中央廣播電視總台南海影視城
呢間嘢曾經拍過好多影視作品，其中《香港的故事》、《太平天國》、《澳門的故事》、《少年包青天》就喺呢個景區入面影過，亦辦過《城市之間》同埋《同一首歌》（佛山南海站）嘅節目同巡迴演出。曾經喺2019年辦過中秋聯歡晚會、定向世界盃、中國（佛山）大灣區功夫電影周等大型活動。
面積[編輯]
間嘢嘅佔地面積有1500幾畝，公園兩邊環山，東北面平而闊，入面有1個湖，喺園區西南邊。
建築特色[編輯]
南海影視城嘅建築係類似舊北京、浙江杭州、嶺南地區啲皇家園林建築風格，重有西洋民國建築。
主要景區同建築[編輯]
南海影視城入面有好多個景區，佢分開咗以下呢啲景區：
天朝宮殿[編輯]
景區包括咗真神聖天門、榮光大殿同埋藏珍閣。
城牆、城門樓[編輯]
景區正門口一景。係太平天國城——天王府嘅第一棟建築，亦係中國大陸唯一弧形城牆。東西跨300m，高10m，中間嘅城門樓高29.55m。按1366～1368年起嘅南京城牆同午門嚟起。
真神聖天門（前殿）[編輯]
景區東北一景。係太平天國陳敏等候天王宣詔之地。太平天國期間，真神聖天門前邊重有座「真神榮光門」，係文武百官落馬轎之地，嗰時喺天朝宮殿入面都要由女官引導先至得。
榮光大殿[編輯]
景區東北偏東一景。個門原樣出自江蘇南京嘅西華門，係大明永樂年間嘅漢王府，大清改成兩總督衙門。大殿上重留咗條重2.5t嘅木雕蟠龍同四條黃龍柱，代表王權嘅尊嚴。
藏珎閣（大殿）[編輯]
景區東邊一景。間嘢因有嚿價值連城嘅瑰寶而改成噉嘅名。佢亦係成個園區單體最大最高嘅建築，建築面積6740m²，高33m。原版起喺江蘇南京嘅天朝宮殿西花園後邊。
後林苑[編輯]
景區最東邊一景，喺藏珍閣東邊嘅山坡仔上邊。太平天國時期係天王洪秀全眷屬嘅住所。
港澳街區[編輯]
主要反映1920～1930年代有嶺南建築特色嘅香港街區同舊時葡式建築風格嘅澳門景觀，有古今並存同中西合璧嘅風格。
澳門街[編輯]
景區西南一景。1997年，中國中央電視台爲咗澳門回歸嘅事而拍咗《澳門的故事》節目。嗰時起嘅規模同「舊香港一條街」差唔多，風格有啲似舊嘅葡式建築，入面整咗許家大院、龍虎武堂、濠江酒店等建築。
香港街[編輯]
景區西南一景，係南海影視城最早嘅建築。1996年7月，中國中央電視台爲咗香港回歸嘅事而起，重喺1997年拍咗《香港的故事》節目。入面整嘅係1920年代嘅香港街區建築，有啲似舊嘅香港一條街。
江南水鄉[編輯]
景區中部偏西南一景。專門反映古樸典雅嘅江南水鄉風景為主。入面有金嶺商埠、東王府、鐘鼓樓、秦淮樓同埋江南風格嘅鄉下風景等。
商業演出[編輯]
漢舞傾城[編輯]
佢主要融合咗漢唐宋明四代最有歷史性嘅漢武劇。喺真神聖天門附近搞演出，每日淨得09:30同14:30先至有得睇，表演時長半個鐘。
雨巷[編輯]
江南水鄉景區推出嘅特色節目。講嘅係江淮一帶嗰邊啲獨行者同有愁怨嘅姑娘。每日淨得10:40同13:30先至有得睇，表演時長半個鐘。
靖港水戰[編輯]
表演形式從美國荷里活引入，節目由頭到尾都有詼諧、爆笑、激烈、刺激同風趣嘅嘢。喺水戰場入面搞演出，每日淨得11:00同15:10先至有得睇，表演時長半個鐘。
三英戰呂布[編輯]
場景出自小說《三國演義》第五集嘅「發矯詔諸鎮應曹公，破關兵三英戰呂布」。喺馬戰場入面搞演出，每日淨得11:50同16:10先至有得睇，表演時長廿分鐘。
馬路天使[編輯]
片段揀電影《馬路天使》嘅表演片段，以話劇同舞蹈等形式，將電影人物、情節、歌曲等細節結合，回顧返1920～1930年代大城市入面啲人係點生活。喺舊港澳街入面搞演出。每日淨得12:30同16:55先至有得睇，表演時長十分鐘。
影視特技體驗[編輯]
影視場景展入面淨整咗《那年花開月正圓》古裝劇入面，周瑩、瀋星移、吳聘、胡詠梅、杜明禮等主要人物出鏡用過嘅服飾同道具，專門表現東方美學嘅風格。喺舊港澳街入面搞演出。每日09:00～17:30營業。
飛同開放時間、注意事項[編輯]
- 飛
- 成人每位￥90。
- 年紀≥70嘅老坑（要有個人有效身份證）／身高＜1.2m嘅細路：免費
- 60≤年紀≤69嘅老坑（要有個人有效身份證）：每位￥55。
- 1.2m≤身高＜1.5m嘅細路：每位￥45。
- 入場時限一人一票且張飛有抌印先至得。
- 張飛一旦唔見咗、偷咗、撕爛、洗爛四者其一，景區一律唔補辦。
- 飛同景區內其它收費項目唔互通。
- 飛喺入場前一旦搣咗副券，冇得入場。
- 開放時間
- 平時：08:30～18:00
- 節假日：08:00～18:30
- 若果遇惡劣天氣或影視拍攝霸場地等用途，園區入面啲節目可能會調整或取消，屆時請留意公告。
- 注意事項
- 唔畀帶易燃易爆品入場
- 唔畀帶寵物入場（導盲狗除外）
- 喺藏珍閣入面，凡係皇帝寶座及古裝出租、數碼快影同門飛唔互通，要另外收錢。
- 門飛項同觀光車飛唔互通，若果需要觀光車嘅，要另外收錢。
