Wikipedia:翻譯

以下係一個提議緊嘅維基百科政策、指引，或者程序。個提議 可能重響度討論緊，又或者響度取得Wikipedia:共識中。響呢一版嘅參考或者連結係唔應該用作佢哋嘅「政策」。 一個提議嘅接受或者拒絕係唔會按照數票數而去決定。

翻譯

粵語維基百科同其他話嘅維基百科時不時會由外文譯嘢，久唔久就遇到啲問題。呢處收集一啲常見嘅疑難同解決方法，作為喺寫文時一啲指引同參考，但係請記住喺未有共識之前，以下所講嘅嘢只算係一個未落實嘅建議，只可以作為參考用途。

名

名包括人名、地名、國名、產品名。基於唔收原創嘅原則。譯名以現成、最普及嘅名做依歸。冇嘅話用原文、唔好自己安個名畀佢。有得拗嘅亦可以用原文。

現成同最常用

譯名要係現成、最普通、最常用、人人識就最理想。

粵音為準

由於唔同地區，對同一個名有唔同譯法，喺揀譯名嘅時候，除咗最普通最常用之餘，應該考慮同粵音相近嗰個。例如：en:James Dean 咁用占士甸好過 zh:詹姆斯·狄恩；喺 en:Jane Austen 度珍奧斯汀比 zh:簡·奥斯丁好得多。

冇譯名，用原文

冇譯名或者暫時未搵倒，千期唔好自己幫佢整個廣東話譯音，可能好好玩，不過係唔合非原創嘅基本原則，用返原文個（啲）名。例：Egyptologist Zahi Hawass → 木乃伊學家喳謙夏哇時 係唔啱嘅。

有得拗，用原文

有啲名有唔同嘅譯法，係拗緊要嘅話、又唔見有共識，可以用原文嘅名。例：TTC - 多倫多公車局定係交通局呢，兩個都有人用，不過冇共識，咪用英文原名。

有人會用先到先得嘅原則，以為篇文個名起咗就係佢嘅，人改就好似人家係仇人，文章名唔係起文章嘅人擁有嘅，之後係可以改嘅，係冇「生人霸死地」呢回事。只要有其他嘅諗法、就應該齊齊傾，傾掂就改。

唔一定用中文名

粵語維基百科唔一定用中文名。有啲產品跟本就唔用譯名、所以唔駛多手幫佢譯。中、英、外文、符號、數字夾雜嘅名，只要有需要，係無問題嘅。例：Grothendieck-Teichmüller羣，升le。

文

意譯

一般文譯意思比較好。呢個情況特別喺有中文維基拎過嚟嘅文，皆因呢啲文都好長，所謂嘅標準漢語書面語文法同粵語有好多唔同嘅地方，用意譯好得多。

直譯

一啲技術啲嘅、有多專有名詞嘅文最好就係直譯。

名句、金句

一啲文學名句、名人金句，好多時因為講嘅嘢抽象，可以引伸出好多種唔同解釋，假如引用名句、金句，最好用現成譯法，用返相關中文書入面嘅譯法

---

要求屬翻譯嘅頁

翻譯/圖像請求	翻譯/存在同埋時間	翻譯/孫文
翻譯/密鋪平面	翻譯/詩經

---