一級方程式

一級方程式賽車
Formula 1

類別	方程式賽車
國家或地區	全球
第一屆開幕	1950
車手	20
車隊	10
賽車供應商	10
引擎供應商	法拉利 · 平治 · 雷諾 · 紅牛
輪胎供應商	倍耐力
車手冠軍	蘭度·羅禮士
車隊冠軍	麥拿倫
www.formula1.com
而家賽季

一级方程式 (1986)

一級方程式賽車

 一級方程式（粵拼：jat1 kap1 fong1 cing4 sik1） （英文：Formula One）係由國際汽車聯盟舉辦嘅最高等級嘅年度系列場地方程式賽車比賽，由1950年開始搞。「方程式」係指比賽規矩。每年比賽都會將冠軍分頒畀車手同製造商。

一級方程式賽車最高時速可以去到360公里，引擎性能上限係每分鐘最多15,000轉。

命名

F1好耐以前就叫做大獎賽（Grand Prix），歷史可以追溯到二戰前。為咗公平性同安全性，賽車運動嘅主辦者會制訂賽車嘅統一「規格」（formula ，但係錯誤翻譯，夾硬解釋為車輛設定嘅「公式」），只有按照規格製造嘅賽車先可以參賽，呢種賽車就稱為「方程式賽車」。 FIA制定咗一系列嘅呢啲Formula，包括咗F1 F2 F3，而最高級嘅就係F1。而比賽名稱中嘅「 Formula」代表嘅係「規則」（rule）嘅意思，並非數學領域入面嘅方程式，疑似係早年間翻譯嘅小小瑕疵。甚至喺數理學科中「 Formula 」嘅中文係稱為「公式」。呢個唔單止係誤解咗 Formula 原名詞嘅意義，就連選數學名詞都選錯詞。但由於中文環境中最早接觸呢個名詞時翻譯為方程式，喺多年嘅使用後已經成為約定成俗且廣為接受嘅譯名。由於呢個比賽喺全世界嘅高知名度，雖然簡稱為「 F1」亦通常唔會造成誤解，而喺好多其他領域嘅競賽中，亦常見到將最高等級賽事命名為「 F1」嘅例子，例如世界一級方程式競艇錦標賽 （ F1 Powerboat Racing ）。

歷史

一級方程式歷史悠久，前身為1920年代同1930年代舉辦嘅歐洲大獎賽。 1946年，新規則「 Formula One 」商定成功，並舉行首場非錦標賽，。一啲大獎賽組織機構戰前就已經制定咗世界錦標賽嘅規則，由於一戰，唯有終止比賽，到1947年先至正式出現咗世界車手錦標賽。第一場世界錦標賽喺1950年喺英國銀石賽道舉行，呢次比賽係F1嘅第一場比賽，當時仲有唔計入總分嘅非大獎賽賽事。 1958年車隊冠軍嘅概念被引入。 1960年代同1970年代南非同英國仲存在全國錦標賽。而唔係錦標賽一級方程式多年之後由於競爭成本增加，喺1983年結束。

1950年，第一場世界錦標賽由 FIA 喺英國銀石賽道上舉行。 1970年代係 F1嘅瞬間加速期。空氣動力學套件加渦輪增壓引擎，令賽車速度激增：1968年，法拉利車隊嘅312 F1-68賽車係第一部有空氣動力學尾翼嘅賽車，佢哋喺1968年比利時大獎賽帶來今次嘅升級。本站之中，布拉咸車隊都帶來咗類似嘅尾翼設計，但係法拉利嘅賽車被公認為第一款真正意義上嘅帶有空氣動力學嘅F1賽車；1980年末開始引進嘅電腦科技令賽車嘅油門、極力子全部由電腦自動調控；1990年代係 F1嘅「自動化」期，當時嘅麥拿倫車隊同威廉士車隊可謂登峰造極。冼拿、文素、舒麥加、韋倫諾夫等等著名車手都係80年代尾至90年代贏到佢哋嘅世界冠軍。然而賽車運動嘅樂趣終歸都係選手嘅技藝，而唔係賽車嘅機械。某啲批評家認為賽車嘅機械運作過度仰賴電腦，從而令部分技術欠佳嘅車手獲利。因此比賽嘅主辦單位亦經常修改規則，用以降低新技術所帶來嘅影響。

賽事回歸

愛快 · 羅密歐車隊嘅意大利車手朱塞佩 · 法里納喺1950年以微弱優勢擊敗隊友阿根廷車手胡安 · 范治奧贏到咗第一個 F1世界冠軍。但范治奧喺1951年、1954年、1955年、1956年同1957年五次贏到車手冠軍，甚至1954-1957年間實現四連冠（五個世界冠軍頭銜嘅紀錄塵封長達45年之久，直到2003年先被德國車手米高舒麥加打破，四連冠紀錄直到2013年先被德國車手華迪爾打破），中間兩年因為方吉奧嘅受傷而中斷。雖然英國人史特靈 · 莫斯可以參與競爭，但係從來都冇贏得過世界冠軍，而家佢被廣泛認為係未獲得世界冠軍嘅最偉大車手。 范治奧統治 F1嘅第一個十年而被津津樂道，長期以來佢被尊為一級方程式賽車嘅「大師」。

呢個時期特色係車隊由汽車製造商（愛快 · 羅密歐、法拉利、梅賽德斯 · 平治以及瑪莎拉蒂）管理，而呢啲廠商都參加戰前嘅比賽。宜家呢啲由汽車製造商運營嘅車隊被稱為“廠隊”。梅賽德斯車手兩度贏得世界冠軍，但係喺1955年利曼慘案之後退出 F1 ，直至2010年代先至回歸。

