Wikipedia:當選無耐嘅管理員

出自維基百科，自由嘅百科全書

請參閱：Wikipedia:之前啱啱建立咗嘅事務員，Wikipedia:未能成功嘅管理候選人

要更新哩一頁，請清理佢。

最近成功嘅提名[編輯]

以下嘅討論係一個成功申請做管理員嘅歸檔。請唔好再修改佢。

Detective Akai[編輯]

最後結果 (5/0/0) ，於 2022年9月21號 (三) 19:31 (UTC) 結束

Detective Akai（留言 | 貢獻） - 我入咗維基兩年，唔多唔少啦，想為維基出份綿薄之力。我對日本文化、人物傳記、中西歷史尤感興趣，一直盡力去開同埋執執有關方面嘅文章，寫咗幾篇好文，就好似南度藍姆·高德西、霸王別姬、岑子杰等。若果我當選，我會努力寫更多高質文章。希望大家多多支持。 Akai 博士 (傾偈) 2022年8月20號 (六) 16:30 (UTC)[回覆]

候選人，請確認接受提名：本人接受提名。Akai 博士 (傾偈) 2022年8月20號 (六) 16:31 (UTC)[回覆]

問候選人[編輯]

候選人你好，多謝你貢獻維基百科。請你答幾條問題，可以做到其他利用者嘅指引：

1. 你想做邊種操作員(sysop)嘅工夫？
A: 自己做到嘅都想幫下，就好似刪除啲符合SD嘅文、編輯一下指引等。
2. 你響維基百科有冇一啲特別滿意嘅貢獻？噉又點解呢？
A: 我平時主要寫文居多，而我至今最滿意嘅文章係霸王別姬，寫呢篇文個陣真係好認真，擺咗好多心機落去。雖然我都有其他文章做到好文，但我個人認為質量未算最好，未算好滿意。
3. 你編輯嗰陣有冇遇過分歧，或者受過其他維基友壓力？你點處理？
A:冇喎。如果有嘅，會友好交流。真係頂唔順就搵管理員幫手。
4. 嚟自Z423x5c6嘅技術問題：
管理員（sysop）比起非管理員多咗啲咩權限，可以幫到手去反破壞或者建設呢個維基？舉一兩個就得，唔使太多。
A:@Z423x5c6：Sysop多嘅權限有保護頁面同封鎖用戶。保護頁面即係指當一篇文打緊編輯戰個陣，sysop可以保護文章，避免衝突升級。而封鎖用戶就係指當一個用戶涉嫌搞搞震，例如亂開文章個陣，管理員可以封鎖該用戶。

Kwgulden問兩條問題：

5. 我見你參選宣言寫「若果我當選，我會努力寫更多高質文章。」，但係擁有管理員權限同寫高質文章似乎冇直接關係，可唔可以解釋下如果你當選管理員，對你寫文有乜幫助？
A:@Kwgulden：多謝提問先。當文章被人加入唔適當嘅內容或者打編輯戰個陣，作為管理員可以先保護文章，以免唔適當嘅內容畀人持續性地加入，跟住管理員可以聯繫有份編輯嘅維基人去改善文章，或者自行修改文章，令文章內容嘅質素有所提升。
6. 你覺得粵文維基百科有邊啲方面嘅管理事務做得唔夠好或者冇乜管理員肯處理？你又願唔願意幫手處理呢啲事務呢？
A:好多響粵維本地嘅相其實都侵犯咗版權，特別係專輯海報，例如一點入專輯海報嘅「來源」就響底下就見到「Copyright」嘅字眼、寫到明有哂版權等等，我上任後會盡力改善呢方面嘅問題。

一般意見[編輯]

  1. 佢寫嘅有用內容唔少，又似乎冇乜行為缺陷，應該信得過。--110.174.132.162（討論） 2022年8月21號 (日) 12:21 (UTC)[回覆]
  2. @Deryck Chan、Shinjiman： Akai博士以全票支持當選，眾望所歸，請事務員幫手加權限，唔該。——Z423X5C6（傾偈） 2022年9月21號 (三) 08:12 (UTC)[回覆]

請畀建設性同有禮嘅評論。如果你對嗰位被提名者唔熟嘅話，請響提出意見之前睇過Special:Contributions/Detective Akai先。

討論[編輯]

支持

  1. 支持，佢入維基兩年就舉辦咗好多活動，寫咗好多好文，絕對值得做管理員。Geistory317 2022年8月21號 (日) 11:50 (UTC)[回覆]
  2. 內容有質素，亦願意和其他人有商有量，支持。Universehk (傾偈) 2022年9月1號 (四) 11:44 (UTC)[回覆]
  3. Support（sa̱p pōt） Dr. Greywolf (傾偈) 2022年9月7號 (三) 15:33 (UTC)[回覆]
  4. 支持，Akai博士對粵維貢獻良多，積極參與站務討論，對sysop嘅技術嘢亦都有了解，我認為佢有能力勝任呢一個職位。——Z423X5C6（傾偈） 2022年9月16號 (五) 15:14 (UTC)[回覆]
  5. 我唔係喺度好耐，不過我支持。⸺Al12si (傾偈) 2022年9月18號 (日) 02:16 (UTC)[回覆]

