Uwants

出自維基百科,自由嘅百科全書

Uwants討論區英文Uwants.com[註 1][2][3],係中國大陸香港網上論壇之一,用論壇程式「Discuz!」第6版。Uwants自2003年1月27號「理想論壇」搞電腦同色情網出身。家陣由Uwants Company Ltd, Hong Kong(香港旺角彌敦道610號荷里活廣場618室[4]私營擁有,以廣告為主要收入,為用戶提供討論、交易平台等網站服務。網站喺TVB登過廣告[5],後來又有巴士阿叔做代言人。而家有30名站務人員,同近200名義工做版主。

而家Uwants變成中國大陸網站,各項排名持續落後。Alexa公司指出,近一半訪問數據來自中華人民共和國大陸地區,而中國國內網站排名5萬左右。不過,數據更顯示Uwants使用量有長期下降情況。2018年年頭到年尾,Uwants全球網站排名下跌近1000位,10月時排5087名[6]。而SimilarWeb排名數據同樣指出Uwants排名同用戶量有長期下跌問題,10月時Uwants係世界排10,194名網站,類別排名下跌1,036名[7]非營利組織GreatFire指出,Uwants過去一直曾遭到中國防火長城封鎖,但大陸人能夠翻牆上去。[8]然而,Uwants含有涉及中國政治討論,色情內容,用戶質素良莠不齊等問題。

網站特色[編輯]

  • Uwants網站流量高,有利網友交流。[9]但事實上,Uwants好多會員都係「有所不行,知和而和,不以禮節之,亦不可行也。」例如有個帖入面發問者話:「有錢仔19歲,諗緊食唔食煙」有回答係:「有錢仔食屎吧!」[10]
  • Uwants班網管資格被人質疑,甚至因義工關係搞到網站質素插水。個站以以所謂嘅個人發帖量、同違規記錄作考慮招募版主,由在任網管推薦,或自薦。但冇考慮有關準版主嘅管理經驗同能力,甚至冇為班新官做人品評估。有版主話Uwants冇畀版主正規訓練,亦冇工作指引。2009年8月,部份當權者被指黑箱作業,班人管理同人格已俾自己用資訊封鎖去屏蔽同刪除,「無所不用其極」。近年,有版主同用户紛紛爆料話官職有內定之嫌。所以,成日有用戶搞破壞,曾經有用户以「免費勞工,質素一般!」、「Uwants,Uwants,你一定攞『U』。」標題指,Uwants版主差到痺。
  • Uwants管理員無視用戶,愈嚟愈多人進行反Uwants、反版主活動。違反板規,無視版主、停用同號召其他人停用Uwants服務,有用戶甚至洗板洗壇即以其人之道,還治其人之身。但係過程至今,版主同壇主睇落冇點相向溝通表示,只加裝程式同驗證碼功能阻礙用戶洗版同開新帳號,造成反Uwants用戶同其他用戶不便。
  • 欠缺個人言論同使用自由。喺2009年12月,先至有用戶發現當權者將「不當」(即:唔合版主利益立場、管治上,或者「新修定」嘅版規)言論鏟走,甚至禁言、封帳號、封IP了事,壓言論自由。
  • Uwants條廣告片曾被網民炮轟,據YouTube嘅kks99992000話(修改原文嘅粗口):「垃圾而底智的論壇。甚麼討論區?只不過是未成熟的人在爭吵的網站,沒有討論氣氛,很麻煩。全部版主都愛處罰用戶,沒趣和言論自由,有毛病的!」片段有13,135人點擊過,25個評分有5分3人揀「不喜歡」。
  • 已經有中小學唔畀學生上Uwants,以免影響校園風氣。網站帶有大量色情、暴力、非法BT,甚至搞分化。同埋管理同討論上,巨有錯誤價值觀同反道德內容,容易敗壞校風、荼毒學生心智。社會各界,甚至連Uwants服務條款本身亦指「Uwants並不適合未成年人士使用」,就算係用,都應該有家長指引。
  • 其他網站人士指Uwants版主專制獨裁,我行我素。雖則Uwants喺合約同聲明上講清講楚話,畀管理員用單向手法處理問題,而唔使通知有關用戶。版主亦可以隨時改變自己嘅板規[11]。但因此造成灰色地帶、執法不公嘅漏洞。由版主建立版規,至處理用戶問題,過程中只係由版主話事而冇第三方介入。當版主認為用戶有違規,用戶就係違規。
  • 近年Uwants成為走法律罅嘅集中營。由Uwants個資源區可見侵權問題嚴重,非法BT網盤連結下載版權作品;而成人短片/貼圖區中,經常可見到無碼色情貼圖,超過電影「三級限制」。一般以網盤或國外網站連結方式張貼。相比反共討論,Uwants網民嘅侵權同色情問題嚴重好多。[12]

