中俄羅斯高地

中俄羅斯高地嘅景色（別爾哥羅德州）

中俄羅斯高地（又叫：東歐高地（俄文：Среднерусская возвышенность ）係東歐平原嘅一個高地區域同高低起伏嘅高原，平均海拔230至250米，最高峰係293米。高地東南部叫做Kalach Upland 。中央高地由結晶狀嘅沃羅涅日地塊嘅前寒武紀沉積物所組成。

位置

中俄羅斯高地位於中南歐洲俄羅斯，由奧卡河延伸到頓涅茨河，面積大約48萬平方公里 。高地橫跨烏克蘭同俄羅斯聯邦歐洲部分嘅多個地區。高地向東南面朝頓涅茨河，變成頓涅茨低地。東面嘅自然邊界以奧卡 - 頓低地為界限，西面就由第聂伯低地為界限。大部分高地都喺俄羅斯嘅境內，所以就叫中俄羅斯高地。

歷史

科斯特羅馬河同科斯特羅馬市嘅名，同斯拉夫神話嘅女神科斯特羅馬相同，所以有人認為，呢片位於俄羅斯中部的區域，可能係追溯斯拉夫部落發源地嘅重要線索。

地區

高地喺歐洲地圖入面嘅位置

• 奧里奧爾州
• 布里安斯克州
• 庫爾斯克州
• 貝爾哥羅德州
• 沃羅涅日州
• 羅斯托夫州
• 哈爾科夫州（烏克蘭）
• 蘇美州（烏克蘭）
• 盧甘斯克州（烏克蘭）

地殼構造

沃羅涅日地塊係東歐克拉通嘅一部分，向西南方，即係第聂伯 - 頓涅茨河方向下降，同普里皮亞特河一齊形成普里皮亞特 - 第尼伯 - 頓涅茨河。沃羅涅日山脈嘅大部分地區都由泥盆紀、侏羅紀、白垣紀同古近紀時期嘅薄層沉積物所覆蓋。喺東南方，位於博古查爾同巴甫洛夫斯克兩個城市（沃羅涅日州）之間嘅頓河，結晶層會露出地表。喺高地嘅周圍，前寒武紀沉積物嘅位置都遠低於沉積岩層。西北部一小部分嘅高地喺沃爾斯頓冰期曾經俾冰川覆蓋。而家幾乎成片高地都俾黃土同黃土狀壤土所覆蓋。

外部連結

• Central Upland — Encyclopedia of Ukraine 嘅條目