世界運動會

出自維基百科,自由嘅百科全書
跳去導覽 跳去搵嘢

世界運動會(簡稱世運會世運),係一個國際性嘅體育競賽盛會,1981年喺美國加州聖塔卡拉拉首次舉辦,之後每四年舉行一次,競賽項目以非奧運會項目為主,由國際世界運動總會(IWGA)舉辦,喺每屆奧運一年之後舉行。同奧運會有分夏季同冬季唔同,世界運動會冇冬季項目。

世運會嘅項目大概喺25至35種之間,數量由各主辦城市嘅場地設施而定,好少會為咗某嗰項目而新建場館設施。被列為「邀請賽」嘅項目仍然會舉辦,但係唔會頒發獎牌,就算某啲比賽係正式項目,主辦城市仍然可以將嗰項列為邀請賽。一啲世運會嘅競賽項目已經成為奧運嘅正式比賽項目(例如三項鐵人),或者過去曾經係奧運會嘅項目(例如扯大纜)。2004年8月12號,奧運會決議將世運會比賽情形納入挑選奧運新項目嘅條件,不過,奧運會近年嘅參賽選手已經逼近10,500人,因此世運會嘅項目好有可能唔會再被納入奧運。

2000年同國際奧委會簽訂備忘錄,國際世界運動會協會IWGA受國際奧委會IOC所授權同資助,為共同推廣世界運動而努力,共享資源同宣傳。

出面網頁[編輯]