龍珠

出自維基百科,自由嘅百科全書

龍珠日本嘅一套漫畫鳥山明作品。故事中,龍珠一共有七粒,散落喺地球唔同嘅角落。集齊七粒龍珠嘅人就可以呼喚神龍,請求佢為佢達成願望。內容講述主角喺深山長大嘅孫悟空遇上搵龍珠的嘅少女科學家莊子,一齊上路踏上搵龍珠嘅旅程。

故事特色[編輯]

故事中有唔少概念都係來自中國吳承恩西遊記,例如︰

  • 西遊記同龍珠中嘅主角都係叫做孫悟空,兼且都有尾。
  • 西遊記中有筋斗雲、如意棒,龍珠中嘅孫悟空都有筋斗雲、如意棒。
  • 西遊記有牛魔王火焰山芭蕉扇,龍珠亦都有。
  • 西遊記有豬八戒,龍珠亦有叫做八戒嘅豬角色。

主要角色[編輯]

可以睇埋中文維基龍珠角色嘅命名藍本同譯名列表

  • 孫悟空
    • 故仔嘅主角,可以話角色中最強嘅一位,同比達係死敵亦係出生入死嘅朋友。
    • 撒亞人,原名「格古洛」,喺比達星出世,細個被送到地球,之後被孫悟飯爺爺收養並且改名「孫悟空」。不過比達等(純種)撒亞人仍然叫佢做「格古洛」。
    • 喺打布歐時可變超級撒亞人3,後來進化成超級撒亞人藍
    • 龍珠GT(非正史)變超級撒亞人4。
  • 莊子
    • 身材好好嘅一個女人,係比達嘅老婆,經營膠囊公司。
  • 無限(亦有叫無閑)
    • 18號嘅老公,係悟空嘅好朋友,細個時可以同悟空過兩招。
    • 自從悟空變到超級撒亞人後兩個人嘅實力差距以幾何級數拉遠。
  • 烏龍
    • 二打六一個,同龜仙人一齊住,性格咸濕。
  • 阿樂(沙漠大盜,亦有叫飲茶)
    • 悟空、無閑等人嘅好朋友。實力可能比無閑重要低少少,戰鬥力44,又係二打六一個。
  • 佩兒
    • 阿樂嘅伴,同八戒係同學亦係死對頭。
  • 孫悟飯爺爺
    • 悟空被送到地球後收養悟空嘅人,悟空叫佢做「爺爺」,故仔開始前已經死咗。
    • 為咗紀念孫悟飯爺爺,悟空將大仔改名做孫悟飯。
  • 龜仙人
    • 悟空、無閑同阿樂嘅師父,早期教授悟空龜波氣功。
    • 愈老愈咸濕,得閒會睇咸書。
    • 戰鬥力139~180
  • 鶴仙人
    • 龜仙人嘅死對頭。
    • 戰鬥力120
  • 天津飯
    • 本來係鶴仙人徒弟,早期悟空嘅敵人,喺第22屆天下第一武術大會贏過悟空,之後就成為朋友。
    • 二打六中算係實力唔錯嘅一個,悟空嘅太陽拳都係喺佢度學返嚟。
  • 餃子
    • 天津飯嘅伴,原本係鶴仙人徒弟。
  • 天神
    • 拿美星人(龍族),原名加達,地球天神,最終同笛子魔童合體。
    • 地球嘅龍珠就係天神造出嚟,而GT版嘅終極龍珠(黑星龍珠)係喺天神同笛子大魔王分體前造出嚟。
    • 戰鬥力400
  • 笛子大魔王(ピッコロ大魔王)
    • 由天神嘅惡念產生,理想係統治世界,最後俾悟空打低。
    • 戰鬥力330
  • 笛子魔童(ピッコロ)
    • 由大魔王臨死前所生嘅蛋孵出,後來同天神合體。
    • 本來係延續大魔王,喺第23屆天下第一武術大會輸畀悟空,後來較偏向正義嗰邊。之後重同孫氏一家好好朋友,重做埋孫悟飯師傅,算係龍珠角色中嘅長輩級人物。
    • 實力幾強,大概比第一級嘅超級撒亞人強啲。
    • 喺GT版中為咗消滅終極龍珠而犠犠牲性命,而且為咗協助悟空而自願落地獄。
  • 芝芝(チチ)