反對

中立

以上有關做管理員嘅討論係有關哩個討論嘅歸檔。請唔好再修改佢。之後嘅評論應該要喺相關嘅討論頁（例如喺哩一項提名或者喺被提名嘅用戶中）。唔好再喺哩一頁再做任何嘅編輯。
以下嘅討論係一個成功申請做管理員嘅歸檔。請唔好再修改佢。

Z423x5c6[編輯]

最後結果 (7/2/0) ，於 2021年9月10號 (五) 01:00 (UTC) 結束

Z423x5c6（留言 | 貢獻） - Z423x5c6經驗豐富，特別係對數學類貢獻良多，相信佢絕對可以勝任呢個角色。 Akai 博士 (傾偈) 2021年8月8號 (日) 12:44 (UTC)[回覆]

候選人，請確認接受提名：多謝Akai 博士嘅提名，我接受提名。

問候選人[編輯]

候選人你好，多謝你貢獻維基百科。請你答幾條問題，可以做到其他利用者嘅指引：

1. 你想做邊種操作員(sysop)嘅工夫？
A: 封鎖明顯嘅LTA戶口，刪除啲符合即刪標準嘅文章，簡單嚟講即係啲少啲機會錯嘅操作。
2. 你響維基百科有冇一啲特別滿意嘅貢獻？噉又點解呢？
A: 寫文嚟講，一篇係向量空間，譯咗篇其他語言嘅正文過嚟，另一篇P進數，雖然未寫完，但係真係喺寫嗰陣有思考，擺咗啲自己對呢個概念嘅理解落去。仲有就係生咗個仔(User:Z-StubSortBot)，叫佢幫手將啲楔位文章分類，我嘅理念係，將佢哋分咗類，可以令一啲有特定興趣或者專業嘅用戶可以易啲搵到啲短文嚟改進。
3. 你編輯嗰陣有冇遇過分歧，或者受過其他維基友壓力？你點處理？
A: 最近同一位IP用戶喺同佐治弗萊案有拏褦嘅示威呢篇文上面意見有啲分歧，最後係由管理員介入處理咗。
4. longway22嘅諮詢
本編輯有下邊一啲諮詢，希望閣下可以分享啲見解：
  1. 閣下認為以管理員角色，面對返部分專案討論出現咗較大爭議嘅時候，係可以點控制分歧同梳理一定嘅共識？
  2. 閣下如以管理角色去睇，會點去詮釋全域通行條文、本地條文、本地習慣共識同實踐之間嘅作用關係？唔成文嘅系統規範同成文/明文規範係咪有優劣嘅分別？唔含個人情緒，望根據返最近嘅個案提供理性睇法，另外，
  3. 假定以成文化再處理本地事務，以管理角色去睇，唔成文嘅系統規範、習慣、共識同實踐係可以點繼續落去？望根據返最近嘅個案同其他語維嘅情況詳述。
暫有上述諮詢，期望其他朋友都有進一步嘅思考。——Longway22 (傾偈) 2021年8月9號 (一) 00:09 (UTC)[回覆]
@Longway22：多謝你嘅問題，我嘗試下回答：
  1. 如果有爭議嘅話，首先睇吓管理員有冇喺議題上面發表過意見表明過立場，如果有嘅話就唔建議再執行任何管理員嘅操作，避嫌一下。如果無嘅話，管理員可以搵出爭論雙方都同意嘅點，一來可以向達成共識踏前一步，二來可以令雙方感受到溝通係有用嘅，為爭論嘅情緒降降溫，睇下可唔可以雙方各退一步，尋求共識。
  2. 頭一半唔係好睇得明。第二題同第三題一齊答：我嘅個人意見係，成文嘅規範好重要，但係係會變嘅，應該用嚟記錄最新嘅社群共識。記得以前睇過一個英文嘅flowchart，入面就係講其實每一次嘅編輯都可以係建立一個新嘅共識，如果一個編輯無被人反轉嘅話，呢個編輯就反映咗社群最新嘅共識；但係如果被反轉，就可以展開討論，最後亦都（希望）會達成新嘅共識。唔成文嘅共識其實可以攞出嚟，經過一啲短期嘅討論確認之後入文成為成文共識/規範。--Z423x5c6 (傾偈) 2021年8月9號 (一) 02:24 (UTC)[回覆]
    咁講法閣下係咪話唔成文嘅慣例、傳統同規範呢啲，唔算係可遵守嘅共識？係唯有成文規例先會防止唔守法嘅情況？ Longway22 (傾偈) 2021年8月9號 (一) 02:45 (UTC)[回覆]
    唔成文嘅慣例、傳統、規範、習慣等等等等，應該要遵守，但係當發生咗啲意外，大家覺得有啲事發生咗而呢件事係唔符合一啲唔成文嘅習慣嘅時候，管理員會好難作出一個大家都滿意嘅處理，一般用戶亦難以監察管理員嘅做法，最近User:特克斯特同User:WikiCantona嘅爭詏就係好好嘅例子。只有成文規例先能夠令管理員作出有效同埋有公信力嘅處理。--Z423x5c6 (傾偈) 2021年8月9號 (一) 03:07 (UTC)[回覆]
    即使成文嘅情況下，如果（同事實個案）仲係冇遵守、或有選擇嘅執行而導致不公出現嘅話，閣下認為仲可以點做先會打救到成套習慣、規例啲系統嘅效力？ Longway22 (傾偈) 2021年8月9號 (一) 03:14 (UTC)[回覆]
    如果有成文規則，管理員可以按指引保護文章，或者對唔守規則嘅用戶進行勸告、警告甚至係封鎖等嘅處理。至於「有選擇嘅執行而導致不公」，呢到應該係講緊管理員懷疑有失誤或者係濫權，呢種情況即使我有幸能成為管理員亦都唔可以話去「處理」，只能同其他管理員、事務員嚟討論，睇下應該點搞。--Z423x5c6 (傾偈) 2021年8月9號 (一) 14:05 (UTC)[回覆]
5. WikiCantona 嘅詢問，想知閣下對呢啲問題嘅見解：
  1. 閣下認為粵文百科維基整體有乜弊病？覺得管理員（唔局限於某人或可能成為管理員嘅你）有啲乜嘢可以做？
  2. 你個人對「善意假定」嘅演繹係乜嘢？
  3. 你對管理員（唔局限於某人）嘅期望係乜嘢？成作為一個管理員，你對你自己嘅期望係乜？--WikiCantona (傾偈) 2021年8月9號 (一) 04:32 (UTC)[回覆]
@WikiCantona：多謝你嘅問題，
