Wikipedia:當年今日/9月

今日係 2024年 4月16號，禮拜二；而家係（標準時）02 點 09 分

按月導航：
1月 – 2月 – 3月 – 4月 – 5月 – 6月 – 7月 – 8月 – 9月 – 10月 – 11月 – 12月

喺呢一日...
4月16號：丹麥 國慶日 1917年：列寧（圖）結束流亡生涯，由芬蘭返聖彼得堡。 1945年：蘇聯紅軍響柏林周圍，向德軍發動最後一擊。 2007年：美國維珍尼亞理工大學發生校園槍擊案，做成最少33死，係美國史上針對平民最血腥嘅槍擊案。 2014年：世越號沉船，導致304人罹難。 2016年：熊本地震，釀成273人死亡，超過2千人受傷。 上幾日：4月15號 – 4月14號 – 4月13號

9月1號：中華民國 記者節 1923年：日本關東平原7.9級地震，14萬人死。 1939年：納粹德國軍隊入侵波蘭，第二次世界大戰响歐洲爆發。 1969年：利比亞國王伊德里斯一世响政變中被推翻，卡達菲（圖）上台執政。 2004年：車臣分離主義武裝喺俄羅斯北奧塞梯共和國別斯蘭脅持1200幾個人質。 2005年：喺遭受颶風卡特里娜重創後，紐奧良市長宣佈「棄城」，居民將全部撤出。 上幾日：8月31號 – 8月30號 – 8月29號 9月2號：越南 抗戰勝利日兼國慶節 1666年：倫敦大火（圖），聖保羅大教堂嗰頭嘅建築物都燒晒。 1752年：大不列顛島開始用公曆，比其他西歐國遲咗兩個世紀。 1856年：天京事變，太平天國開始𢱕。 1937年：香港發生丁丑風災（又叫「九二風災」），大概11,000人死，好多魚棚損毀。 1945年：胡志明發表獨立宣言，越南獨立，擺脫法國統治，成立越南民主共和國。 上幾日：9月1號 – 8月31號 – 8月30號 9月3號：中華人民共和國 澳門 抗日戰爭勝利紀念日 301年：聖馬連奴由Saint Marinus立國，係現存世界上最古老嘅共和國。 1976年：維京2號（圖）探測器登陸火星，影低行星表面嘅首張彩色近照。 2006年：伊拉克當局宣佈，佢哋拉咗伊拉克阿蓋達組織第二號人物賽義迪。 2006年：歐洲太空總署發射嘅SMART-1號太空探測器成功撞擊月球，完成持續16個月嘅任務。 2013年：微軟以37.9億歐元收購諾基亞公司設備同服務業務，並以16.5億歐元收購Nokia嘅專利，合共54.4億歐元。 上幾日：9月2號 – 9月1號 – 8月31號 9月4號： 1870年：法蘭西第三共和國成立。 1944年：第二次世界大戰—意大利投降。 1972年：美國泳手史畢茲喺1972年夏季奧林匹克運動會攞第七嚿金牌，成為當時喺一屆奧運會入面攞最多金牌嘅運動員。 1990年：北韓總理延亨默越過三八線到達漢城，同韓國總理姜英勳舉行朝鮮半島自分裂以嚟雙方嘅首次總理會談。 2016年：德蘭修女（圖）封聖。 上幾日：9月3號 – 9月2號 – 9月1號 9月5號：國際慈善日 1839年：第一次鴉片戰爭開始。 1882年：美國首次勞動節遊行喺紐約市舉行。 1919年：可口可樂公司喺美國特拉華州開檔。 1972年：巴勒斯坦恐怖組織黑色九月脅持並殺咗參加1972年夏季奧林匹克運動會嘅11名以色列代表團成員，史稱慕尼黑慘案。 1997年：美國太空總署發射嘅航行者一號（圖）太空探測器，而家係離我哋最遠嘅人造物體。 