Wikipedia:維基百科你唔知嘅十件事

維基百科你唔知嘅十件事係篇便覽。生手諸如記者、新編者及讀者，初用維基百科，所知有限，此篇便覽，解釋下百科如何運作。文講嘅嘢，熟手來講，係老生常談，無乜驚奇，但要同世人解釋我哋做嘅嘢，篇文可以到幫手。

更多資料： http://zh-yue.wikipedia.org/wiki/Wikipedia:關於

我哋唔會賣畀人

1. 如果你等緊維基百科，畀隔籬嘅網絡巨人收購，你就唔使等喇。維基百科，並非商業網站。佢係維基媒體基金會所搞，基金會係非牟利組織，設響美國三藩市，受美國國稅法入便 501(c)(3) 類規範。我哋靠捐款同政府撥款維持，以帶畀世人知識爲己任，免費兼自由，人人皆可得。

   更多資料： http://wikimediafoundation.org/

我哋作品任人用，只要遵守少少規則

1. 維基百科，啟發自自由軟體社群（包括 GNU / Linux 同 Mozilla Firefox），運用冇咗傳統版權限制。相反，我哋用知識共享 署名-相同方式共享 3.0協議同GNU自由文檔許可證作為版權協議。我哋用戶創作嘅文同作品，通通畀得抄、改同散發出去，永遠有效，只要須註明參與創作嘅人，同埋你所改所加，版權協議相同，人人都可以照用，你無得另加限制。網內圖文畫聲，種種多媒體作品，都係用自由內容授權，或者歸公有領域。只要睇睇檔案描述頁，就知佢嘅授權類型。

   更多資料： Wikipedia:版權

我哋唔單只講粵語…

1. …以及其他大約 250 種語言。冇錯，目前其中只有大約 90 種語言版本嘅維基百科有超過一萬篇文章 ── 唔係我哋冇努力，每種語言版本嘅產生同發展文章嘅方式都同其他語言版本有啲唔同，即使有啲語言版本係直接由其他語言翻譯過嚟，但係翻譯都係由志願者，而唔係由機器翻譯做嘅。維基媒體基金會目前已經喺七個國家裏面各自獨立運作嘅地方分會，而且規模繼續增長，重喺度幫手令各地對計畫嘅關注。好多國家中，包括美國，維基百科都係名列前十名嘅大熱門網站。

   更多資料： http://meta.wikimedia.org/wiki/List_of_Wikipedias 同埋 http://www.alexa.com/data/details/traffic_details?q=&url=wikipedia.org

你實際上唔可以改維基百科嘅所有嘢…

1. …你淨得增加內容。維基百科嘅設計可以保存所有修改嘅資料。今日你讀到嘅文章就好似一份最新鮮嘅草稿一樣；每次修改時，新舊版本都一齊保留起嚟。呢個做法可以畀我哋比較到唔同版本之間嘅分別，又或者有需要嗰時將文回復到舊嘅版本。作為讀者，你可以引用佢任何嘅版本，只要喺畫面左面嘅「工具箱」中撳「永久連結」，就可以連到嗰篇文章版本嘅網址，佢嘅內容永遠都唔變。（不過假設嗰篇文畀人刪嘅話，你嘅永久連結網址亦都會冇用，除非你係一個管理員。）

   更多資料： Wiki

我哋深入關心我哋作品嘅質素

1. 維基百科有一連串複雜嘅政策同品質管理程序。編輯者可以立即檢查其他使用者做嘅每項改變、睇實佢有興趣嘅議題、追蹤某個用戶嘅之前貢獻、將問題文章加入自己睇實嘅名單裏面方便日後搵番嚟睇、回報破壞行為、同第啲使用者討論每篇文章嘅好壞，重有好多好多。我哋會頒個「是日正文」嘅銜頭畀最好嘅文，有問題嘅頁就會俾人提名刪。「維基專題」嘅目標係提升某個特定領域議題嘅文章品質。非常正嘅文有可能會喺其他媒體流通，或者透過 Wikipedia 1.0 計畫發畀學校（粵語維基目前冇籌畫 Wikipedia 1.0 嘅計畫）。我哋真係想喺內容方面做到盡善盡美，而一直都諗緊新方法做到呢樣嘢。