  1. 話係弊病好似又嚴重咗啲，要我講有咩不足嘅話…其實我都係重覆返去面講嘅：未有完善嘅政策、指引。Akai兄推舉我嚟選管理員，我去睇Wikipedia:管理員閱讀一覽溫書，結果都有一堆係雞腸嚟嘅（Wikipedia:破壞、Wikipedia:中立嘅觀點、Wikipedia:車輪戰），你話死唔死。
  2. 「善意假定」就係善意假定，字面意思，不過重點係假定善意嘅同時亦都唔好被人蓄意濫用呢個指引，要能夠區分無心之失同蓄意破壞，相信呢點亦都會係我最需要學習嘅地方。
  3. 我期望管理員可以樹立良好榜樣，寬以待人嚴以律己，公平公正公開，正直不阿…（聖人模式講完）。如果我有幸成為管理員，我對自己嘅期望係可以分擔其他管理員嘅工作，並喺佢地身上學習，慢慢成為一個聖人模式大家認可嘅管理員。--Z423x5c6 (傾偈) 2021年8月9號 (一) 14:05 (UTC)[回覆]
6. 來自H78c67c嘅管理員知識提問：
  1. 技術上有乜嘢方法可以防止特定用戶修改部份或全部版面？
  2. 除咗上面條問題嘅工具之外，管理員仲有得用乜嘢額外反破壞功能？（舉一兩個就得。）
大致上都支持Z423x5c6嘅，呢兩題答啱證明有讀WP:管理員，答錯咗都可以當學下嘢。H78c67c·傾偈 2021年8月20號 (五) 01:20 (UTC)[回覆]
@H78c67c：多謝你嘅支持同埋你嘅問題，我試下答：
  1. 技術上可以封鎖或者係partial block，去防止某個用戶修改部份或者全部版面。
  2. 除咗封鎖用戶，亦都可以從文章頁面著手，一啲受到破壞、或者係重要嘅文章例如頭版、多文用嘅模，可以考慮保護或者半保護；另外如果真係有破壞發生咗嘅話，管理員可以刪除頁面或者反轉並刪除編輯摘要，呢兩個功能都係一般用戶無嘅。
Z423x5c6 (傾偈) 2021年8月20號 (五) 02:18 (UTC)[回覆]
7. 來自特克斯特嘅提問：
  1. 你對於涉嫌濫權嘅管理員呢個情況嘅取態係點？除咗恥於為伍外，你會唔會走去提醒 再警告 甚至封返一路濫權（又幾乎失控）嘅管理員？
  2. 如果一篇文大家有兩面意見，喺傾過之後（當然起碼有7、8個用戶參與討論 參與基數多），有理有據傾完之後，可以由多數用戶意見呢個指標去歸納討論大方向同搵到「共識」出嚟後，而少數人反對（例如甚至連三分一都唔夠），個少數人一路喺討論頁發表意見、各自論述。對於呢個情況，你會選擇跟住當下嘅「共識」去搬文、定抑或尤得個少數人喺到拖延，甚至離題發言無限期唔畀搬文？
  3. 如果你當選管理員後，喺討論頁睇到有用戶講嘅嘢有唔合理嘅地方（而申訴個方畀埋special diff去證明佢係冇錯），對方甚至係進入亂嚟嘅狀態（無中生有嘅指控 即係誹謗對方 或者亂發言），你會揀一路放縱亂發言嘅用戶，等大家睇落該用戶講得好啱 冇問題咁樣，定抑或首先提醒佢唔好咁做？情況持續，加埋警告後無效（當然唔係齋1次警告），你會唔會選擇封禁處理去維護討論氣氛、質素同保護被指控人嘅權益？特克斯特 (傾偈) 2021年8月27號 (五) 20:25 (UTC)[回覆]
    @特克斯特：多謝你呢啲咁緊貼「時事」嘅問題。
    1. 如果有管理員涉嫌濫權，提醒同埋理性討論好重要，封鎖就唔係咁可取，只會激化大家嘅情緒，無助處理事件。
    2. 如果係啲嚟搞笑、亂噏嘅嗰啲意見就唔使理，如果各自論述但係都有文有路嘅話，繼續討論亦無妨。
    3. 提醒同警告就一定要，不過我其實最想嘅就係粵維訂立返啲政策，等大家有個共識呢啲情況應該點樣處理，唔係就真係嘥哂啲時間去嗌交。
    ——Z423x5c6 (傾偈) 2021年8月28號 (六) 15:32 (UTC)[回覆]
感謝User:Z423x5c6嘅回答。針對住第3個問題再問，依家喺Talk:桑切斯同Talk:迪亞斯-卡內爾大家都係討論緊加點問題，如果有對方理解唔到個問題，亂咁詮釋協議，堅持己見，之後盲目反轉（喺迪亞斯-卡內爾）甚至將來涉事人唔避嫌出現封人同鎖文嘅情況，你會點做？如果發起埋個討論，有用戶仲係理解唔到件事，亂咁詮釋 堅持自己嘅詮釋（話乜就乜），仲用埋管理員權限做嘢，他日如果您成功當選管理員，你都有權限，咁您又會點做？出現呢類個話，至少會唔會介入討論同反轉佢嘅原管理嘅動作（包括鎖文同封人等可能出現嘅嘢）？以上。特克斯特 (傾偈) 2021年8月28號 (六) 22:41 (UTC)[回覆]
都多謝 Z423x5c6 閣下，啲 loaded questions 都答得咁好。我都想問，對於啲誅心論者嘅言論，我嘅講法係，將自己諗嘅嘢套人哋度，不斷發表嘅不盡不實嘅言論，閣下會點？。二，對一啲誣蔑嘅指控，例如指控其他用家造假、作嘢，你會唔會好似最近一次咁，要求指控一方道歉？ --WikiCantona (傾偈) 2021年8月28號 (六) 23:37 (UTC)[回覆]
@特克斯特、WikiCantona：多謝兩位嘅追問，或者我擺埋同一段答啦。如果有管理員涉嫌濫用權力嘅話，我見到一定會出聲。不過現時粵維嘅政策下好似係無講可以點樣去處理濫權嘅管理員，所以管理員嘅自律係好緊要。當然，如果大家想嘅話，亦都可以透過公眾諮詢社群傾計去完善相關嘅政策。至於反轉相關嘅管理動作就唔係太可取，因為噉樣會引起管理戰。
另外，講到話一啲誣蔑嘅指控，如果我見到而且對嗰個議題係理解、熟悉嘅話，我一定會出聲。
——Z423x5c6 (傾偈) 2021年8月30號 (一) 15:03 (UTC)[回覆]