上幾日：9月4號 – 9月3號 – 9月2號 9月6號：斯威士蘭 Somhlolo Day（獨立日） 前776年：中國史書《春秋》記載魯國觀測日蝕（圖），係人類史上首次記載日蝕。 1978年：美國、埃及、以色列三方響大衞營舉行最高級會議。 1997年：西敏寺舉行戴安娜王妃嘅葬禮，全球最少2500萬人用電視收睇，遺體安葬諾咸頓郡Althorp。 2002年：加拿大魁北克省判決要求聯邦政府喺未來兩年之內實現加拿大同性婚姻。 2006年：由於英國首相貝理雅唔肯講幾時交棒，包括國防部次官瓦森在內嘅7名內閣成員提出呈辭。 上幾日：9月5號 – 9月4號 – 9月3號 9月7號：巴西 獨立紀念日兼國慶 1822年：巴西獨立，唔再受葡萄牙管。 1901年：八國聯軍佔領咗北京，大清政府同英國、美國、日本、俄國、法國、德國、意大利、奧匈帝國等11國簽訂《辛丑條約》。 1936年：最後一隻塔斯曼尼亞老虎Benjamin死響塔斯曼尼亞島荷伯特動物園佢個籠裏面。 1975年：香港佳藝電視成立，三年唔夠就執笠。 1980年：華國鋒（圖）響五屆全國人大三次會議上宣佈唔再擔任中國國務院總理。 上幾日：9月6號 – 9月5號 – 9月4號 9月8號：國際掃盲日 1504年：米高安哲羅雕嘅大理石像大衛像（圖）喺佛羅倫斯展出。 1796年：拿破崙領軍喺意大利巴薩諾打敗奧地利軍。 1900年：颶風吹襲美國德薩斯州加爾夫斯頓，6000人死。 1943年：第二次世界大戰—意大利投降。 1974年：水門事件—新任美國總統謝拉特·福特特赦前任總統理察尼克遜在任時可能有嘅罪。 上幾日：9月7號 – 9月6號 – 9月5號 9月9號：北韓 人民政權創建日 1776年：大陸議會將北美各州嘅邦聯正式命名為美利堅合眾國。 1791年：美國首都被命名為華盛頓哥倫比亞特區。 1927年：中國共產黨領導湖南、江西兩省邊界嘅工人、農民發動秋收起義。 1948年：朝鮮民主主義人民共和國喺朝鮮半島北部成立，金日成出任第一任內閣首相。 1976年：中國共產黨黨首毛澤東（圖）死，冇耐接班人華國鋒埋位。 上幾日：9月8號 – 9月7號 – 9月6號 9月10號：世界預防自殺日 1945年：中國國共內戰「上黨戰役」開始。 1976年：兩架分別屬於英國航空同伊內克斯-亞德里亞航空嘅客機喺南斯拉夫薩格勒布附近上空相撞，兩機上176人咸不剌死晒。 1980年：趙紫陽接替華國鋒出任中華人民共和國國務院總理。 2001年：日本發現亞洲區首宗瘋牛症，亞洲多個地區即刻唔畀日本牛肉入口。 2008年：日內瓦歐洲核研究組織嘅大強子對撞機（圖）開着咗。研究員打算模擬宇宙大爆炸模型中最初十億份之一秒嘅情況；亦有人想揾希格斯玻色子同超對稱粒子來驗證標準模型同超對稱。 上幾日：9月9號 – 9月8號 – 9月7號 9月11號： 1971年：蘇聯共產黨總書記赫魯曉夫喺莫斯科死。 1972年：美國三藩市灣區捷運通車。 1990年：香港紅磡燃燒彈縱火案，6死23人傷，警方將案件列作凶殺同縱火案處理，成立專案組調查。 2001年：美國發生911事件（圖），有幾個人劫咗美國航空同聯合航空四架客機，有兩架撞咗入紐約世界貿易中心，一架撞入華盛頓國防部五角大樓，另一架飛機響賓夕凡尼亞州墜毀。 