Wikipedia:更優秀文章寫作指南

出自維基百科，自由嘅百科全書

[編輯] 參考其他語言版本嘅維基

由於維基個系統都發展咗一段時間，你建立嘅條目，好多時都有其他語言版，除咗翻譯其他版本嘅正文，最好睇埋討論頁，特別係一啲涉及敏感歷史、政治、哲學問題嘅條目，好多時有唔少爭拗，響其他語言嘅討論頁中已經討論過。當然，人地點做，我地呢度唔一定要跟足，但可以響當中取長補短。

[編輯] 提醒人地點做

好多時，你響做研究或者翻譯期間，你可能發現咗一啲嘢，未必適合留響條目裏面，或者唔知點放落去，但又相當值得留意。咁你應該善用討論頁，話俾後來跟進嘅人，你發現嘅嘢，或者後來跟進果個，會有所啟發。