最緊要正字

出自維基百科,自由嘅百科全書

最緊要正字》(More than Words)係香港無綫電視嘅一個電視節目,響2006年10月15號星期日首播,一個星期播一集;響12月16號起,改響星期六播出。節目係由王貽興徐淑敏同埋沈卓盈主持。其中嘅內容有講解其中嘅錯別字同埋正字加上佢嘅用法,重有考吓啲嘉賓寫嘅字係唔係正字。響呢個節目度,亦都包括咗有關傳統字同化字之間嘅差異同埋用法。

批評[編輯]

個節目出咗之後,有唔少人批評呢個節目其實係「正字為名、正音為實」,或者覺得根本係何文匯教授推行嗰套正音活動嘅延續。而當中以王亭之特別激烈,極力反對何文匯提出嘅粵語正音,佢因為咁而搞咗個粵語文化傳播協會

由於《最緊要正字》嘅成功,令「寫正字、讀正音」嘅風氣越嚟越勁,亦令到香港好多文化人都開始關心「正音」嘅影響力。而呢種影響已經由規範書本嘅「文讀」去到「白讀」(即日常語音),甚至香港中學會考中文科口試亦都以何文匯提倡嗰套「正音」為標準。粵語文化傳播協會重罕有咁寫信畀特首曾蔭權,要求當局正視問題 [1] [2] [3]

亦有人喺 Blogger 度寫咗一系列對《最緊要正字》嘅批評 [4] [5] [6]

參考[編輯]

  1. . 原著喺2007年5月10號歸檔. 喺2007年5月9號搵到.
  2. . 原著喺2009年2月17號歸檔. 喺2007年6月16號搵到.
  3. . 原著喺2020年3月27號歸檔. 喺2007年6月16號搵到.
  4. 新春秋 Pandemonium 「正音正字」系列
  5. 《最緊要正字》指瑕篇
  6. 談粵語正音

出面網頁[編輯]