UNO

出自維基百科,自由嘅百科全書
UNO紙牌

UNO西班牙文意大利文解做「」)係一種紙牌遊戲,由Merle Robbins喺1971年發明,而家由遊戲公司美泰生產。當玩家手上剩返最後一隻牌時,一定要講「UNO」,遊戲因而得名。

玩法[編輯]

遊戲牌分四種紅色綠色藍色黃色,每種色有25隻牌,其中19隻係數字牌(0-9){0.1.1.2.2.3.3.4.4.5.5.6.6.7.7.8.8.9.9},其餘係功能牌:skip(跳牌)、draw two(罰牌2隻)同reverse(調轉出牌方向),另有黑色特別牌兩種:wild(轉色)同wild draw four(轉色同罰牌4隻)。每副牌共有108隻牌,4種顏色各有兩套(除咗0牌,各得一套),另黑色牌各有4套。

開始時,玩家各抽一隻牌,數字最大嘅做莊家。莊家向每人輪流派7隻牌,然後喺疊牌度攞出第一隻牌,卡面向上;如果係wild draw four要再攞,莊家左邊玩家(如果係reverse就係莊家自己)根據呢隻牌出牌,並根據順時針方向(如果係reverse就係逆時針方向)換下位玩家出牌,遊戲正式開始。

玩家出嘅牌,要同上個玩家出嘅牌嘅顏色或數字相同,但黑色特別牌就無呢個限制,可以隨便出。玩家如果無牌可以出,就要喺疊牌度攞牌,如果符合可以即刻出;玩家亦可以假扮手上無牌而攞牌,但要出牌亦必須出啱啱攞嗰隻牌。

當玩家手上得返一隻牌,一定要講「UNO」;最快出晒手上紙牌嘅為之贏。

兩人對玩嘅規則[編輯]

玩家打出Reverse牌,嗰隻牌嘅功能等於Skip牌,即係嗰個玩家可以出多一隻牌。

玩家打出Skip牌,嗰個玩家亦可以出多一隻牌。

玩家打出Draw two或Wild Draw four牌,佢嘅對手玩家就要跟規則抽兩隻或四隻牌,然後出牌權輪返到原來嘅玩家。

特別牌[編輯]

卡名 功能
Draw two 下位玩家停止出牌一次,並罰抽2隻牌
不過有啲玩法係如果下家重有Draw two可以打出,直至一家冇Draw two爲止。之後冇Draw two嘅玩家要罰抽2*n隻牌。(n係連續出Draw two嘅次數)
Skip 下位玩家停止出牌一次
Reverse 出牌順序方向調轉
Wild 出牌者講出四色中其中一種,下位玩家一定要跟住(除非出黑牌)
Wild draw four 出牌者講出四色中其中一種,同時下位玩家停止出牌一次,並罰抽4隻牌。
淨喺喺手上無符合嘅顏色牌先可以出。如果唔係俾下家發現自己需罰抽4隻牌。不過如果下家挑戰上家,而上家的確冇符合嘅顏色或數字牌可以打出,下家需倒罰抽6隻牌。(4隻牌為本身需要罰嘅再加多2隻牌作爲懲罰)

計分[編輯]

計分方法一:有人贏咗一局後,其他人手上剩返嘅牌所代表嘅分數,全部加起嚟畀贏家做分數。最先到達指定分數(正式規則為500分)玩家係最終贏家。

計分方法二:有人贏咗一局後,其他人就將個人手上嘅牌所代表嘅分數加起嚟,做自己個人嘅負分,最先到達指定分數(正式規則為500分)遊戲就停止,最低分玩家係最終贏家。

  • 數字牌嘅分數係面值
  • 功能牌計20分
  • 黑牌計50分

罰則[編輯]

當玩家剩返最後一隻牌時唔記得講「UNO(而出牌前被其他人發現,要罰兩隻牌,如果無被立即發現之後就冇得追究。

玩家出錯牌要罰牌1隻。如果玩家喺有佢符合嘅顏色牌或數字牌可出(除咗黑色)嘅情況下出wild draw four card,而被下位玩家挑戰並檢查紙牌確認,就要罰牌4隻;但如果挑戰失敗,咁挑戰者就要罰多兩隻牌。

其他/特別玩法[編輯]

  • Cut牌:如果玩家手上嘅牌同枱上嘅牌嘅顏色數字(或功能)完全相同,叫聲「cut」後可以唔跟順序搶先出牌,令被跳過嘅玩家喪失一次出牌機會,並且繼續按cut牌嘅玩家順序遊戲。咁可加快遊戲進度同刺激感。
  • 同字牌:如果手上有兩隻或以上嘅相同字牌(包括Draw two,Skip及Reverse),可以一次出晒,但最開頭嘅牌嘅顏色需要同枱上嘅一樣(呢種玩法唔可以用喺cut牌度)。Skip嘅隻數就決定跳過幾多個人。
  • 累積Draw:當一個玩家打出Draw two嘅時候,下一玩家可以繼續出Draw two或Wild draw four,如此類推。最後無呢類牌嘅玩家就要抽去全部嘅罰卡張數。
  • 瘋狂Reverse、skip:當玩家遇到Draw two、Wild Draw four罰則時,可以靠skip或reverse「保護」自己。例如被上家wild draw four,你可以打出reverse輪到上家受罰;或打出skip跳過自己輪到下家受罰。當然,玩家可以繼續skip或reverse掉呢個罰則,但隻色要同枱上嘅卡顏色或功能相同;面對Wild draw four就可以選用任何顏色嘅功能牌。喺未罰牌前,Wild draw four定為「無色」(或:由該玩家指定嘅顏色,但咁樣會降低趣味)。(呢種玩法可用喺累積draw,但出牌嘅顏色要同枱上嘅相同,如果上家打出藍色skip,你可以出其他skip、藍色reverse、藍色draw two或wild draw four,同普通UNO出牌規則相同)
  • 罰則:每當玩家出錯牌或被發現冇講UNO等情況,玩家要罰抽五隻牌(可以按需要而定)。