    • 悟空嘅老婆,性格霸道,惡死。終日胡思亂想,成日係都迫悟飯讀書做功課,要悟飯成為一個學者。身材冇比達老婆咁正。
  • 比達(ベジータ)
    • 撒亞人王子。個性高傲,目標係成為宇宙最強嘅戰士。由於曾經響地球俾悟空打敗,所以對佢有份執着。
    • 喺打布歐時可變超級撒亞人2,後來進化成超級撒亞人藍
    • 龍珠GT(非正史)變超級撒亞人4(不過要靠電波至變到)。
  • 孫悟飯
    • 悟空大仔,一嬲就會爆發佢強大嘅力量。曾經同魔童修練,好鍾意魔童。但喺GT版變咗做一個二打六。
    • 喺打布歐時可變終極悟飯。
  • 孫悟天
    • 悟空細仔,同大佬悟飯嘅勤力相反,係大懶蛇一個。
  • 北界王
    • 悟空喺陰間嘅師父,傳授界王拳同元氣彈畀悟空。
    • 地位喺天神同閰王之上,界王神之下。
    • 鍾意講笑話,不過大多係爛gag。
    • 戰鬥力3,500
  • 菲利
    • 宇宙霸王,曾經令悟空等人非常頭痛。
    • 改造後,以為可以報仇,點知俾杜拉格斯(未來版)一劍劈開兩邊。
    • 第一階段戰鬥力53萬,後來進化成黃金菲利
  • 古拉
    • 宇宙霸王菲利嘅阿哥,喺龍珠Z劇場版分別喺最強對最強做反角,後期死後又復活變成金屬古拉,並喺一百億能量戰士再做反角,最後俾超級撒亞人嘅悟空同比達消滅。
  • 精英軍團(傑紐特戰隊)
    • 傑紐(又名基紐)
      • 菲利大王嘅精英軍團隊長,喺菲利篇實力好強,僅次於菲利大王,除此之外重有轉換人哋身體嘅絕招,最後搞到自己做咗隻青蛙。
      • 戰鬥力120,000
    • 捷斯
      • 菲利大王嘅精英軍團成員之一,好似好強,絕招要同畢特一齊出,叫做青紅光球,但一樣唔夠悟空打,最後俾比達殺死。
      • 戰鬥力48,500
    • 畢特
      • 菲利大王嘅精英軍團成員之一,自認速度最快,但唔及悟空,最後又俾悟空打低。
      • 戰鬥力49,000
    • 力高
      • 菲利大王嘅精英軍團成員之一,絕招係力高重鎚,打到比達悟飯無閑佢哋收晒皮,但最後俾悟空一鎚搞掂。
      • 戰鬥力50,000(嗰時比達戰鬥力40,000,悟飯戰鬥力22,000,無閑戰鬥力20,000,悟空戰鬥力70,000~95,000)
    • 古杜
      • 菲利大王嘅精英軍團成員之一,實力係五位當中最弱,有時間停頓嘅超能力,最後俾比達殺死。
      • 戰鬥力16,000
  • 撒旦
    • 大話武術冠軍,佢嘅運氣好到無人能敵。
    • 喺龍珠二世後期(打原版布歐嗰時),真真正正做咗一次救世主,連悟空都佩服佢,戰鬥力23。
  • 比迪麗
    • 撒旦個女,悟飯個初戀同老婆。
    • 婚前係一個俠女,婚後相夫教女。
  • 天迪
    • 接替天神做地球天神嘅娜美星人,冇戰鬥能力,但係識醫人。
  • 杜拉格斯(トランクス)
    • 比達個仔,算係撒亞人王族後裔,醒目仔一名。
    • 分現代版同未來版。現代版最初以BB仔身分出場,係GT版初期嘅第二男主角。
    • 而未來版杜拉格斯係「最後戰士」,曾經一招打低菲利(改造後)同斯路(未來嘅第一形態)。
  • 斯路
    • 基洛博士嘅最強人造人,要吸收17號同埋18號去變成完全體。完全體嘅佢實力更係一絕,但最後俾悟空悟飯兩仔爺合力打低。
  • 18號
