TransAmerica

出自維基百科,自由嘅百科全書
跳去: 定向搵嘢

呢篇文章講嘅係棋。想搵保險公司,睇下【全美人壽

TransAmerica

TransAmerica 係種,係德式棋盤遊戲,兩到六人玩,玩法簡單但要一啲策略。隻棋冇隨機成分,不過就有資訊唔平等元素(每個玩家所持城市係重大秘密)。TransAmerica意思係橫越美國,起鐵路駁埋唔同城市嘅棋。

玩法[編輯]

布局[編輯]

棋盤係喺美國地圖,上便全部係等邊三角形網絡嘅點,當中35點代表城,分成五個區(東岸橙色;東南紅色;中北藍色;中部黃色;西岸綠色),每區有七城。如果玩家只有兩、三個,當中十個最難到嘅城唔用,變成每區五城,總共25個。

玩家首先抽城,每隻色抽一張城咭,總共五隻。抽咗唔畀其他玩家知道自己抽咗乜。

開局嗰時,計分版上每人有13 分,每完一局會倒扣。棋局有 84 條路軌共用,畀玩家輪流用。其中一個玩家,會抽做為頭一局玩先。

放路軌[編輯]

放路軌嘅目標,係令自己手上五城,最快駁埋全國路軌系統。所以要避免其他對手,快過自己達到目標。

每局開始時,每人輪流揀一點放路軌工廠(英文 Starting Marker,圖中嘅圓柱體,有黃紅藍綠白黑,代表六個玩家),個工廠可以放喺任何一點,包括城。重點係,以後放路軌,都要通到去間工廠。各玩家工廠係唔可以重覆。即係話,開局係以佢做起點。

每個玩家輪流放一到兩條軌,但如果要穿山或過河放軌(棋盤上暗粗線或紅色或者孖綫),每輪就只可以放一條軌。路軌系統係單一嘅(全國路軌),只要駁埋對手嘅路軌,咁雙方嘅軌就打通,可以用埋對方嘅軌。

勝負[編輯]

最快將路軌駁晒自己五個城,就贏一局,唔使扣分。其他玩家喺完局時,差幾多條駁埋自己五城,就扣幾多分。留意穿山過河計兩條路軌。例如爭 6 條軌,就淨低 13-6=7 分。

如果 84 條路軌用盡,無人駁埋自己五個城,就當係冚世界輸一局,每人計下差幾多軌先至駁晒自己五個城,齊齊扣分。

喺每局完咗捉分之後,如果有玩家分數零分或者以下,遊戲就完,最高分嘅就叫贏。若果所有玩家重有分,就從新開一局。上局開頭嘅,就退畀下一個,順序一樣,即係上局開第二,係變咗開局嘅人。每人會重新抽過五個城。

TransEuropa[編輯]

TransEuropa 被視為 TransAmerica 嘅姊妹遊戲,規則比 TransAmerica 複雜。

網上資源[編輯]

呢個遊戲可以喺 BSW [1] 免費登記後玩,網址亦有英文介紹同埋規則 [2]

出面網頁[編輯]