部份歷史[編輯]

2006年[編輯]

2007年[編輯]

  • 2月內,根據Alexa網站流量調查結果,Uwants流量高過香港討論區。同一個月,Uwants俾 Sony Computer Entertainment Inc.(Hong Kong) 法律警告關閉侵權嘅PSP下載區。
  • 4月12號,中共封咗Uwants唔畀瀏覽。不過根據Alexa統計,大陸用戶只佔Uwants總量5.5%,運作影響唔大。同月15號,有會員不滿Uwants近年不斷侵害港人言論自由,發起「反Uwants大聯盟」[15]
  • 5月10號,有條友貼色情相俾香港差人拉咗,其後Uwants關閉「成人貼圖區」,事件上咗香港四大報章頭版。胡大偉(網名:fireman1234)貼八張成人性交相嘅超連結,被罰5,000蚊兼留案底。[16]
  • 5月15號,Uwants針對《中大學生報》情色版事件,學人搞公投。支持編委48956票(28.35%),反對編委45225票(26.19%)。
  • 7月8號,《蘋果日報》報導同月7至8號發生「Uwants小朋友挑戰高登反遭起底」事件。高登討論區同Uwants討論區會員發生網上「戰爭」,涉動員黑客攻擊同「起底組」,後驚動外界介入。6號當日,Uwants論壇上出現名為「大家齊齊聲討高登」爭議性討論,挑釁高登會員作用。之後,高登管理員指網站受到非法攻擊而報警,高登會員亦對涉事Uwants用戶同「黑客」進行起底,指對方就讀沙田某間英文中學,去該校同校長投訴。[17]
  • 9月29號,有會員喺Uwants講嘢中傷東方報業集團,搞到Uwants被東方告誹謗。有關兩篇文章分別由會員小狼由2009年1月23號同hevangel由2007年10月12號留言。內容引用香港七十年代報章加以討論,「東方報業集團」創辦人馬惜珍因涉嫌販毒潛逃台灣一事,亦可能毒品一事有間香港紙媒一直被攻擊為「白粉報」。[18]
  • 10月9號,由於Uwants同東方訴訟開拖,Uwants宣布唔可以討論東方報業,直至另行通知。

2008年[編輯]

2月7號《BBC中文網》報導,有Uwants用戶由1月30號凌晨開始,連日不斷公開上載陳冠希同女星淫穢裸照到Uwants討論區。2月1號凌晨,有4萬個會員通宵登入Uwants,等睇新一批淫照流出。網站死機前,當晚最高達10萬人次,Uwants伺服器終被瘫痪至第二日凌晨。[19]

2009年[編輯]

  • 1月30號,3男2女遭到多個討論區批評事件香港討論區高登討論區、Uwants同步發生。小彤仔懷疑借死人博上位,然後俾網民批判,最終3男2女會員向大家求和[20]
  • 7月20號,「Uwants MM2區」版主「巴士迷」因無故發狂刪帖,會員一不滿,迫走咗佢。
  • 8月,有馬版版主同尊貴樓主不滿超級板主陳雄明同亦師亦友上司Uwants team!紫葵互相包庇黑箱作業,紛紛辭去版務並向webmaster發投訴信。由於投訴充斥癱瘓意見版,陳雄明只好將大量會員意見,同投訴言論屏閉或者刪除,甚至借機封禁異己會員。事件搞大咗,Uwants和諧會員意見言論成為香港網絡論壇笑話,事件拖咗兩個月Uwants team!紫葵迫於無奈將陳雄明收皮,不過屏閉、刪帖、封號已成為管理員發難嘅良計。
  • 8月至9月,休閒聊天區出現一片反趙展彤熱潮,有零星會員為博上位,向反彤者發出挑戰性言論,引起罵戰。會員香蕉。琪妹喺個區以煩膠身份橫行,引起好多會員不滿。
  • 12月再有會員發現意見區有求助同要求取消屏閉或刪除嘅個案成個俾人鏟晒,可見Uwants侵害言論自由之風嚴重入肉入骨。
  • 4月至5月,有會員不滿War game版版主獨裁、冇同會員溝通、管理冇新意,而對其版區進行洗板,再拉大隊離開杯葛佢哋。
  • 6月15至16號,再有用戶反抗War Game版版主。班友以「motospeeder帶來黑暗的Uwants」、「不文明的管理員,不會溝通的獨裁者!」等標語作號召,似乎有意推翻並打破現有嘅「軍政府」。此外,有人一面洗版,一面號召其他用戶反抗版主。因為該區版主無力遏止人民「進攻」,只以封號方式回應,並冇解決深層矛盾。有關用戶出分身搞「宣傳」另於第三方論壇發現其他用戶發交易帖都俾War game版主阻礙[21]