    • 基洛博士嘅人造人,喺未來度殺咗好多人,包括比達同悟飯等龍珠戰士(杜拉格斯係唯一嘅生存者)。
    • 曾經俾斯路吸收,但斯路俾悟飯打到嘔番佢出嚟。
    • 喺過去係一座冰山,最後俾無閑嘅愛融化,重相夫教女。
  • 16號
    • 基洛博士嘅人造人,實力勁過嗰時嘅17號同18號,不過係失敗之作,因為佢係愛和平主義者,一直只為殺孫悟空而存在。後來佢俾膠囊公司改造,最後俾斯路摧毀。不過佢激起悟飯嘅鬥志,殺咗斯路。
  • 17號
    • 基洛博士嘅人造人,同笛子魔童(已經同神合體)打成平手。
    • 俾斯路吸收咗,但之後因為神龍畀斯路殺嘅人復活而復活。
    • 喺GT版同地獄17號合體成超級17號。原本兩個都唔喺好勁,合咗體之後就超勁,打低晒啲龍珠戰士(包括超級撒亞人4狀態嘅悟空)。之後喺18號幫拖之下,悟空一招龍拳就搞掂咗佢。
  • 19號
    • 基洛博士嘅人造人,最後俾比達搞掂。
  • 基洛博士
    • 龍珠系列入邊所有人造人嘅生父,亦係龍珠二世人造人篇,斯路篇同GT版超級17號篇嘅元兇。頭腦發達,但實力麻麻。
    • 佢將自己改造成人造人20號。但係唔夠班龍珠戰士打,於是番番去自己嘅研究所打開17號同18號,不過俾17號殺咗。
  • 拜高安(動畫原創)
    • 悟空喺冥界時嘅武術大賽決賽對手,絕招叫做雷電神拳,曾經幫手收拾喺地獄橫行嘅菲利同埋斯路,但出咗十集八集之後就冇再出現。
  • 魔人布歐
    • 龍珠二世後期嘅大魔王,幾乎無人能敵。
    • 肥布歐,係吸收咗南界王神同大界王神之後變成嘅,係最善良嘅一個,同撒旦做咗老死。喺GT版嘅下場同孫悟飯一樣,變咗二打六,最後同歐布合體。
    • 瘦布歐,由於有兩個無所事事嘅人殺咗布歐隻狗仔同傷咗撒旦,所以肥布歐好嬲,嬲到噴出蒸氣,之後蒸氣變咗瘦布歐。
    • 惡布歐,係瘦布歐扯晒肥布歐嘅功力合體而成,以南界王神為本。
    • 其他布歐,分別有吸收咗超級撒亞人3悟天格斯嘅布歐、吸收咗魔童嘅布歐同吸收咗悟飯嘅布歐。最勁嘅係吸收咗悟飯之後嗰個。
    • 純正布歐,係最原始嘅布歐,冇晒吸收得嚟嘅力量,但最邪惡而又冇自制能力(實力同超級撒亞人3嘅悟空相若)。
  • 悟天格斯
    • 孫悟天同杜拉格斯嘅融合,實力雖然強,但係性格就非常自大。
  • 比古洛(格古達)
    • 孫悟空同比達用耳環嘅合體,無人能敵,係全宇宙最強嘅合體戰士。
    • 比古洛一直冇發揮過全部實力應戰,喺龍珠Hero中,曾經變身成為超級撒亞人3。
  • 格比達
    • 孫悟空同比達嘅融合
    • 以三種形態喺龍珠系列出過場3次(二世劇場版失敗同成功融合各一次,GT一次,融合失敗會變肥仔)。
  • BoBo(阿包)
    • 悟空個孫,撒旦個外孫,悟飯同比迪麗個女。大小姐一名,實力唔錯,GT版女主角。
  • 歐布
    • 悟空個徒弟,係魔人布歐(原版)嘅轉生。實力唔錯,喺GT版入邊嘅關鍵時刻出嚟幫拖,屬茄哩啡一名。
  • 小子(Baby)
    • GT版初期嘅魔王,係輻魯星人嘅復仇工具。曾經上過好多人身,包括比達等龍珠戰士。最後死喺悟空手上。
  • 邪惡龍
    • 由龍珠嘅負極能量過度膨脹而產生嘅產物,GT版最後亦係全龍珠系列最強嘅敵人。
    • 總共有七個,每一個都有唔同嘅能力同個性。一星龍最強,三星龍最卑鄙,四星龍最正直,七星龍最無用等。

參考[編輯]

出面網頁[編輯]