4. @Z423x5c6：粵文維基之前都畀用家話過喺Category:即刻刪除候選入面嘅嘢好多時都係仲有一大堆嘢仲未刪，依家情況成日變咗做Wikipedia:刪文討論咁拖咗成幾個月甚至一年半載先至刪，未有效達致「即刻刪除」呢個原意同目的。我周不時都望下嗰個分類，根據個人經驗，我可以話係咁多年嚟都冇一日做到「清零」呢個情況（或者清到八九成）。對於呢個情況，候選人除咗望多啲Category:即刻刪除候選 睇下有邊啲新文係符合即刪 再做刪除工作，仲有啲咩方法同提議去改善呢個效率咁低同違法即刪原意嘅情況？或者畀著你係管理員，你自身亦會點做？特克斯特 (傾偈) 2021年9月6號 (一) 14:40 (UTC)[回覆]

@特克斯特：唔好意思咁遲先覆你，其實我見即刪候選入面好多都係啲專輯唱碟分類，處理方法應該一樣，要搞好快搞得掂。反而係有啲file要睇清楚個版權狀況再逐個處理。不過整體嚟講應該都可以好快搞得掂。——Z423x5c6 (傾偈) 2021年9月8號 (三) 13:46 (UTC)[回覆]

一般意見[編輯]

