七站視頻嘅第61分36~37秒之間,出現參賽隊同指定任務歌曲不符嘅現象)。
  • 第八站第一個任務嗰隨機翻出嗰12張線索卡分別寫咗有北極熊館、海牛館、白鯨館、海豚館、海象山館、企鵝館、鯨鯊館、中華白海豚科普教育基地、呢12個館。
  • 第八站賽事嘅第二個線索完咗之後,出現有細路入咗拍攝現場順手攞東鵬特飲嚟解渴嘅情況(視頻第34分45~47秒)。
  • 第八站賽事嘅第三個線索任務,各個參賽隊要唱嘅意大利文歌情況:
參賽隊 指定意大利文歌
史強 & 張星月、吳敏霞 & 張效誠 funiculi funicula
賈靜雯 & 修傑楷、鄭元暢 & 王麗坤 SANTA LUCIA

註同攷[編輯]

  1. 2017年世界乒乓波錦標賽喺2017年5月29號到同年6月5號喺德國舉辦。
  2. 嗰日比賽俾主持人通知佢條起跑線任務(分岔路任務):單人完成賽事定休息一日繼續比賽。
    單人完成賽事:呢個賽段任何一個任務都要自己做嗮,但有好大機會淘汰出局。
    休息一日繼續比賽:下一站賽事要最後一位出發兼玩多個緩衝脊任務。
    最後吳敏霞揀咗「單人完成賽事」任務而繼續。
  3. 因為賈靜雯 & 修傑楷隊同吳敏霞 & 張效誠隊呢兩隊都係喺第二個路線任務捐咗8蚊瑞典克朗,但受到范冰冰 & 謝依霖隊出局嘅影響,所以份神秘大獎直接轉到嗰兩位屬下有份。
  4. 鄭元暢 & 王麗坤隊雖然第一隊到對抗任務點,喺對抗任務嗰時因為連續輸咗畀4個對手而跌落到第五,期間必須要按遊戲規則係要求落水休息,直到下個對手嚟咗嗰時先至有得繼續對抗。但係佢哋冇按遊戲規則要求而被判犯規。
  5. 一份自己保管,另一份直通車必須要喺第六站之前畀第位參賽隊。
  6. 呢站實際上冇用到罰時15分鐘。係因為鄭元暢 & 王麗坤隊喺呢站得返最後一組對抗任務時,出咗直通車直接跳過對抗任務凈低嘅等人時間。
  7. 即係其中一個車轆唔喺單邊橋或雙邊橋障礙上邊行而成功過障礙。
  8. 視頻入面播嘅喺中間嗰兩組係從左到右順序,兩邊嗰兩組係從右到左嘅順序。
  9. 9.0 9.1 9.2 呢啲數字都係按照2017年5月31號嗰時啲港元匯價計出嚟。因為匯率喺唔同時段會發生變動,最新匯率嘅請到http://www.xe.com/呢個網址入面繼續搵。
  10. 呢組答案係根據2017年5月31號嗰時嘅港元匯價再按上面啲數,用53.2×1.14+2.34×8.75+0.95×1.82+17.05×0.97+1.75×7.79+1×5.63+116×1+0.33×0.14呢條公式計出。
  11. 呢組答案係根據2017年5月31號嗰時嘅港元匯價再按上面啲數,用54.9×1.14+2.19×8.75+0.8×1.82+7.01×0.97+13.45×7.79+109×1+2.6×0.14呢條公式計出。
  12. 呢組答案係根據2017年5月31號嗰時嘅港元匯價再按上面啲數,用49.7×1.14+6.19×8.75+0.7×1.82+5.02×0.97+6.25×7.79+109×1+0.26×0.14呢條公式計出。
  13. 呢站嘅「多人揀」路線任務實際係得一隊成功過關。雖然有部分隊都揀咗呢個任務,但做到半佬就唔玩而轉戰另一分岔路任務,所以凈低嗰五條題唔再敘述。
  14. 14.0 14.1 由於張繼科 & 張傳銘隊喺分岔路任務半佬宣佈放棄成站賽事任務,所以第七站第三個線索任務冇上榜。

出面網頁[編輯]