   更多資料： Wikipedia:社區大堂、Wikipedia:點解維基百科係好嘅、Wikipedia:歸屬同埋Wikipedia:求證得到

我哋冇要求你信我哋

1. 維基百科係一部無時無刻都變緊嘅作品，喺本質上就會有兩類文同時存在：有極高嘅學術價值嘅，有啲可以話係完全冇用嘅垃圾，呢點我哋完全明。當然，我哋儘量將啲差文嘅比例降到最低，同埋整啲方法畀你知某篇文嘅品質。即使維基百科喺最好嘅狀態，始終係一本百科全書，有百科全書一切應有嘅限制。文一定唔可以係原創。我哋請求你唔好因為維基百科本身嘅條件限制而諸多批評，希望你喺用嘅時候抱持住一種認知嘅態度，知道佢係啲乜唔係啲乜。另外，由於某啲文可能有錯，所以千祈唔好用維基百科嚟做重要決定。

   更多資料： Wikipedia:一般免責聲明

我哋唔係得一個

1. 維基百科係增長緊自由知識運動嘅一部份，並已經開始滲入科學界同教育界。除咗維基百科之外，維基媒體基金會重有其他八個姊妹計畫：維基詞典（多語言嘅字典同詞典）、維基文庫（文獻紀錄同圖書館）、維基共享資源（一個儲咗超過一百萬筆圖片、影片同埋聲音檔案嘅媒體資料庫）、維基教科書（教科書同埋手冊資料庫）、維基大學（互動式學習資源）、維基新聞（全民可參與嘅新聞網站）、維基語錄（名人名言嘅集錦）以及維基物種（所有生物嘅物種資料庫）。好似維基百科，呢啲計畫全都用咗自由內容授權條款同埋開畀所有人去編輯。

   更多資料： http://wikimediafoundation.org/wiki/Our_projects

我哋只係資料收集者

1. 維基百科上嘅文係唔會簽名，貢獻者亦都係唔收錢嘅志願者。無論你話你係一個教授、用真名或者假名，你嘅編輯同論點都會根據佢本身優劣受到評判。我哋要求文中所有重要論點都必須註明亦要可以查到出處，而且我哋唔畀編者發表個人結論。所有編者都必須實踐「中立觀點」呢個原則；佢哋必須收集可以追蹤至可靠來源嘅意見。

   更多資料： Wikipedia:五大支柱， Wikipedia:求證得到

我哋唔係獨裁者，亦都唔係其它嘅政治系統

1. 維基媒體基金會嘅控制者係理事會，根據規定大部份成員必須由維基媒體社群裏面選出嚟。理事會同維基媒體基金會嘅工作人員唔會涉編輯嘅事，每項維基媒體計畫都有各自獨立管理同埋以輿論做導向。維基百科嘅創辦人占美威爾斯偶然會做英語維基百科嘅最終仲裁人，但係佢嘅影響力係基於佢嘅威信而唔係權力；佢嘅決定只有喺唔牴觸廣大社群嘅意見先會有效。維基百科唔只透明公開，亦會自我檢討；所有拗撬都公開辯論，甚至有某啲爭議到達一定程度重要性時，會紀錄喺維基百科本身嘅文裏面。

   更多資料： 維基百科嘅批評， Wikipedia:維基百科唔係

我哋將會長命百歲

1. 就算維基百科冇演變成更重要嘅網頁，我哋都希望佢至少會存在一百年。所有關於維基百科嘅一切都會向住呢個方向努力：我哋嘅內容授權方式、組織同管理模式、國際化目標、基金籌募策略、開放原始碼軟體嘅使用以及我哋為達成呢啲目標而努力不懈。我哋希望你想像一個每個人都能夠自由咁分享一切知識嘅世界。呢個就係我哋嘅信念──而我哋需要你幫手。

   更多資料： http://wikimediafoundation.org/

睇埋

• Wikipedia:你對維基百科圖像唔知嘅10件事