@WikiCantona、Z423x5c6、Longway22：Z哥響粵維都活躍左年半，雖然佢嘅閱歷、經驗係同眾多管理員前輩冇得揮；但我相信做管理員最主要都係睇侯選人嘅才能、觀點、活躍度，經驗唔應該係反對Z哥成為管理員嘅主要理由。Akai 博士 (傾偈) 2021年8月19號 (四) 09:28 (UTC)[回覆]
@Detective Akai：只係講啲一般意見，正反都有。經驗唔夠其實唔係好大嘅問題。亦希望多啲用家出嚟俾意見。--WikiCantona (傾偈) 2021年8月19號 (四) 09:43 (UTC)[回覆]
@Detective Akai：隔離維基個User:Jimmy Xu 15歲就已經做埋管理員添（好似係 睇隔離個「維基之最」就揾到），齋憑年資去判斷一個人夠唔夠料到又實在太偏差。Pokman817夠係年資多過佢，論參與討論程度咪又係低過Z兄好多。或者佢幾乎唔理其他嘢咁濟。齋做最基本嘅反破壞同開新文算數（呢啲嘢求其揾一個嚟做都得啦）。特克斯特 (傾偈) 2021年8月19號 (四) 17:23 (UTC)[回覆]
@特克斯特：事實證明，判定一個人適唔適合做管理員，唔應該淨係睇閱歷、經驗、年資（順帶一提 我年紀都唔大 同User:Jimmy Xu當選管理員個陣差唔多）。Akai 博士 (傾偈) 2021年8月20號 (五) 02:05 (UTC)[回覆]
  • @H78c67c、WikiCantona：你哋係未表態定係特登唔表態？翹仔 (傾偈) 2021年8月19號 (四) 22:57 (UTC)[回覆]
  • @Z423x5c6：，閣下而家同至少同一位用家有相當唔同嘅觀點嘅拗撬之中 （我同你嘅觀點唔同只參考材料上面嘅，冇問題）。希望你趁呢個機會，嘗試將自己當係管理員噉去處理件事，你可能會點做？ ？ --WikiCantona (傾偈) 2021年8月23號 (一) 06:31 (UTC)[回覆]
    @WikiCantona：其實觀點唔同（漢字vs唐字）嚟講，搵多幾位朋友嚟討論係一個可行嘅做法，亦都已經做緊，依家比較大嘅問題係件事演變成對幾位用戶（包括我，包括幾位管理員）形成所謂「利益集團」嘅指控。呢種輸打贏要、潑婦罵街、肆意污衊其他用戶嘅行爲先至係值得留意嘅。我嘅諗法係搵下其他唔牽涉嘅管理員，睇下呢種行為需唔需要去告誡或者警告。唔知閣下身為現職管理員，又點睇呢件事？Z423x5c6 (傾偈) 2021年8月24號 (二) 03:31 (UTC)[回覆]
    候選人係未有回答到任何問題，包括係提名人喺唐字討論過程度首先根據多數簡單表決嘅表面過程、即時總結提出voting多數表決壓制少數異見嘅討論，唔單止未有聲明退出或調停有關嘅多數表決不公正行為，而且有繼續違背埋目前候選案度候選人原本表述應該遵循嘅一定規範，依家未有公開尋求任何程序覆核、反為係持續混淆所有未有明晰候選案提名人造成後果嘅參與人同被提出有針對人等：希望閣下重新考慮，係應該點以第三方角度去處理利益衝突或其他打壓少數嘅不公行為。 Longway22 (傾偈) 2021年8月24號 (二) 04:09 (UTC)[回覆]
    「投票唔可以取代討論」並唔代表唔可以投票，而睇返Talk:唐字，所有投票嘅人都有參與討論，並唔係「擺低一票就走」。相反，閣下係相關課題嘅討論上面未能展示邏輯思考、理性討論嘅能力，每次只能夠以「討論唔應該由單一情緒化傾向嘅投票取代」、老屈用戶利益集團、「每本資料夾幾個字呢啲直頭發洩嘅說話完就算？」呢啲打稻草人、訴諸情緒嘅話語去回應，未能展示理性討論嘅能力或者意圖，希望閣下將來喺呢方面會有所改善。Z423x5c6 (傾偈) 2021年8月25號 (三) 01:46 (UTC)[回覆]
    @Z423x5c6：唉，我咪同你一樣差唔多，畀人話係「自把自為、濫用權力」同「地頭蛇」... 睇嚟都要未有涉及討論嘅用家幫手講公道說話。正如閣下所講，就交返俾其他人嘅自己諗啦。--WikiCantona (傾偈) 2021年8月24號 (二) 05:31 (UTC)[回覆]
@WikiCantona：「唉，我咪同你一樣，畀人話係「自把自為、濫用權力」同「地頭蛇」，你嘅意思好明顯係話緊User:Z423x5c6做過啲「自把自為、濫用權力」同Akai講嘅「地頭蛇」。如果情況屬實，我會即時改做反對票。至於「地頭蛇」言論係User:Detective Akai講嘅，呢點一定要問返Akai有冇講埋Z423x5c6都咁做過嘅意思。如果Akai嘅回覆係冇嘅話，即係證明情況失實，W君喺上面又一次亂講嘢、誹謗User:Z423x5c6。呢點亦都要Z423x5c6澄清返W君依家係咪拉埋你落水。如果W君話Z423x5c6真係做過呢啲嘢同埋證明到做過呢啲嘢，而大家照投支持票，咁即係亂嚟。反之，即係W君誣衊緊Z423x5c6。（係毫無後果誣衊他人）特克斯特 (傾偈) 2021年8月25號 (三) 22:28 (UTC)[回覆]
Um...我諗呢個係WikiCantona表達得唔好啫，佢應該係想講佢都同意「要搵多啲用戶嚟討論」。我只係普通用戶，無咩權力可言，「濫用權力」應該唔係講緊我（笑）。Z423x5c6 (傾偈) 2021年8月26號 (四) 03:21 (UTC)[回覆]
@Z423x5c6、特克斯特：Well...我本身係講W君同Longway22恃住自己係「地頭蛇」就將粵維變成「一言堂」（言下之意，我淨係話WikiCantona同Long君），我冇話過Z423x5c6喎。又係邊位人兄屈我啊？？？Akai 博士 (傾偈) 2021年8月26號 (四) 04:22 (UTC)[回覆]
@Z423x5c6、Detective Akai：又係我衰啦，「同你一樣」改成「同你差唔多」或「同你情況相似」畀人話...，意思清楚啲啦 :-P --WikiCantona (傾偈) 2021年8月26號 (四) 05:41 (UTC)[回覆]
本編亦冇維基權力阻止以上各位話本編同wikicantona係XXX嘅朋友自由參與，根據返各位開嘅大石砸死蟹（唔係，係地頭蛇）、各位都可以再搞投票決議強烈譴責或堅決打沉就係XXX嘅本編同wikicantona「反動地頭蛇」嘅議案，等本地社群睇睇諗諗 Longway22 (傾偈) 2021年8月27號 (五) 07:07 (UTC)[回覆]
  • 緊急臨時動議：2021年8月本地部分編輯突然集中到Talk:唐字度尋求改「漢字」取代「唐字」，過程度搞出一個一邊倒嘅所謂投票，同時包括提名人同候選人在內同呢度有份投支持票嘅部分編輯，劃一表態投支持票同時有強行拉高咗投票地位、貶抑衡常辯論研判等，認為係合乎多數暴力嘅表現。由於有關議案唔係選舉事務範疇，唔應該適用投票硬規則、而仍然要透過唔同論證意見嘅分析去尋找合適嘅共識位置，遺憾見到提名人、候選人等除咗參與投票而貶低參考資料外無任何有效意見、唔似可正常分析有關資料同做出適當反證評價，同時有其他利益關聯嘅表現，基於以上動議：宣佈本次候選案無效，同時要求提名人、候選人同有關參與投單一取態票人等向本地公開申報係咪存在關聯利益，以上。——Longway22 (傾偈) 2021年8月22號 (日) 04:34 (UTC)[回覆]
@Deryck Chan：User:Z423x5c6支持率有約77%，應該可以當選，麻煩事務員結案。Akai 博士 (傾偈) 2021年9月9號 (四) 12:04 (UTC)[回覆]

