天基動能武器

天基動能武器（kinetic orbital strike）係源於冷戰時期嘅一種構想；指由人造衛星將一啲物體揼落去一粒行星嘅表面上，用意在於破壞行星表面嘅目標；原則上，天基動能武器可以好勁－天基動能武器揼嘅物體可以以好高角度同速度攻擊目標，所以極難防禦，不過到咗廿一世紀初，因為成本等嘅問題，呢種武器仲係一種構想。順帶一提，因為預想中嘅天基動能武器揼嘅係粗嘅金屬棒，所以呢種武器又有個花名叫「由上帝嗰度嚟嘅棒」（rods from god）。