賽事模特兒

自1960年代起，穿着印有贊助商商標服飾嘅比基尼女郎，成為賽車嘅重要一環。直至宜家我哋仲可以喺各種唔同嘅汽車比賽中見到佢哋。呢啲模特兒，稱之為“賽車女郎”。但 21世紀以來好多中東國家陸續申請舉辦F1大獎賽，有關嘅風俗法例亦限制咗女郎出場。而隨住性別平權思潮冒起，廢除「物化女性」嘅意見亦冒起。 F1喺2018年1月底發聲明宣布，由3月25日揭幕嘅 F1世界錦標賽季開始「中止採用賽車女郎嘅長期慣例」，新規定亦將適用於其他賽事，但未明言參賽車隊可唔可以繼續自行僱用賽車女郎宣傳 。但各大車隊至今都冇僱用賽車女郎作為宣傳。

廠商重現

米高舒麥加連同法拉利車隊締造前所未有嘅車手五連冠（2000年 -2004年）同車隊六連冠（1999年 -2004年）。包括佢之前喺巴列頓車隊嘅兩個世界冠軍，佢一舉成為目前世界冠軍最多嘅車手：7個。（2020年，路易斯·咸美頓贏到佢第七個世界冠軍頭銜，同舒麥加並列第一） 2005年9月25日，雷諾車手費蘭度阿朗素終結舒麥加六連霸嘅夢想，一舉成為 F1歷史上最年輕嘅世界冠軍（2008年被英國車手路易斯·咸美頓 打破，現紀錄由2010年賽巴斯蒂安 · 維泰爾保持）。翌年，雷諾車隊同西班牙人再次奪得雙料冠軍。年底，舒麥加宣告退役。 2010賽季，德國車隊平治自1955利曼慘案後復出，同作為德國人嘅舒麥加亦復出，作為佢哋嘅正式車手，隊友係同為德國嘅羅斯堡，德國車隊連同兩個德國車手，組成德國連線。經歷過糟糕嘅三年之後，七屆世界冠軍得主再次退隱江湖。但佢留下嘅技術遺產為車隊2014年嘅車手冠軍奠定咗極其重要嘅基礎。

為咗增加比賽精彩程度同減少開銷，亦為咗緊貼科技發展，國際汽聯FIA經常改變賽事規則 。車隊指令自 F1創建以來就一直合法，但係喺2002年被禁。原因係有啲車隊多次公然操縱比賽產生負面影響，其中最為著名嘅當數法拉利車隊喺2002年奧地利大獎賽嘅讓車事件。規則嘅其他變化包括排位賽形式、計分系統以及發動機同輪胎嘅使用壽命等。

2014年，F1開始引入混能引擎，替代咗此前嘅2.4L V8自然吸氣引擎。呢副1.6T V6嘅動力單元由內燃機ICE、渦輪增壓器、動能回收電機MGU-K同熱能回收電機MGU-H組成。兩個能量回收模塊可以將引擎嘅多餘熱能同制動過程中嘅多與動能轉化為電池電量，可驅動電機提供額外動力。動力單元規例嘅變化，為比賽帶來咗一次大洗牌。

2022年，F1開始引入地面效應。通過車底特殊設計嘅底板，可以令空氣喺車底流動嘅過程中隨著車速嘅變化提供下壓力，車速越快，下壓力越大。同時亦帶來咗顯而易見嘅問題：若車底受損，賽車嘅下壓力會顯著丟失，從而減慢車速。若賽車嘅懸掛部件調得太低，在高速行駛中有機會由於巨大嘅下壓力造成觸底，暫時阻斷氣流通道，丟失部分下壓力。由於冇咗部分下壓力，賽車會向上彈起。如此往復，稱之為“海豚跳”問題。

2026年，F1動力單元迎來改例。喺之前嘅1.6T V6引擎基礎上，去除咗同市售車關係唔大嘅熱能回收電機，增大咗混能引擎中電能嘅比例（55%）。除此之外空氣動力部件亦迎來改例，2022年開始嘅地面效應被取消，轉而引入主動空氣動力套件。喺特定嘅路段，當車手經過偵測點時同前車車距1秒內，後車車手就可以開啟頭翼同尾翼嘅主動翼面，減少賽車嘅阻力。

廠商車隊嘅減少同私人車隊嘅回歸

喺2008年同2009年，本田、寶馬同豐田都因為經濟危機從 F1賽事中退出。呢個導致製造商車隊控制該項運動嘅結束。本田 F1車隊管理層回購車隊成立布朗 GP車隊。著名 F1設計師羅斯 · 布朗同尼基·弗莱擁有並運營該車隊。布朗 GP 車隊經歷咗一段痛苦嘅減少公司規模嘅階段，佢哋解僱咗數百名員工。但係佢哋最後獲得世界冠軍（當時嘅車手係簡森 · 巴頓同魯本斯 · 巴里切羅）。寶馬 F1車隊由彼得·索伯領導嘅創始團隊回購，蓮花車隊則係另一個例子，先前由製造商擁有嘅車隊逐漸改變成私人車隊，最終改組為雷諾車隊

迈凯伦同样宣布将逐步从梅赛德斯-賓士手中回购股份（迈凯伦和梅赛德斯－賓士之间的关系由设计生产梅赛德斯-賓士SLR McLaren公路型汽车开始）。在2010年，梅赛德斯-賓士购买布朗GP车队重新以一家厂商车队回到这项运动中。这一举动使迈凯伦和奔驰之间15年的合作产生裂隙。

睇埋

• 格蘭披治