中九龍繞道

中九龍繞道油麻地段隧道啟德出入口工程（2025年3月）

中九龍繞道 （Central Kowloon Bypass），係香港6號幹線一部份，連接九龍嘅油麻地同茶果嶺，繞道主要係地底行車隧道，分為油麻地段同九龍灣段兩條隧道。

油麻地段隧道連接油麻地同啟德，施工時稱為中九龍幹線，全程三線雙程分隔公路，2017年動工，喺2025年12月21號通車。

九龍灣段隧道連接啟德同觀塘區茶果嶺，接駁將軍澳—藍田隧道，施工時稱為東南九龍T2主幹道，全程雙線雙程分隔公路，用隧道鑽挖機起。2019年動工，預計2026年年中通車。