2011年[編輯]

  • 10月有Uwants用戶,不滿被版主阻頭阻勢就炸版主個信箱重講粗口,最後被對方殺咗個帳號。同月21至23號,版主再疑因阻人發帖,結果成個版區被連續破壞。來自香港不知名團體內幾條友仔,上War game物品交易區內發交易帖嗰時,俾版主鏟咗個帖嘅內容,發帖人覺得冒犯,就拉馬搞個版主。同月21號,ho200x、maruiminigun、WGduckyou等5個帳號用「如意棒」進行灌水攻擊;22號,又有人用「SARR」槍會名義發帖被阻;23號,再有3個新登記帳號洗版。事後共造成30頁廢帖。
  • 11月18號,有會員聲言Uwants版主唔畀懷念「六四」,就建立Facebook群組「反U汪獨裁者聯盟」,結合反對Uwants人士。

2012年[編輯]

  • 3月選特首前,Uwants同香港討論區合搞投票選特首系統,但造成一連串問題。22號,「反U汪獨裁者聯盟」發現系統可以破解,投票結果有問題嘅[22],質疑結果係梁支持者作弊洗票。後來,疑部分唐派人士洗票還拖,造成官方停止第一次投票[23],所謂「唐反梁事件」。同月23號中午,投票結果重設,遺撼有組織聲言重有得破解,再有一人多號多機洗票或DDos情況,網民指:「法網恢恢,疏而不漏,假的真不了」[24]

2013年[編輯]

  • 10月1號,香港《信報》喺中共建國記念日報導新聞,騰訊入股。由於騰訊個別人士身份,有傳言指反映內地已高度關注香港嘅資訊數據,部份Uwants會員憂慮[25]
  • 2013年10月,據《太陽報》喺19號一篇名為「兄被呃iPhone弟設局擒賊」嘅報導,報導Uwants「呃電話案」。手機買賣區出現大量騙子行騙,只有其中一名騙徒失手,呃唔到手機,反而跌入「引蛇出洞局」,俾差人拉咗。事件反映,Uwants雖然存有正義之士,但事實證明如同Uwants嘅討論區交易模式係缺陷[26]。因為呢啲論壇係免費、註冊簡易、缺乏身份驗證,網站官方冇全面保障用戶。除咗騙局之外,重有無數嘅「假交易帖」、「失蹤賣買家」、「玩電話」等不正當嘅交易問題[27]。論壇交易唔似雅虎拍賣ebay有多年信譽、官方保險,清晰而客觀規矩同法律保障。

2014年[編輯]

  • 1月21號,香討、Uwants被指出現安全漏洞危害用戶,ChromeFirefox用戶上唔到,只見"該網站發佈惡意程式"嘅警告[28]

2015年[編輯]

  • 1月20號,wargame版主mail_to_justin(側田)被網民翻舊帳。網民指,當年側田力保現時點馬駿景,但今日呀駿承認兩項無牌管有槍械,同一項企圖無牌管有槍械罪。[29],其他討論區用戶指版主同店員關係複雜,結束呀駿被網上起底之後寫入香港網絡大典[30]。由於呀駿因槍店同槍會上有特殊身份,令Uwants會員亦同時關注版主。而案中油麻地現時點商場2樓氣槍店鋪已轉營「格仔鋪」同易名,交由槍友潘先生(Sam)接手經營[31][32]

2016年[編輯]

  • 5月24號,《蘋果日報》財經版指Uwants公司董事葉永賢,同鄭志健炒賣獲利,助長推高樓價的炒風。香港討論區董事葉永賢、鄭志健過去7年斥資3千萬幾元買入13項香港住宅物業;沽出錦英苑單位在內10個項,賺860萬港元[33]

2017年[編輯]

  • 4月20號,Uwants變成主打遊戲類討論區,並服務大陸人為主。Alexa排名網站統計數據指,上Uwants有40.9%來自中國大陸,香港得返3成左右[34],香港排名已經落後50大網站以外,香港高登討論區已經超越佢成第二大討論區,而2000年代後期開始至今,香港討論區已接收大量U仔U女同部份Uwants黑名單帳號。

2018年[編輯]

  • 7月4號兩岸三地媒體報導,上海一間服裝店有個女人揀衫,準備試身期間,被偷拍裸照並上存到各大中文討論區。偷拍者出自Uwants,而涉事女性身材、外貌同事件都成為Uwants一時熱話。[35][36]不過,有關事件涉及未經同意拍照行為,喺中國大陸存有「肖像權」方面法律爭議。[37]