2009年：臺灣前總統陳水扁同夫人吳淑珍因貪污、洗錢案，喺台北地方法院一審判處終身監禁同褫奪公民權利終身，成為臺灣史上首位因貪污被判有罪嘅元首。 上幾日：9月10號 – 9月9號 – 9月8號 9月12號：埃塞俄比亞 國慶 1940年：喺法國Lascaux發現山窿壁畫（圖）。 1958年：香港啟德機場嘅13/31跑道啟用，哩條跑道一路用到啟德機場關閉。 1970年：巴勒斯坦解放組織響約旦安曼一個機場炸毀三架飛機。 1990年：東、西德同蘇聯、英國、法國、美國四強響莫斯科達成協議，為兩德統一掃清障礙。 1992年：奮進號穿梭機嘅STS-47任務，係第50次嘅穿梭飛行；載住第一個非洲裔女性Mae Carol Jemison上太空。 上幾日：9月11號 – 9月10號 – 9月9號 9月13號：程式設計師日（平年） 1899年：Henry H. Bliss畀車撞到，第二朝死咗，成為全美國頭一個死喺汽車失事嘅人。 1939年：加拿大向納粹德國宣戰，加入第二次世界大戰。 1959年：中華人民共和國第一屆全國運動會喺北京工人體育場開幕。 1971年：中國共產黨中央委員會副主席林彪坐飛機逃亡蘇聯，響蒙古溫都爾汗飛機失事死咗，是為「九一三事件」。 1993年：巴勒斯坦解放組織阿頭阿拉法特（圖）同以色列總理拉賓（圖）響美國白宮簽《奧斯陸和約》。 上幾日：9月12號 – 9月11號 – 9月10號 9月14號： 1867年：馬克思《資本論》（圖）第一卷喺英國倫敦出版。 1960年：伊朗、伊拉克、科威特、沙特阿拉伯、委內瑞拉一齊搞咗個石油輸出國組織。 1996年：中華民國總統李登輝正式提出戒急用忍一詞。 2002年：中國南京市湯山落毒案。 2004年：東突厥斯坦流亡政府喺美國華盛頓特區成立。 上幾日：9月13號 – 9月12號 – 9月11號 9月15號：哥斯達黎加 危地馬拉 洪都拉斯 尼加拉瓜 薩爾瓦多 國慶、國際民主日 1831年：目前最古老重行緊嘅蒸汽火車「約翰牛」（圖）首次出車。 1835年：查理斯·達爾文搭比高獵犬號到達加拉帕戈斯群島，嗰度嘅所見所聞影響佢嘅進化論。 1914年：南非聯邦嘅布爾人發起馬利茲叛亂。叛亂到1915年2月4號失敗告終。 2000年：2000年夏季奧林匹克運動會喺澳洲悉尼開幕，賽期至10月1號。 2008年：美國第四大投資銀行雷曼兄弟申請破產保護，金融海嘯爆發。 上幾日：9月14號 – 9月13號 – 9月12號 9月16號：馬來西亞 星加坡 馬來西亞日 1941年：敘利亞獨立。 1945年：廣州地區日軍喺中山紀念堂正式向中國軍隊投降，廣州光復。 1963年：馬來亞聯合邦同星加坡、北婆羅洲同埋沙勞越合併為馬來西亞聯邦（圖）。 1975年：巴布亞新畿內亞由澳洲獨立，成為英聯邦成員國。 1975年：黎巴嫩內戰爆發。 上幾日：9月15號 – 9月14號 – 9月13號 9月17號：蝙蝠俠日 1978年：埃及總統薩達特同以色列總理貝京響美國大衞營簽《大衞營協議》。 1991年：愛沙尼亞、北韓、南韓、拉脫維亞、立陶宛、馬紹爾群島同密克羅尼西亞聯邦加入聯合國。 1991年：第一版嘅Linux內核（0.01）喺網上公開。 2001年：紐約證券交易所嘅股票交易自911事件停市四日後重開。 2011年：佔領華爾街（圖）集會活動開始。 上幾日：9月16號 – 9月15號 – 9月14號 9月18號：世界水監測日 1814年：維也納會議喺奧地利維也納展開，傾下點樣收拾拿破崙戰爭之後嘅局勢。 