請畀建設性同有禮嘅評論。如果你對嗰位被提名者唔熟嘅話，請響提出意見之前睇過Special:Contributions/User:Z423x5c6先。

討論[編輯]

支持

  1. Support。Z423x5c6 佢不嬲都好幫到手，真係多謝嗮佢早排幫手 sort Wikipedia:基礎文章嘅嘢 + 幫手 sort 啲楔位文類 + 又有寫正文（向量空間）。Dr. Greywolf (傾偈) 2021年8月9號 (一) 04:02 (UTC)[回覆]
  2. 身為提名人一定要支持Z哥Akai 博士 (傾偈) 2021年8月9號 (一) 11:07 (UTC)[回覆]
  3. 支持，難得睇到粵維主動肯幫手開機械人大規模幫手執空位文章分類、錯別字嘅用戶（仲有佢嘅提議同計劃），又主動參與討論（縱使同佢主編嘅數學主題文無關都入嚟參與討論）。睇佢嘅寫文同發言內容頭腦算清晰、理解脈絡。特克斯特 (傾偈) 2021年8月10號 (二) 19:27 (UTC)[回覆]
  4. 支持，Z423x5c6貢獻咗唔少內容，由之前嘅討論同上邊嘅提問睇到佢有能力成為管理員。H78c67c·傾偈 2021年8月21號 (六) 00:33 (UTC)[回覆]
  5. 十扑。有少少嘢畀佢。1. Reserve judgement in complicated situation.（複雜情況唔好太早有結論）； 2. Be more civil when the facing uncivil.（對唔文明嘅用家做得更加文明）3. Initiate conversation.（有傾有講）。相信 User:Z423x5c6 閣下會成為一個好嘅 SysOp。--WikiCantona (傾偈) 2021年8月21號 (六) 03:44 (UTC)[回覆]
  6. 十卜。呢排冇擺好多時間喺維基，粵維就更加少，不過我都見過Z423x5c6嘅作風，會執文，寫文，加上上面講到佢會積極參與討論，相信值得支持下。（btw 要幾多成嘅票先會成功申請到做管理員，好似搵唔到邊度有寫）Sun8908（傾偈） 2021年8月23號 (一) 07:30 (UTC)[回覆]
    @Sun8908：其實無定明確切嘅百分比，而係「事務員會睇番之前嘅討論係唔係有一個大致上嘅共識（喺呢一度嘅共識閥值大約係有百分之 75 到 80 嘅支持）」H78c67c·傾偈 2021年8月23號 (一) 20:58 (UTC)[回覆]
  7. 十卜。講嘢有理，有顧事實，有努力執文寫文。-Cangjie6 (傾偈) 2021年8月28號 (六) 16:11 (UTC)[回覆]

