七姊妹星團

七姊妹星團

七姊妹星團，傳統叫昴，中國叫昴宿星團，星團一個，編號M45，分類為疏散星團。星團喺金牛座。近地球星團之中，佢可以響冬季星空，以肉眼觀察，所以至出名。另一個肉眼睇到，係畢星團。

昴，古時話佢似團毛頭，亦為司辰之用。

星團實為一堆熾熱藍星，距今一億年之內形成。星星周圍嘅塵，形成暗黑之反射星雲。以前以為，塵為星團形成時嘅遺物，之不過，今下知道，純粹星團咁啱行過，撞上一團塵雲，而吸附咗團塵。天文學家估計，星團都仲有兩萬五千萬年「命」。之後佢會畀銀河旋臂，以及巨形分子雲，兩者引力作用而扯開。

天文台大望遠鏡，天文攝影愛好者，都慣常以昴為目標。亦都係好多觀星友必認嘅目標之一，都幾犀利㗎。