1921年：里夫共和國宣佈由西屬摩洛哥獨立。 1931年：日本關東軍出兵攻擊瀋陽兵工廠同埋中國東北軍駐地北大營，瀋陽迅即落入日軍手上，史稱「九一八事變」（圖）。 1977年：航行者一號喺太空影第一張地球同月光一齊嘅相。 2014年：蘇格蘭獨立公投，統派以五成五嘅票擊敗獨立派，蘇格蘭留喺英國。 上幾日：9月17號 – 9月16號 – 9月15號 9月19號：聖傑氏尼維斯 獨立日 1893年：喺紐西蘭，《1893年選舉法案》同意由總督畀所有紐西蘭女人投票權。 1957年：美國首次地下核試（圖）。 2004年：江澤民辭咗中國共產黨中央軍事委員會主席職務，由胡錦濤接任。 2006年：泰國皇家軍隊發動軍事政變，喺紐約參加聯合國大會嘅泰國總理丘達新宣佈曼谷進入緊急狀態，並宣佈解除陸軍司令職務。 2014年：2014年亞洲運動會喺南韓仁川開幕，賽期至10月4號。 上幾日：9月18號 – 9月17號 – 9月16號 9月20號：南奧塞梯 獨立日 1644年：大清福臨由盛京遷都北京。 1870年：意大利統一。 1986年：1986年亞洲運動會喺南韓漢城開幕，賽期至10月5號。 1989年：南非最後一位白人總統德克勒克（圖）就任。 1992年：法國全民公決通過《馬城條約》。 上幾日：9月19號 – 9月18號 – 9月17號 9月21號：國際和平日 1776年：1776年紐約大火。 1949年：中國人民政治協商會議第一屆全體會議響北平召開。 1999年：臺灣南投縣集集發生黎克特制7.3級地震，2,415死，11,305傷。 2013年：肯雅Westgate 商場發生恐怖襲擊兼脅持人質事件，持續至9月24號。 2018年：蘋果公司iPhone XS（圖）同iPhone XS Max開始賣。 上幾日：9月20號 – 9月19號 – 9月18號 9月22號：世界無車日 1499年：瑞士（圖）變為一個獨立國。 1869年：華格納嘅歌劇Rheingold喺慕尼黑亮相。 1980年：伊拉克入侵伊朗。 1982年：英國首相戴卓爾夫人訪問中華人民共和國，向鄧小平等中國領導人表達對香港嘅主權交接嘅立場。戴卓爾夫人係頭一位在任英國首相訪問中國，而中國亦成為戴卓爾夫人頭一個訪問嘅共產國。 2006年：德國磁浮試驗線撞車事故，23死。 上幾日：9月21號 – 9月20號 – 9月19號 9月23號：國際手語日 1831年：法拉第發明發電機。 1846年：德國天文學家Johann Gottfried Galle根據法國天文學家勒維耶嘅計算搵到海王星（圖）。 1862年：俾斯麥出任普魯士首相。 1932年：沙特阿拉伯獨立。 1949年：蘇聯試爆第一粒原子彈得咗，成為世界上第二個核武國。 上幾日：9月22號 – 9月21號 – 9月20號 9月24號：畿內亞比紹 獨立日 622年：伊斯蘭教創辦人穆罕默德為咗避麥加穆卡拉瑪嘅宗教迫害，帶住信徒遷移到麥地那。 1920年：亞美尼亞民主共和國對土耳其宣戰，土亞戰爭爆發。 1960年：世界第一艘核動力航空母艦，美國企業號航空母艦完工落水。 1982年：英國首相戴卓爾夫人（圖）喺同鄧小平會談後喺人民大會堂梯級跌到。 2005年：國際原子能機構認定伊朗唔履行《不擴散核武器條約》嘅義務。 