參考[編輯]

  1. "U匪"的相關搜尋 Google:uwants.com、香討app。
  2. 突發有片>某u汪女會員係廁格含撚 香港討論區用戶
  3. 原來真係有「U汪」狗?! UwantsHK官方Facebook,2014年
  4. .hk域名爭議解决,案件編號:DHK-0700020
  5. YouTube上面嘅Uwants在TVB宣傳易的廣告
  6. "Alexa". 原著喺2018-09-30歸檔. 喺2018-10-20搵到.
  7. SimilarWeb Uwants統計報告
  8. Censorship of uwants.com in China GreatFire
  9. . 原著喺2014年12月6號歸檔. 喺2012年12月3號搵到.
  10. 有錢仔19歲,諗緊食唔食煙
  11. Uwants官方首頁
  12. Uwants官網公然設立專區,變相支持侵權活動!. 原著喺2013年1月16號歸檔. 喺2012年12月3號搵到.
  13. 太陽報. 評局補鑊措施 影響考生心情 出貓搜證掀白色恐怖. 喺2006年5月10號搵到. {{cite web}}: line feed character in |title= at position 15 (help)
  14. 東方日報. 民揚言迪迪尼 道歉仍入罪賠萬元. 原著喺2017年9月19號歸檔. 喺2012年3月14號搵到.
  15. 反Uwants大聯盟[失咗效嘅鏈]
  16. 蘋果日報. 內人隨筆:疑團未解開 - 尹思哲. 原著喺2021年2月11日歸檔. 喺2007年05月14日搵到.
  17. 高登網站黑客疑是中學生 互聯網檔案館歸檔,歸檔日期2018年10月20號,. 《蘋果日報》,2007年07月08號
  18. 一場以卵擊石的訴訟 香港獨立媒體 2010-09-22
  19. BBC 中文网. . 歸檔時間2008年2月8日. 喺2008年2月7日搵到.{{cite web}}: CS1 maint: bot: original URL status unknown (link)
  20. 3男2女遭到多個討論區批評事件
  21. (求助) uwants wargame 用品類買賣把我趕盡殺絕!. 原著喺2013年5月3號歸檔. 喺2012年7月26號搵到.
  22. 反U汪獨裁者聯盟 Facebook群組主頁
  23. 第一次投票結果 Archive.is歸檔,歸檔日期2012年7月12號, Uwants官方網站
  24. 香港兩大壇失敗 網上造假不理會 From:反U汪獨裁者聯盟[失咗效嘅鏈]
  25. 信報:入股uwants 香港討論區
  26. 虎新聞:Uwants手機騙案2013. 原著喺2013年10月23號歸檔. 喺2021年8月25號搵到.
  27. 東方日報:網上賣手機 兄被呃 弟擒賊
  28. 散播病毒? uwants 香討齊被封,真相是..
  29. 癡無牌藏槍候懲,案件編號:HCCC356/15. 原著喺2016年1月22號歸檔. 喺2016年1月20號搵到.
  30. U~W~an~ts:現時點呀駿與mail_to_justin(側田)的千絲萬縷!
  31. 寄左輪回港 槍癡被捕屋企似軍火庫 警扮郵差追查揭發 互聯網檔案館歸檔,歸檔日期2021年2月11號,.《蘋果日報》. 2014-6-12.
  32. 野戰迷買真槍點38寄返港東網》. 2014-6-12.
  33. 香港討論區董事沽錦英苑 互聯網檔案館歸檔,歸檔日期2021年2月11號,. 《蘋果日報》財經新聞網. 2016-5-24
  34. 統計數據僅供Uwants.com 互聯網檔案館歸檔,歸檔日期2018年10月7號,. Alexa網站
  35. 頭條日報. 髮裸女逛服裝店 僅手執上衣遮胸前. 原著喺2018年7月8號歸檔. 喺2018年7月4號搵到.(香港繁體)
  36. 東森新聞. 大方…上衣遮胸逛Uniqlo 全裸短髮妹親揭真相. 喺2018年7月4號搵到.(臺灣正體)
  37. 《中华人民共和国民法通则》 互聯網檔案館歸檔,歸檔日期2021年2月11號,. 中国人大网(大陸簡體)

出面網頁[編輯]

官方網站:

注釋[編輯]

  1. Uwants/Uwants討論區,坊間又稱理論論壇、U汪、U狗、U[1],同Uwrong等等。Uwrong即係Uwants英文嘅諧音,意指你係錯(You're wrong.)。
  2. 迪迪尼,即係香港人改「香港迪士尼樂園」個花名。
  3. Uwants 網上電台係一個附屬Uwants互聯網電台,前身係Uwants NetRadio 理想電台,但而家玩完。