反對

  1. 理解被提名人嘅偏向，考慮返對應嘅資歷、個案、傳統同爭議等等嘅唔同因素，包括被提名人初接受提名前表態係仲有未適任嘅因素，綜合埋本案嘅諮詢陳述，暫時認為本提名案未有足夠嘅基礎支持被提名人適任呢個角色：被提名人適宜參與長啲時間嘅唔同維基編輯活動、以積累多啲適切嘅經驗等，呢個亦係滿足返被提名人初始表態嘅自我增值意願，相信喺本案被提名人充分掌握返維基有關嘅系統精神同內龍後再競逐呢個角色、有助被提名人同本地社群等係提升到更好嘅level度再發威。另外支持被提名人喺本地申請返譬如協助巡查、反轉等權限，本編亦願意附名推薦，認為賦予返被提名人相應嘅自我增值機會，係會回應返被提名人表達嘅意願，同時亦係有助返本地有多啲唔同角色擔當分輕返一啲事務工作。——Longway22 (傾偈) 2021年8月10號 (二) 01:17 (UTC)[回覆]
  2. 只玩程序，不作貢獻，官僚主義，絕對不可做管理員，事例： https://zh-yue.wikipedia.org/w/index.php?title=%E5%90%8C%E4%BD%90%E6%B2%BB%E5%BC%97%E8%90%8A%E6%A1%88%E6%9C%89%E6%8B%8F%E8%A4%A6%E5%98%85%E7%A4%BA%E5%A8%81&diff=1673789&oldid=1672957 。--點樣 (傾偈) 2021年8月21號 (六) 08:38 (UTC)[回覆]
    信口雌黃，反應過敏，無合理因由就要管理員對用戶採取行動，事例 https://zh-yue.wikipedia.org/w/index.php?title=Wikipedia:管理員留言板&diff=1689507&oldid=1689421 。--點樣 (傾偈) 2021年8月29號 (日) 20:24 (UTC)[回覆]

中立

以上有關做管理員嘅討論係有關哩個討論嘅歸檔。請唔好再修改佢。之後嘅評論應該要喺相關嘅討論頁（例如喺哩一項提名或者喺被提名嘅用戶中）。唔好再喺哩一頁再做任何嘅編輯。
以下嘅討論係一個成功申請做管理員嘅歸檔。請唔好再修改佢。

H78c67c[編輯]

最後結果 (6/0/1) ，於 2020年8月11號 (二) 01:00 (UTC) 結束

H78c67c（留言 | 貢獻） - H78c67c 喺 2016 年加入粤文維基百科以嚟，積極貢獻，開唔少文，又積極參與版務討論。佢亦有貢獻其他維基媒體站點，除咗粤文維基百科嘅3000幾次貢獻，仲有貢獻粤文維基辭典同中文維基百科。粵維上一次推舉新管理員已經係兩年前，所以今次推舉 H78c67c，希望大家支持，多雙手好辦事。 翹仔 (傾偈) 2020年7月9號 (四) 16:05 (UTC)[回覆]

候選人，請確認接受提名：我接受提名。H78c67c·傾偈 2020年7月10號 (五) 06:37 (UTC)[回覆]

補充多句：我見到最近粵文維基百科呢度發展得好快，刪文討論等等嘅地方又有好多嘢要搞。我希望做到管理員之後，可以幫手分擔下。我喺粵文維基辭典度有臨時管理員嘅權，識得用MediaWiki嘅管理工具，算係有啲經驗。H78c67c·傾偈 2020年7月10號 (五) 15:04 (UTC)[回覆]

問候選人[編輯]