上幾日：9月23號 – 9月22號 – 9月21號 9月25號： 1909年：由中國工程師詹天佑自行設計建設嘅京張鐵路通車。 1924年：杭州雷峰塔（圖）倒冧。 1937年：意大利獨裁者墨索里尼抵達德國慕尼黑同希特拉會談。 2005年：2005年世界博覽會閉幕。 2007年：福田康夫當選第91任日本首相。 上幾日：9月24號 – 9月23號 – 9月22號 9月26號：徹底消除核武器國際日 1983年：美國新墨西哥州阿拉莫戈多發生大量由ATARI出版嘅卡帶、個人電腦同電子遊戲被集中揼爛銷毀。 1984年：中英兩國政府喺北京草簽香港前途問題聯合聲明。 1988年：加拿大短跑手賓莊遜（圖）喺1988年夏季奧林匹克運動會食咗禁藥，被褫奪100米短跑金牌（破世界紀錄），重罰停賽兩年。 1997年：印度尼西亞鷹航空一客機由耶加達飛去棉蘭期間失事，機上234人咸不剌死晒。 2006年：日本自民黨總裁安倍晉三就任第90屆日本首相。 上幾日：9月25號 – 9月24號 – 9月23號 9月27號：世界旅遊日 1825年：斯托克頓及達靈頓鐵路通車，係世界上首條商用鐵路。 1905年：愛因斯坦發表論文「動體嘅慣性係唔係基於佢嘅能量？」，介紹有名嘅方程式：E=mc²。 1955年：第一屆全國人大常委會第二十二次會議通過咗授予中華人民共和國元帥軍階嘅決議，中國人民解放軍史上「十大元帥」由此確立。 1996年：塔利班軍隊控制阿富汗首都喀布爾。 2008年：第一個中國人太空漫步－翟志剛（圖）嚮太空浮出太空倉揈五星紅旗。 上幾日：9月26號 – 9月25號 – 9月24號 9月28號：孔聖誕 1066年：征服者威廉同佢有600隻船嘅船隊到咗英倫，登陸修適士嘅Pevensey。 1867年：加拿大揀多倫多做首都。 1951年：木衞十二畀人發現。 2014年：香港爆發「讓愛與和平佔領中環」（圖）運動，過萬人包圍政府總部，警方放催淚彈鎮壓。 2018年：印尼蘇拉威西強烈地震兼引發海嘯，造成最少2,256死。 上幾日：9月27號 – 9月26號 – 9月25號 9月29號：聖米迦勒與諸天使日 1600年：1600年南澳大地震。 1911年：意大利向奧斯曼帝國宣戰。 1950年：韓戰，美軍重奪俾北韓軍隊佔咗嘅南韓首都漢城。 1972年：中華人民共和國同日本建交。 1980年：第五屆全國人大常委會第十六次會議決定成立最高人民檢察院特別檢察廳同最高人民法院特別法庭審判「林彪、江青反革命集團」。 上幾日：9月28號 – 9月27號 – 9月26號 9月30號：國際翻譯日 1862年：德國首任宰相俾斯麥（圖）實行「鐵血政策」。 1938年：英國、法國、德國同埋意大利簽訂慕尼黑協定。 1946年：21個响第二次世界大戰期間大權在握嘅納粹黨領袖，包括前納粹德國空軍元帥戈林、外長李賓杜洛普同埋希特拉嘅副手赫斯喺紐倫堡法庭聽取法官判詞，其中12人被判處死刑，兩人終身監禁。紐倫堡係納粹德國發源地，喺呢度公審納粹戰犯別具意義。 1980年：乙太網規格第一次由施樂、英特爾同迪吉多一齊出版。 2005年：日本大阪高等法院就臺灣原住民控告日本首相小泉純一郎參拜靖國神社訴訟案作出二審判決，認定小泉參拜「相當於規定政教分離嘅憲法所禁止嘅宗教活動」，屬於公職行為，違反憲法。 上幾日：9月29號 – 9月28號 – 9月27號