中國人唔食呢一套

出自維基百科,自由嘅百科全書
(由中國人不吃這一套跳轉過嚟)

中國人唔食呢一套(原文:中國人不吃這一套)係中國民族主義戰狼外交之下出現嘅一句口號,最初出自中華人民共和國(下稱中國)資深外交官楊潔篪,後來被唔少中國網民同一啲香港親中派人士引用。呢句話喺中國網民之間大熱,但喺國際社會就充滿爭議性。就一啲中國大陸傳媒人同學者,都對呢句說話有保留。

原文出處[編輯]

喺2021年3月,美中高層喺阿拉斯加最大城市安克拉治進行中美高層戰略對話,美國就中國喺香港新疆西藏台灣問題嘅表現,作出批評,要求佢哋尊重當地人嘅人權。出席會談嘅中共中央政治局委員楊潔篪未有回應問題,但就對美國代表講咗一句:「美國沒有資格居高臨下同中國說話,中國人不吃這一套!」[1]

後續影響同評論[編輯]

中國大陸[編輯]

楊潔篪呢句說話,隨即喺中國大陸嘅互聯網大熱,尤其係受到小粉紅嘅歡迎。

  • 喺淘寶網,有唔少商家推出印呢句「金句」嘅各種商品,包括T恤、手機殼、購物袋等。有啲商品亦印有英文「stop interfering in China's internal affairs」(停止干預中國內政)嘅字句[2][3][4]。不過,亦有網民批評呢啲係假借愛國名義嘅商業行為,並唔可取[3]
  • 人民日報微博用上大紅帖子,同時用中英文寫出楊潔篪呢句話[1]

雖然呢句話得到一啲小粉紅同官媒嘅認同,但喺中國大陸,亦有一啲傳媒人同學者對於呢句說話有保留。

  • 北京資深媒體人高瑜話,呢句說話唔係咁文明,甚至有一啲江湖氣喺度,可能會鼓動國內民粹主義嘅反美情緒,對年輕人嘅成長,或者國一般老百姓文化水平嘅提高亦無幫助[5]
  • 中國人民大學政治系主任冷傑甫教授話,中國外交官喺國際場合,可以強硬,但要妥當。呢句話對國內一部分民族主義者,有唔好嘅刺激,日後中國外交官要提高修養,合理正當咁表達意見。佢亦反對有啲商人咁樣借機會嚟搵錢[5]
  • 前中共中央黨校教授,因為批評中共總書記習近平而被開除共產黨黨籍嘅蔡霞,話楊潔篪咁講,連基本嘅文明禮儀都冇,係丟架嘅中國江湖混子俚語[6]

另外,一啲反共嘅大陸網民亦改編呢句說話去揶揄中共,例如話「中國不吃美國這一套,只吃毛澤東文革那一套。」,「中國不吃美國這一套,只吃三年大饑荒死3,000萬人那一套。」等等[7][8]

台灣[編輯]

  • 民進黨立委王美惠喺2021年3月一次質詢陸委會同海基會嘅時候,抨擊中共打壓台灣,又喺個人Facebook改編咗呢句說話,話「台灣人不吃(中共)這一套」[10]
  • 聯合報》評論,楊潔篪呢句話係同潑婦罵街無分別,甚至可能成為中美關係嘅分水嶺[1]
  • 時事評論員黃澎孝形容,呢句話其實背後係代表中國人覺得自己有著「百年國恥」,有強烈嘅「歷史受害情結」,食盡外國人嘅所畀嘅苦頭。因為呢種諗法,中國人對外國人嘅成見同負面情緒,就喺呢個場合表現出嚟。黃澎孝又分析,加上楊潔篪20年前就被中共任命為駐美大使,楊覺得自己以前打交道嘅對手係老布殊、克林頓、小布殊、奧巴馬,但呢次會面嘅布林肯同蘇利文,只係佢以前對手嘅手下,覺得自己被冷待,所以先講咗佢咁「反外交」嘅說話[11]
  • 時事評論員蕭徐行話,事件凸顯現中國戰狼外交本質,自以為是,態度強硬傲慢同霸道,完全唔係十年前公開宣稱嘅中國和平崛起,引起外界反感[12]

香港[編輯]

  • 親中派香港立法會議員葛珮帆,喺2021年7月1號出席一個花車巡遊慶祝中國共產黨百年黨慶同香港回歸嘅時候,著上咗一件「中國人不吃這一套」嘅T裇,事後佢話係希望希望表達反對外國干預香港嘅信息[13]
  • 喺2021年4月,有親中派人士喺西九龍裁判法院門外襲擊記者,當時就著住「中國人不吃這一套」T恤。佢之後被警察拉咗[14]

美國[編輯]

  • 保守派智庫美國企業研究所(AEI)亞洲研究項目主任卜大年(Dan Blumenthal)話,中國其實無外交目標,只係要羞辱美國,贏得國民支持,而楊潔箎將會被視為英雄咁樣回國[15]
  • 華盛頓郵報》形容,呢次係拜登政府首次領教到中國「戰狼外交」嘅作風,又批評中國完全無外交禮節[11]

參考[編輯]

  1. 1.0 1.1 1.2 . RFI - 法國國際廣播電台 (繁體中文). 2021-03-19. 原著喺2021-05-07歸檔. 喺2021-07-02搵到.
  2. 世界新聞網. 國人不吃這一套 楊潔篪金句變商品. (臺灣中文). 喺2021-07-02搵到.
  3. 3.0 3.1 中時新聞網. 國人不吃這一套邊商品爆紅 網購大賺愛國財 - 兩岸. (中文). 喺2021-07-02搵到.
  4. 朱加樟 (2021-03-21). 潔篪國人不吃這一套邊產品熱賣 連iPhone手機殼都有. 港01 (香港中文). 喺2021-07-02搵到.
  5. 5.0 5.1 "中國人不吃這一套" 分析:用江湖語言鼓動民粹主義. . 喺2021-07-02搵到.
  6. . (繁體中文). 喺2021-07-02搵到.
  7. 共演吃這一套臉秀 網友造句調侃 - 大紀元. 紀元 www.epochtimes.com (繁體中文). 2021-03-24. 喺2021-07-02搵到.
  8. . (繁體中文). 喺2021-07-02搵到.
  9. 國人不吃這一套? 郁慕明忙舔共 : 聽後熱血沸騰啊! | 中國. 頭殼 Newtalk (中文). 2021-03-23. 喺2021-07-02搵到.
  10. 擊中國打壓自由民主 女戰神王美惠:灣人不吃這一套 | 政治. 頭殼 Newtalk (中文). 2021-03-22. 喺2021-07-02搵到.
  11. 11.0 11.1 精選轉載 (2021-03-24). . The News Lens 關鍵評論網 (中文). 喺2021-07-02搵到.
  12. 徐行觀點來罵去的戰狼外交就是中國式的外交嗎 | 國際. 頭殼 Newtalk (中文). 2021-03-24. 喺2021-07-02搵到.
  13. . Now 新聞 (香港中文). 喺2021-07-02搵到.
  14. 追打兩記者 穿國人不吃這一套T恤男被捕 - 新聞. am730 (香港中文). 原著喺2021-07-09歸檔. 喺2021-07-02搵到.
  15. 潔篪級戰狼秀家 : 只為羞辱美國 以英雄身分回中國 | 國際. 頭殼 Newtalk (中文). 2021-03-22. 喺2021-07-02搵到.