上古哲學

兩河流域神話

拜日神成一神教

柏拉圖。古希臘哲學家

八卦。易喺中國哲學代表

上古哲學，哲學分時期來講，由哲學開初到後古代史，即約莫西元六百年為止，約莫到大隋，或者話中古之前。亦有人叫古典哲學、古代哲學。

哲學探討存在、理性、知識、價值、心靈、語言。人類有思想，就會開始問呢問題。已知至古老兩河流域哲學、古埃及哲學，無後世哲學咁明顯，但亦都可謂哲學開端，有神話、有宗教、有處世格言。神話同宗教，會涉及點解會有人，點解有生死，死後會點樣，有無靈魂。會用天意解釋吉凶。

當中，古埃及哲學，啟發到古希臘哲學，有當時明確記載。而且有世界至早一神教。兩河流域哲學，有構想二人問答，探索種種問題。近代研究古文獻，佢影響咗猶太人聖經同猶太哲學。猶太人宗教，同古羅馬時期同古希臘世界交錯，出咗基督教同早期基督教哲學。古希臘哲學，喺西方至為重要，西洋哲學開端，影響到古羅馬哲學。印度哲學、波斯哲學，有一定關係。印度哲學同印度教、佛教相關。波斯哲學尤其重視二元，光明同黑暗，出拜火教同摩尼教。中國喺東方自成一派，有尚書歷史同政治哲學，有春秋戰國諸子百家，發展成九流十家，以道家、儒家、法家至為重要。佛教由西域傳入中土，同本土思想結合，引發出道教。喺中東，基督教思想又引發出回教，有早期回教哲學。

表面上，種種哲學，內涵南轅北轍，但內裏有千絲萬縷關係，唔同地域會互相影響。