中共中央台灣工作辦公室

中共中央台灣工作辦公室（簡稱中共中央台辦），係中國共產黨中央委員會主管對台灣工作嘅中共中央辦事機構，亦係中央對台工作領導小組嘅辦事機構。中共中央台辦對外掛有國務院台灣事務辦公室（簡稱國務院台辦或者國台辦）嘅牌子，國務院台辦同中共中央台辦係「一個機構兩塊牌子」，編制列入中共中央直屬機構序列，唔列入國務院機構編制。

中共中央台辦、國務院台辦係貫徹執行中共中央、國務院確定嘅對台工作方針政策嘅機構。喺唔同情況用唔同機構名，例如對喺中國大陸投資嘅台商同工作嘅台籍工人稱「國台辦」，對台灣政黨就用「中共中央台辦」嘅名義。