候選人你好，多謝你貢獻維基百科。請你答幾條問題，可以做到其他利用者嘅指引：

1. 你想做邊種操作員(sysop)嘅工夫？
A: 唔同類型嘅嘢我都想幫下手，尤其係刪文、收埋指定修訂、封啲搞搞震嘅人、反轉破壞等等。H78c67c·傾偈 2020年7月10號 (五) 07:21 (UTC)[回覆]
2. 你響維基百科有冇一啲特別滿意嘅貢獻？噉又點解呢？
A: 我雖則寫過唔同主題嘅文，但我比較滿意嘅係啲反破壞方面嘅貢獻。雖然寫百科文章內容好緊要，但有人喺文章背後維修同反破壞都好重要。另一個原因就係覺得自己寫嘅文（尤其係開戶口無幾耐開嘅文）仲有好多可以改善嘅地方，相比之下唔算係我最滿意嘅貢獻。H78c67c·傾偈 2020年7月10號 (五) 15:58 (UTC)[回覆]
3. 你編輯嗰陣有冇遇過分歧，或者受過其他維基友壓力？你點處理？
A: 咁耐以來我編輯嗰陣都無點遇過分歧，不過如果有嘅話我都會首先平心靜氣，同其他維基友傾下。H78c67c·傾偈 2020年7月10號 (五) 15:04 (UTC)[回覆]
4. longway22嘅諮詢
本編輯並唔係幾瞭解H78閣下，呢度就著呢個交互意見嘅契機，有下邊一啲諮詢，希望H78閣下可以分享啲見解：
  1. 如果擔任咗管理員，H78閣下係具體點去處理啲刪除案、移動案？
  2. 對於部分專案，如有較大嘅爭議，討論時H78閣下認為以管理員角色，係可以點控制分歧同整理共識？
  3. H78閣下如以管理角色去睇，會點去詮釋全域通行條文、本地條文、本地習慣共識同實踐之間嘅作用關係？
    補充：呢度大概再舉下例，譬如話本地收文嘅標準相對唔係好嚴格，本地又係鼓勵寫多啲文嘅。咁樣一個較寬鬆嘅基調度，到咗再訂立收文規例時候、或傾具體嘅收文事宜之類，就著上邊本編講到嘅幾樣事幹，大概會係點去分析。——Longway22 (傾偈) 2020年7月19號 (日) 01:03 (UTC)[回覆]
暫有上述諮詢，期望粵維其他朋友都有進一步嘅思考。——Longway22 (傾偈) 2020年7月14號 (二) 03:26 (UTC)[回覆]
@Longway22：你嘅問題可能有啲抽象（最後一題特別係），可能嘅話，可以指出一個半個實例，會易答啲。--WikiCantona (傾偈) 2020年7月18號 (六) 22:24 (UTC)[回覆]
@Longway22：多謝你嘅提問。最近現實生活比較忙，隔咗咁耐先回答你嘅問題，非常抱歉，希望你諒解。以下係我嘅睇法：
  1. 刪除案如果符合即刻刪除嘅標準嘅話，可以直接刪走。刪除案同移動案嘅討論如果有明顯共識都可以依共識刪版、留版或者搬版。如果拗得激烈嘅話，會同其他管理員商討下，同埋控制分歧：呢一方面我下一點會講。
  2. 以管理員嘅身分去控制分歧嘅話，我相信主要都係提醒參與討論嘅人留意政策同規則。睇返近年嘅刪文討論等，都有幾項拗得比較激烈，同呢度嘅WP:收錄指引有頗大關係。遇到嗰啲情況，我會提醒返措辭語氣唔恰當嘅維基友冷靜。如果討論唔算太耐，我唔會特別夾硬達成共識，皆因討論若然係和平進行，具建設性，可以促成啲新嘅政策，對粵維嘅發展都有益。
  3. 反反覆覆睇咗幾次，都係唔係好睇得明你嘅問題，希望你可以再解釋下，唔該晒。
以上。H78c67c·傾偈 2020年7月27號 (一) 04:53 (UTC)[回覆]
@H78c67c：多謝閣下嘅回覆。最尾一個議題可能係有啲複雜，範疇係涉及咗成個維基發展嘅機制。就閣下提到本地嘅WP:收錄指引，條文係唔同全域嘅規例、有著契合返本地習慣兼共識嘅特色。相信本地一般上實踐唔會有爭議，不過個人係認為未來實踐、本地習慣規例有新嘅挑戰要面對，所以就提出咗呢個議題。
譬如維基度較為完整嘅查證規例，就本地嘅體系而言未必係非常之適用，需知就本地收文嘅關注度，唔少嘅資訊來源未必適用呢套查證體系。如果收文中有查證方面嘅問題、矛盾出現咗，會係點樣睇個爭議？呢個係再就第三個議題補充返，閣下可以就查證嘅案例路線，講下對條文、習慣、共識同實踐嘅關係處理。——Longway22 (傾偈) 2020年7月27號 (一) 05:18 (UTC)[回覆]
理解要完全理解有關嘅議題可能仲有啲困難，個人姑且保留意見先。或者留喺度當做本地嘅一個開放式課題，相信未來係會要不定時嘅思考返，期望粵維人係唔會喺發展入邊停低腳。——Longway22 (傾偈) 2020年8月5號 (三) 01:26 (UTC)[回覆]

一般意見[編輯]

請畀建設性同有禮嘅評論。如果你對嗰位被提名者唔熟嘅話，請響提出意見之前睇過Special:Contributions/H78c67c先。

討論[編輯]

支持

  1. 多個管理員唔錯。我贊成。Akai 博士 (傾偈) 2020年7月10號 (五) 07:38 (UTC)[回覆]
  2. 提名人表示支持。翹仔 (傾偈) 2020年7月10號 (五) 16:54 (UTC)[回覆]
  3. 有啲管理員已經潛咗水，多一個人做嘢係好事。--WikiCantona (傾偈) 2020年7月12號 (日) 21:15 (UTC)[回覆]
  4. 我覺得冇問題。唔重要嘅人 (傾偈) 2020年7月13號 (一) 15:40 (UTC)[回覆]
  5. 管理員多一個好好1+1=100 *** (傾偈) 2020年7月17號 (五) 09:27 (UTC)[回覆]
    第五票似係新賬，可能要仔細考慮係咪納入正式嘅計票。本地似唔見有好嚴格嘅投票門檻，唔知有冇要以編輯嘅活躍程度去篩選啲票。——Longway22 (傾偈) 2020年7月17號 (五) 11:19 (UTC)[回覆]
    粤維唔活躍，so唔使 1+1=100 *** (傾偈) 2020年7月17號 (五) 11:29 (UTC)[回覆]
  6. 越多管理員可以加強管理粤維嘅效率Jeffrey Kim (傾偈)2020年7月17號(五) 17:42(UTC)

反對

中立

  1. 個人保留著啲意見先。希望候選人同粵維人，都可以唔停咁思考，唔單止係本案入邊嘅議題。最緊要係一齊行落去。——Longway22 (傾偈) 2020年8月5號 (三) 01:28 (UTC)[回覆]
以上有關做管理員嘅討論係有關哩個討論嘅歸檔。請唔好再修改佢。之後嘅評論應該要喺相關嘅討論頁（例如喺哩一項提名或者喺被提名嘅用戶中）。唔好再喺哩一頁再做任何嘅編輯。

歸檔[編輯]

要睇吓以前完整嘅提名，請參閱Wikipedia:管理人員任免記錄。

由「https://zh-yue.wikipedia.org/w/index.php?title=Wikipedia:當選無耐嘅管理員&oldid=1885347」收